ନୂଆଦିଲ୍ଲୀ: ଦୀପାବଳିରେ ଚାଷୀଙ୍କୁ ମୋଦୀ ସରକାର ଏକ ବଡ ଉପହାର ଦେଇଛନ୍ତି। ସରକାର ରବି ଫସଲର ଏମଏସପି ବୃଦ୍ଧି କରିଛନ୍ତି। 2025-26 ଋତୁ ପାଇଁ 6 ଟି ରବି ଫସଲର ସର୍ବନିମ୍ନ ସହାୟତା ମୂଲ୍ୟ (MSP) ବୃଦ୍ଧି କରିବାକୁ କେନ୍ଦ୍ର ସରକାର ଘୋଷଣା କରିଛନ୍ତି। ଏହି ନିଷ୍ପତ୍ତି ଅନୁଯାୟୀ, ବିଭିନ୍ନ ଫସଲର ଏମଏସପି ବୃଦ୍ଧି କରାଯାଇଛି, ଯାହା ଦ୍ଵାରା କୃଷକମାନେ ସେମାନଙ୍କ ଫସଲ ପାଇଁ ଭଲ ମୂଲ୍ୟ ପାଇପାରିବେ।
ନୂତନ ବିଜ୍ଞପ୍ତି ଅନୁଯାୟୀ:
– ଗହମର MSP କୁଇଣ୍ଟାଲ ପିଛା 2,425 ଟଙ୍କାକୁ ବୃଦ୍ଧି କରାଯାଇଛି, ଯାହା ପୂର୍ବରୁ 2,275 ଟଙ୍କା ଥିଲା।
– ବାର୍ଲିର MSP କୁଇଣ୍ଟାଲ ପିଛା 1,980 ଟଙ୍କାକୁ ବୃଦ୍ଧି କରାଯାଇଛି, ଯାହା ପୂର୍ବରୁ 1,850 ଟଙ୍କା ଥିଲା।
– ଚଣାର MSP କୁଇଣ୍ଟାଲ ପିଛା ,6 5,650 ଟଙ୍କାକୁ ବୃଦ୍ଧି କରାଯାଇଛି, ଯାହା ପୂର୍ବରୁ 5,440 ଟଙ୍କା ଥିଲା।
– ମସୁର ଡାଲିର ଏମଏସପି କ୍ୱିଣ୍ଟାଲ ପିଛା 6,700 ଟଙ୍କାକୁ ବୃଦ୍ଧି କରାଯାଇଛି, ଯାହା ପୂର୍ବରୁ 6,425 ଟଙ୍କା ଥିଲା।
– ସୋରିଷର MSP କୁଇଣ୍ଟାଲ ପିଛା 5,950 ଟଙ୍କାକୁ ବୃଦ୍ଧି କରାଯାଇଛି, ଯାହା ପୂର୍ବରୁ 5,650 ଟଙ୍କା ଥିଲା।
– କୁସୁମ ଫୁଲର MSP କୁଇଣ୍ଟାଲ ପିଛା 5,940 ଟଙ୍କା କୁ ବୃଦ୍ଧି କରାଯାଇଛି, ଯାହା ପୂର୍ବରୁ, 5,800 ଟଙ୍କା ଥିଲା।
ଚାଷୀଙ୍କୁ ସେମାନଙ୍କ ଫସଲ ପାଇଁ ଉଚିତ ମୂଲ୍ୟ ଯୋଗାଇବା ଲକ୍ଷ୍ୟରେ ସରକାରଙ୍କ ଏହି ପଦକ୍ଷେପ ନିଆଯାଇଛି।
