ନୂଆଦିଲ୍ଲୀ: କେନ୍ଦ୍ର ଅର୍ଥ ଏବଂ କର୍ପୋରେଟ ବ୍ୟାପାର ମନ୍ତ୍ରୀ ଶ୍ରୀମତୀ. ନିର୍ମଳା ସୀତାରମଣ ଆଜି ସଂସଦରେ କେନ୍ଦ୍ର ବଜେଟ୍ 2025-26 ଉପସ୍ଥାପନ କରିଛନ୍ତି। ତେଲୁଗୁ କବି ତଥା ନାଟ୍ୟକାର ଶ୍ରୀ ଗୁରଜାଦା ଅପ୍ପା ରାଓଙ୍କ ପ୍ରସିଦ୍ଧ ଉକ୍ତିକୁ ଉଦ୍ଧୃତ କରି ଅର୍ଥମନ୍ତ୍ରୀ କହିଥିଲେ, ‘ଗୋଟିଏ ଦେଶ କେବଳ ଏହାର ମାଟି ନୁହେଁ; ଗୋଟିଏ ଦେଶ ଏହାର ନାଗରିକଙ୍କୁ ନେଇ ଆଧାରିତ।’ ଅର୍ଥମନ୍ତ୍ରୀ ସମସ୍ତ ଅଞ୍ଚଳର ସନ୍ତୁଳିତ ବିକାଶକୁ ଉତ୍ସାହିତ କରୁଥିବା ‘ସବକା ବିକାଶ’ ଲକ୍ଷ୍ୟ ସହିତ କେନ୍ଦ୍ର ବଜେଟ୍ ଉପସ୍ଥାପନ କରିଥିଲେ।
ସାଧାରଣ ବଜେଟ 2025-26 ର ସାରାଂଶ
- 1 ଲକ୍ଷ ଟଙ୍କା ପର୍ଯ୍ୟନ୍ତ ହାରାହାରି ମାସିକ ଆୟ ଉପରେ କୌଣସି ଆୟକର ନାହିଁ; ମଧ୍ୟମ ବର୍ଗର ଘରୋଇ ସଞ୍ଚୟ ଏବଂ ଉପଭୋଗକୁ ପ୍ରୋତ୍ସାହନ ମିଳିବ
- ନୂତନ ଟିକସ ବ୍ୟବସ୍ଥାରେ ବେତନଭୋଗୀ ବର୍ଗ ବାର୍ଷିକ 75 ଲକ୍ଷ ଟଙ୍କା ପର୍ଯ୍ୟନ୍ତ ଶୂନ ଆୟକର ପ୍ରଦାନ କରିବେ
- କେନ୍ଦ୍ର ବଜେଟରେ ବିକାଶର 4ଟି ଇଞ୍ଜିନ-କୃଷି, ଏମ୍.ଏସ୍.ଏମ୍.ଇ., ନିବେଶ ଏବଂ ରପ୍ତାନୀକୁ ସ୍ୱୀକୃତି ଦିଆଯାଇଛି
- 7 କୋଟି କୃଷକଙ୍କୁ ଲାଭାନ୍ୱିତ କରିବା ପାଇଁ ‘ପ୍ରଧାନମନ୍ତ୍ରୀ ଧନ-ଧାନ୍ୟ କୃଷି ଯୋଜନା’ରେ 100ଟି ନିମ୍ନ କୃଷି ଉତ୍ପାଦକତା ଜିଲ୍ଲାକୁ ଅନ୍ତର୍ଭୁକ୍ତ କରାଯିବ
- ବିରି, ହରଡ଼ ଏବଂ ମସୁର ଉପରେ ସ୍ୱତନ୍ତ୍ର ଧ୍ୟାନ ଦେଇ ‘ଡାଲି କ୍ଷେତ୍ରରେ ଆତ୍ମନିର୍ଭରତା ଅଭିଯାନ’ର ଶୁଭାରମ୍ଭ କରାଯିବ
- ସଂଶୋଧିତ ସୁଧ ରିହାତି ଯୋଜନା ଅଧୀନରେ କେ.ସି.ସି. ଜରିଆରେ 5 ଲକ୍ଷ ଟଙ୍କା ପର୍ଯ୍ୟନ୍ତ ଋଣ
- ଆର୍ଥିକ ବର୍ଷ 25ରେ ବିତ୍ତୀୟ ନିଅଣ୍ଟ 8 ପ୍ରତିଶତ ହେବ ବୋଲି ଆକଳନ କରାଯାଇଥିବା ବେଳେ ଆର୍ଥିକ ବର୍ଷ 26ରେ ଏହାକୁ 4.4 ପ୍ରତିଶତକୁ ହ୍ରାସ କରିବାର ଲକ୍ଷ୍ୟ
- ଏମ୍.ଏସ୍.ଏମ୍. ଇ. ଗୁଡ଼ିକୁ ଗ୍ୟାରେଣ୍ଟି କଭର୍ ସହିତ ଋଣ ପରିମାଣ 5 କୋଟି ଟଙ୍କାରୁ 10 କୋଟି ଟଙ୍କାକୁ ବୃଦ୍ଧି
- “ମେକ୍ ଇନ୍ ଇଣ୍ଡିଆ”କୁ ଆଗକୁ ବଢ଼ାଇବା ପାଇଁ କ୍ଷୁଦ୍ର, ମଧ୍ୟମ ଏବଂ ବୃହତ ଶିଳ୍ପକୁ ଅନ୍ତର୍ଭୁକ୍ତ କରୁଥିବା ଏକ ଜାତୀୟ ଉତ୍ପାଦନ ମିଶନ ଆରମ୍ଭ କରାଯିବ
- ଆସନ୍ତା 5 ବର୍ଷ ମଧ୍ୟରେ ସରକାରୀ ବିଦ୍ୟାଳୟରେ 50,000 ଅଟଳ ଟିଙ୍କରିଂ ଲ୍ୟାବ୍
- ଶିକ୍ଷା ପାଇଁ ଆର୍ଟିଫିସିଆଲ ଇଣ୍ଟେଲିଜେନ୍ସ କ୍ଷେତ୍ରରେ ଉତ୍କର୍ଷ କେନ୍ଦ୍ର ପାଇଁ ମୋଟ 500 କୋଟି ଟଙ୍କାର ବ୍ୟୟ ଅଟକଳ
- ବ୍ୟାଙ୍କଗୁଡ଼ିକରୁ ବର୍ଦ୍ଧିତ ଋଣ ଏବଂ 30,000 ଟଙ୍କା ସୀମା ସହିତ ୟୁପିଆଇ- ସଂଯୁକ୍ତ କ୍ରେଡିଟ୍ କାର୍ଡ ସହିତ ପି.ଏମ୍. ସ୍ୱନିଧି
- ପି.ଏମ୍. ଜନ ଆରୋଗ୍ୟ ଯୋଜନା ଅଧୀନରେ ଅସଂଗଠିତ ଶ୍ରମିକମାନେ ପରିଚୟ ପତ୍ର, ଇ-ଶ୍ରମ ପୋର୍ଟାଲରେ ପଞ୍ଜୀକରଣ ଏବଂ ସ୍ୱାସ୍ଥ୍ୟସେବା ପାଇବେ
- ଅଭିବୃଦ୍ଧି କେନ୍ଦ୍ର ଭାବେ ସହରଗୁଡ଼ିକର ବିକାଶ ପାଇଁ 1 ଲକ୍ଷ କୋଟି ଟଙ୍କାର ସହରୀ ଚ୍ୟାଲେଞ୍ଜ ପାଣ୍ଠି
- 20,000 କୋଟି ଟଙ୍କା ବ୍ୟୟରେ କ୍ଷୁଦ୍ର ମଡ୍ୟୁଲାର ରିଆକ୍ଟରଗୁଡ଼ିକର ଗବେଷଣା ଓ ବିକାଶ ପାଇଁ ଆଣବିକ ଶକ୍ତି ମିଶନ
- 120 ଟି ନୂତନ ଗନ୍ତବ୍ୟସ୍ଥଳକୁ ଆଞ୍ଚଳିକ ସଂଯୋଗ ବୃଦ୍ଧି ପାଇଁ ସଂଶୋଧିତ ଉଡାନ ଯୋଜନା
- ଆଉ 1 ଲକ୍ଷ ଚାପଗ୍ରସ୍ତ ଆବାସ ୟୁନିଟଗୁଡ଼ିକର କାର୍ଯ୍ୟ ତ୍ୱରାନ୍ୱିତ କରିବା ପାଇଁ 15,000 କୋଟି ଟଙ୍କାର ସ୍ୱାମୀ ପାଣ୍ଠି ପ୍ରତିଷ୍ଠା କରାଯିବ
- ଘରୋଇ କ୍ଷେତ୍ର ପରିଚାଳିତ ଗବେଷଣା ବିକାଶ ଏବଂ ନବସୃଜନ ପଦକ୍ଷେପ ପାଇଁ 20,000 କୋଟି ଟଙ୍କା ଆବଣ୍ଟନ
- ପାଣ୍ଡୁଲିପିର ସର୍ବେକ୍ଷଣ ଏବଂ ସଂରକ୍ଷଣ ପାଇଁ ଜ୍ଞାନ ଭାରତମ୍ ମିଶନରେ ଏକ କୋଟିରୁ ଅଧିକ ପାଣ୍ଡୁଲିପିକୁ ସଂରକ୍ଷିତ କରାଯିବ
- ବୀମା କ୍ଷେତ୍ରରେ ଏଫ.ଡି.ଆଇ. ସୀମା 74 ପ୍ରତିଶତରୁ 100 ପ୍ରତିଶତକୁ ବୃଦ୍ଧି
- ବିଭିନ୍ନ ଆଇନର 100 ରୁ ଅଧିକ ବ୍ୟବସ୍ଥାକୁ ଅପରାଧମୁକ୍ତ କରିବା ପାଇଁ ଜନ ବିଶ୍ୱାସ ବିଲ୍ 2 ଉପସ୍ଥାପନ କରାଯିବ
- ସଂଶୋଧିତ ଆୟକର ରିଟର୍ଣ୍ଣର ସମୟସୀମା ଦୁଇ ବର୍ଷରୁ ବୃଦ୍ଧି କରି ଚାରି ବର୍ଷ କରାଯାଇଛି
- ଟି.ସି.ଏସ୍. ଦେୟରେ ବିଳମ୍ବକୁ ଅପରାଧମୁକ୍ତ କରାଯାଇଛି
- ଭଡ଼ା ଉପରେ ଟିଡିଏସ୍ 40 ଲକ୍ଷ ଟଙ୍କାରୁ 6 ଲକ୍ଷ ଟଙ୍କାକୁ ବୃଦ୍ଧି କରାଯାଇଛି
- କର୍କଟ, ବିରଳ ଏବଂ ଦୀର୍ଘସ୍ଥାୟୀ ରୋଗର ଚିକିତ୍ସା ପାଇଁ 36ଟି ଜୀବନ ରକ୍ଷାକାରୀ ଔଷଧ ଏବଂ ଔଷଧ ଉପରେ ବି.ସି.ଡି. ଛାଡ଼ ପାଇଛି
- ଆଇ. ଏଫ୍.ପି.ଡି. ଉପରେ ବି.ସି.ଡି. 20 ପ୍ରତିଶତକୁ ବୃଦ୍ଧି ପାଇଛି ଏବଂ ଖୋଲା ସେଲରେ 5 ପ୍ରତିଶତକୁ ହ୍ରାସ ପାଇଛି
- ଘରୋଇ ଉତ୍ପାଦନକୁ ପ୍ରୋତ୍ସାହନ ଦେବା ପାଇଁ ଖୋଲା ସେଲର ଯନ୍ତ୍ରାଂଶ ଉପରେ ବି. ସି. ଡି. ଛାଡ଼ କରାଯାଇଛି
- ବ୍ୟାଟେରୀ ଉତ୍ପାଦନ ବୃଦ୍ଧି ପାଇଁ, ଇ.ଭି. ଏବଂ ମୋବାଇଲ ବ୍ୟାଟେରୀ ଉତ୍ପାଦନ ପାଇଁ ଅତିରିକ୍ତ ପୁଞ୍ଜି ସାମଗ୍ରୀକୁ ଛାଡ଼ କରାଯାଇଛି
- ଜାହାଜ ନିର୍ମାଣ ପାଇଁ ବ୍ୟବହୃତ କଞ୍ଚାମାଲ ଏବଂ ଉପାଦାନ ଉପରେ ବିସିଡି 10 ବର୍ଷ ପାଇଁ ଛାଡ଼ ପାଇଛି
- ଶୀତଳୀକରଣ ମାଛ ପେଷ୍ଟ ଉପରେ ବିସିଡି 30 ପ୍ରତିଶତରୁ 5 ପ୍ରତିଶତକୁ ଏବଂ ମାଛ ହାଇଡ୍ରୋଲାଇସେଟ୍ ଉପରେ 15 ପ୍ରତିଶତରୁ 5 ପ୍ରତିଶତକୁ ହ୍ରାସ କରାଯାଇଛି
