ନୂଆଦିଲ୍ଲୀ: ଉତ୍ତରପ୍ରଦେଶ ଏଟିଏସ୍ ସୋନୌଲି ସୀମାରୁ ଦୁଇ ପାକିସ୍ତାନୀ ନାଗରିକଙ୍କ ସମେତ ୩ ଅଭିଯୁକ୍ତଙ୍କୁ ଗିରଫ କରିଛି। ଗିରଫ ହୋଇଥିବା ବ୍ୟକ୍ତିମାନେ ପାକିସ୍ତାନର ରାୱଲପିଣ୍ଡି ନିବାସୀ ମହମ୍ମଦ ଅଲତାଫ ବଟ, ଇସଲାମାବାଦ ନିବାସୀ ସୟଦ ଗଜାନଫର ଏବଂ ଜମ୍ମୁ କାଶ୍ମୀରର ନାସିର ଅଲି ବୋଲି ଜଣାପଡିଛି। ଗିରଫ ମହମ୍ମଦ ଅଲତାଫ ବଟ ମୁଜାଫରବାଦର ହିଜବୁଲ ମୁଜାହିଦ୍ଦିନ ଶିବିରରେ ତାଲିମ ନେଇଛି। ସୂଚନାନୁସାରେ, ଅଲଜାଫ ବଟ ମୁଜାଫରବାଦ କ୍ୟାମ୍ପରୁ ଅସ୍ତ୍ରଶସ୍ତ୍ର ତାଲିମ ନେବା ପରେ ହିଜବୁଲ ହ୍ୟାଣ୍ଡେଲରଙ୍କ ସହ ଯୋଗାଯୋଗରେ କାର୍ଯ୍ୟ କରୁଥିଲା। ନେପାଳ ଦେଇ ଭାରତରେ ପହଞ୍ଚିବାକୁ ଅଲତାଫଙ୍କୁ ନିର୍ଦ୍ଦେଶ ଦିଆଯାଇଥିଲା।
ନେପାଳର କାଠମାଣ୍ଡୁରେ ଆଇଏସଆଇର ହ୍ୟାଣ୍ଡେଲର ନାସିରକୁ ମିଳିଥିଲେ, ଯିଏ ଅଲତାଫ ବଟ ଏବଂ ସୟଦ ଗଜନଫରଙ୍କ ସହ ନକଲି ଆଧାର କାର୍ଡ ଏବଂ ଅନ୍ୟାନ୍ୟ ଦଲିଲ ପ୍ରଦାନ କରିଥିଲେ। ଗିରଫ ହୋଇଥିବା ତୃତୀୟ ଅଭିଯୁକ୍ତ ନାସିର ଅଲି ଜଣେ ଆଇଏସଆଇ ଏଜେଣ୍ଟ। ଏହି ତିନିଜଣ ନାସିର ଅଲିଙ୍କ ସହାୟତାରେ ଭାରତ ଆସିଥିଲେ। ବର୍ତ୍ତମାନ ପୋଲିସ ଗିରଫ ହୋଇଥିବା ସମସ୍ତ ଅଭିଯୁକ୍ତଙ୍କୁ ଜେରା କରୁଛି।
