ବଙ୍ଗାଳୀ ଅଭିନେତ୍ରୀ ନୁସରତ ଜାହାଁ ଓ ମିମି ଚକ୍ରବର୍ତ୍ତୀ ଆଜି ଲୋକସଭାରେ ସାଂସଦ ଭାବେ ଶପଥ ନେଇଛନ୍ତି। ଲୋକସଭାରେ ୧୭ରୁ ୧୯ ତାରିଖ ଯାଏ ନବନିର୍ବାଚିତ ସାଂସଦମାନେ ଶପଥ ନେଇଥିଲେ। ହେଲେ ଟିଏମସି ଟିକେଟରୁ ପ୍ରଥମଥର ପାଇଁ ଲୋକସଭାକୁ ନିର୍ବାଚିତ ହୋଇଥିବା ନୁସରତ ଓ ମିମି ଶପଥ ନେଇପାରି ନଥିଲେ। ନୁସରତ ନିଜର ବାହାଘର ପାଇଁ ତୁର୍କୀ ଯାଇଥିବାରୁ ଶପଥ ନେଇପାରି ନଥିଲେ। ଉଭୟ ଶପଥ ନେଇପାରି ନଥିବାରୁ ଆଜି ସ୍ୱତନ୍ତ୍ର ଭାବେ ବାଚସ୍ପତି ଉଭୟଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି। ଉଭୟ ପଦ ଓ ଗୋପନୀୟତାର ଶପଥ ନେବା ପରେ ବନ୍ଦେ ମାତରମ, ଜୟ ହିନ୍ଦ ଓ ଜୟ ବେଙ୍ଗଲ ନାରା ଦେଇଥିଲେ। ନୁସରତ୍ ପାରମ୍ପରିକ ବେଶ୍ଭୂଷାରେ ବେଶ୍ ଆକର୍ଷଣୀୟା ଲାଗୁଥିଲେ । ଶପଥ ନେବା ପରେ ବାଚସ୍ପତି ଓମ୍ ବିର୍ଲାଙ୍କ ପାଦ ଛୁଇଁ ମୁଣ୍ଡିଆ ମାରିଛନ୍ତି । ନୁସରତ୍ ୧୯ ଜୁନ୍ରେ ବ୍ୟବସାୟୀ ନିଖିଲ୍ ଜୈନ୍ଙ୍କୁ ବିବାହ କରିଛନ୍ତି । ପଶ୍ଚିମବଙ୍ଗ ବରିସାତ୍ ଆସନରୁ ନୁସରତ୍ ବିଜୟୀ ହୋଇଥିବାବେଳେ ମିମି ଯାଧବପୁର ଆସନରୁ ବିଜୟୀ ହୋଇଛନ୍ତି ।
