ଭୁବନେଶ୍ୱର: ବ୍ରଡବ୍ୟାଣ୍ଡ ସ୍ପିଡ୍ ଆଣ୍ଡ ମାପକ ସଂସ୍ଥା ଓକ୍ଲା ଭାରତରେ ୫ଜି ପ୍ରଦର୍ଶନ ଏବଂ ଗ୍ରାହକ ଅଭିଜ୍ଞତା ଉପରେ ପ୍ରକାଶିତ ଏହାର ରିପୋର୍ଟରେ କହିଛି ଯେ ଭାରତର ଟେଲିକମ୍ ଶିଳ୍ପର ପରିବର୍ତ୍ତିତ ଦୃଶ୍ୟପଟ୍ଟରେ ରିଲାଏନ୍ସ ଜିଓ ୫ଜି ଆଧିପତ୍ୟ ଦୌଡ଼ରେ ସବୁଠୁ ବଡ଼ ଭାବରେ ଉଭା ହୋଇଛି। ଜିଓ ଦ୍ରୁତ ଗତିରେ ୫ଜି ମୃତୟନ କାର୍ଯ୍ୟ କରୁଛି ଏବଂ ଉନ୍ନତ ପ୍ରଦର୍ଶନ କରୁଥିବା ଏହି ରିପୋର୍ଟରେ କୁହାଯାଇଛି । ଦୂରସଂଚାର ବିଭାଗ ଅନୁଯାୟୀ ୨୦୨୪ ଫେବ୍ରୁଆରି ୨୯ ସୁଦ୍ଧା ଭାରତରେ ୪.୨୫ ଲକ୍ଷ ୫ଜି ବିଟିଏସ୍ ସ୍ଥାପନ କରାଯାଇଛି ଯେଉଁଥିରୁ ପ୍ରାୟ ୮୦% ବିଟିଏସ୍ ରିଲାଏନ୍ସ ଜିଓ ସ୍ଥାପନ କରିଛି ।
ରିଲାଏନ୍ସ ଜିଓ ଏବଂ ଭାରତୀ ଏୟାରଟେଲ ସମଗ୍ର ଭାରତରେ ୫ଜି ନେଟୱାର୍କ ବିସ୍ତାର କରିବା ପାଇଁ ବ୍ୟାପକ ପୁଞ୍ଜିନିବେଶ କରିଛନ୍ତି, ଯାହା ଫଳରେ ଭାରତରେ ୫ଜି ଉପଲବ୍ଧତାରେ ଉଲ୍ଲେଖନୀୟ ବୃଦ୍ଧି ଦେଖାଯାଇଛି । ୫ଜି ଉପଲବ୍ଧତା ୨୦୨୩ର ପ୍ରଥମ ତ୍ରୟମାସରେ ୨୮.୧% ଥିବାବେଳେ ୨୦୨୩ର ଚତୁର୍ଥ ତ୍ରୟମାସରେ ଏହା ୫୨.୦%କୁ ବୃଦ୍ଧି ପାଇଛି । ଆରମ୍ଭରୁ ୫ଜି ଷ୍ଟାଣ୍ଡଏଲୋନ ନେଟୱାର୍କ କାର୍ଯ୍ୟକାରୀ କରିବା ଦ୍ୱାରା ରିଲାଏନ୍ସ ଜିଓ ପରବର୍ତୀ ପିଢ଼ିର ଯୋଗାଯୋଗ କ୍ଷେତ୍ରରେ ଅଗ୍ରଣୀ ଭାବରେ ପ୍ରତିଷ୍ଠିତ ହୋଇପାରିଛି ।
ଜିଓର ବ୍ୟାପକ ୫ଜି କଭରେଜ୍ ଏହାର ଉନ୍ନତ ୫ଜି ଉପଲବ୍ଧତା ହାରରୁ ସ୍ପଷ୍ଟ ହୋଇଛି । ୨୦୨୩ ର ଚତୁର୍ଥ ତ୍ରୟମାସରେ ଜିଓର ୫ଜି ଉପଲବ୍ଧତା ହାର ୬୮.୮%କୁ ବୃଦ୍ଧି ପାଇଥିବା ବେଳେ ପ୍ରତିଦ୍ୱନ୍ଦ୍ୱୀ ଏୟାରଟେଲର ୩୦.୩%କୁ ହ୍ରାସ ପାଇଛି । ରିଲାଏନ୍ସ ଜିଓ ଲୋ-ବ୍ୟାଣ୍ଡ (୭୦୦ ମେଗାହର୍ଜ) ଏବଂ ମିଡ୍ ବ୍ୟାଣ୍ଡ (୩.୫ ଗିଗାହର୍ଜ) ସ୍ପେକ୍ଟ୍ରମ ଏବଂ ବିସ୍ତୃତ ଫାଇବର ନେଟୱାର୍କ ସହିତ ଗ୍ରାହକଙ୍କୁ ବ୍ୟାପକ କଭରେଜ୍ ଏବଂ ବ୍ୟାପକ ନେଟୱାର୍କ ପ୍ରଦାନ କରିବାରେ ସକ୍ଷମ ହୋଇଛି ।
ରିଲାଏନ୍ସ ଜିଓର ୫ଜି ନେଟୱାର୍କ ବିଶେଷ କରି ଭିଡିଓ ଷ୍ଟ୍ରିମିଂ ଏବଂ ମୋବାଇଲ ଗେମିଂରେ ଗ୍ରାହକଙ୍କ ଅଭିଜ୍ଞତାରେ ଯଥେଷ୍ଟ ଉନ୍ନତି ଆଣିଛି । ସ୍ପିଡ୍ ଟେଷ୍ଟ ଇଣ୍ଟେଲିଜେନ୍ସ ଡାଟାରୁ ଜଣାପଡିଛି ଯେ ରିଲାଏନ୍ସ ଜିଓର ୫ଜି ନେଟୱାର୍କ ଦ୍ରୁତ ଭିଡିଓ ଷ୍ଟାର୍ଟ ଟାଇମ୍ ପ୍ରଦାନ କରୁଥିବା ବେଳେ ବଫରିଂ ହ୍ରାସ କରୁଛି ଏବଂ ଗ୍ରାହକଙ୍କ ପାଇଁ ଷ୍ଟ୍ରିମିଂ ଅଭିଜ୍ଞତାକୁ ସମୃଦ୍ଧ କରିଛି ।
ରିଲାଏନ୍ସ ଜିଓର ୫ଜି ନେଟୱାର୍କ ଏୟାରଟେଲର ୫ଜି ନେଟୱାର୍କ ତୁଳନାରେ ୧.୧୪ ସେକେଣ୍ଡର ଦ୍ରୁତ ଭିଡିଓ ଷ୍ଟାର୍ଟ ଟାଇମ ରେକର୍ଡ କରିଛି ଯାହା ୧.୯୯ ସେକେଣ୍ଡ ଥିଲା । ରିଲାଏନ୍ସ ଜିଓ ଗ୍ରାହକଙ୍କ ଭିଡିଓ ଷ୍ଟାର୍ଟ ଟାଇମ ୦.୮୫ ସେକେଣ୍ଡ ହ୍ରାସ ସହ ୪ଜିରୁ ୫ଜିରେ ଅଧିକ ହ୍ରାସ ପାଇଛି । ଏହାବ୍ୟତୀତ, ମୋବାଇଲ୍ ଗେମରମାନେ କମ୍ ବିଳମ୍ବତା, ଉତ୍ତମ ପ୍ରତିକ୍ରିୟା ଏବଂ ସହଜ ତଥା ନିର୍ବିଘ୍ନ ଗେମ-ପ୍ଲେ ରୁ ଉପକୃତ ହୋଇଛନ୍ତି ।
ନେଟୱାର୍କ କାର୍ଯ୍ୟଦକ୍ଷତାରେ ଅନ୍ତର୍ନିହିତ ଜଟିଳତା ସତ୍ତ୍ୱେ, ୫ଜି ପ୍ରତି ଗ୍ରାହକଙ୍କ ଭାବନା ଅତ୍ୟନ୍ତ ସକାରାତ୍ମକ ରହିଛି । ଏହା ରିଲାଏନ୍ସ ଜିଓର ୫ଜି ସେବା ପାଇଁ ନେଟ୍ ପ୍ରମୋଟର ସ୍କୋର (ଏନପିଏସ) ପ୍ରତିଫଳିତ କରୁଛି ଯାହା କି ୨୦୨୩ର ଚତୁର୍ଥ ତ୍ରୟମାସରେ ୭.୪ ରେକର୍ଡ କରାଯାଇଛି । ଏନପିଏସରେ ଏହି ବୃଦ୍ଧି ଧାରା ରିଲାଏନ୍ସ ଜିଓର ୫ଜି ନେଟୱାର୍କ ଦ୍ୱାରା ପ୍ରଦାନ କରାଯାଉଥିବା ଉନ୍ନତ ପ୍ରଦର୍ଶନ ଏବଂ ବିଶ୍ୱସନୀୟତା ସହିତ ଗ୍ରାହକମାନଙ୍କ ସନ୍ତୋଷକୁ ପ୍ରତିଫଳିତ କରୁଛି ।
୫ଜି ହାରାହାରି ଡାଉନଲୋଡ୍ ସ୍ପିଡ୍ ଦୃଷ୍ଟିରୁ ଭାରତ ଏବେ ବିଶ୍ୱର ଶ୍ରେଷ୍ଠ ୧୫ଟି ଦେଶ ମଧ୍ୟରେ ରହିଛି । ୨୦୨୩ର ଚତୁର୍ଥ ତ୍ରୟମାସରେ ରହିଥିବା ଦେଶର ହାରାହାରି ୫ଜି ଡାଉନଲୋଡ୍ ସ୍ପିଡ୍ ୩୦୧.୮୬ ଏମବିପିଏସ୍ ଏହାକୁ ଅତ୍ୟାଧୁନିକ ୫ଜି ଭିତ୍ତିଭୁମି ଥିବା ଦେଶ ଭାବରେ ବିଶ୍ୱ ମାନଚିତ୍ରରେ ଦୃଢ଼ ଭାବେ ସ୍ଥାନିତ କରିଛି ।
