କଂଗ୍ରେସ ଏବଂ ଜେଡିଏସ୍ର 14 ଜଣ ବିଧାୟକ ବିଜେପିରେ ଯୋଗ ଦେବା ପରେ ବିଜେପି ଅର୍ଥବଳର ଉପଯୋଗ କରି ବିଧାୟକଙ୍କୁ କ୍ରୟ କରିଛି ବୋଲି କଂଗ୍ରେସ ଅଭିଯୋଗ କରିଛି । କଂଗ୍ରେସ ମୁଖପାତ୍ର ରଣଦୀପ ସୁର୍ଜେଓ୍ବାଲା ବିଜେପି ଅର୍ଥବଳର ପ୍ରୟୋଗ କରି ଏକ ନିର୍ବାଚିତ ସରକାରକୁ ଭାଙ୍ଗିବାର ପ୍ରୟାସ କରୁଛି ବୋଲି ସୁର୍ଜେଓ୍ବାଲା ଅଭିଯୋଗ କରିଛନ୍ତି । ଚଳିତ ବିଜେପି ସରକାରରେ ଘୋଡାବେପାର ଏକ ନୂତନ ସ୍ତରରେ ପହଞ୍ଚିଛି ବୋଲି ସୁର୍ଜେଓ୍ବାଲା ପ୍ରକାଶ କରିଛନ୍ତି । ସମ୍ବିଧାନ ପ୍ରତି ନିଜର ଦାୟିତ୍ବ ପାଇଁ ପ୍ରତିଜ୍ଞାବଦ୍ଧ ରହିବା ବଦଳରେ ଉଭୟ ମୋଦି ଏବଂ ଶାହା ଏହି ଘୋଡା ବେପାରକୁ ପ୍ରଶୟ ଦେଉଛନ୍ତି ବୋଲି ସୁର୍ଜେଓ୍ବାଲା ଅଭିଯୋଗ କରିଛନ୍ତି । ସ୍ପଷ୍ଟ ଦିବାଲୋକରେ ଏପରି ଘୋଡାବେପାର ଚାଲିଥିବାରୁ ଲୋକ ଏହାର ଜବାବ ଦେବେ ବୋଲି ସୁର୍ଜେଓ୍ବାଲା କହିଛନ୍ତି । କେବଳ କର୍ଣ୍ଣାଟକ ନୁହେଁ ବରଂ ଆସାମ, ମଣିପୁର, ତ୍ରିପୁରା, ଗୋଆ ଏବଂ ଆନ୍ଧ୍ରପ୍ରଦେଶରେ ମଧ୍ୟ ଏପରି ଘୋଡାବେପାର ଚାଲିଛି ବୋଲି ସୁର୍ଜେଓ୍ବାଲା ଅଭିଯୋଗ କରିଛନ୍ତି ।
Tags:
