ଭୁବନେଶ୍ଵର: ଖୁବ୍ଶୀଘ୍ର ଖୋର୍ଦ୍ଧାରୋଡ୍-ବଲାଙ୍ଗୀର ରେଳ ପ୍ରକଳ୍ପର ଦଶପଲ୍ଲା ରୁ ବାଣୀଗୋଛା କୁ ଗଡିବ ଟ୍ରେନ୍। ନିକଟରେ ସରିଛି ୩ ନମ୍ୱର ଟନେଲର ସଫଳତାର ସହ ବ୍ରେକ୍ ଥ୍ରୁ ସରିଛି। ପୂର୍ବରୁ ଦଶପଲ୍ଲା ଷ୍ଟେସନ ନିକଟରେ ଥିବା ସୁଡ଼ଙ୍ଗ ପ୍ରଥମ ଟନେଲ ର ଖନନ ସରିଥିବା ବେଳେ, ନିକଟରେ ସୁଡ଼ଙ୍ଗ-ଟି୩ ଖନନ ସରିଛି। ଏହାସହ ଖୋର୍ଦ୍ଧାରୋଡ୍-ବଲାଙ୍ଗୀର ନୂତନ ରେଳ ଲାଇନ ପ୍ରକଳ୍ପ ଆଉ ଏକ ମାଇଲଖୁଣ୍ଟ ହାସଲ କରିଛି। ନୟାଗଡ଼ ଜିଲ୍ଲାର ବୁଗୁଡ଼ା ଓ ବାଣିଗୋଚ୍ଛା ମଧ୍ୟରେ ଅବସ୍ଥିତ ସବୁ ଠାରୁ ବଡ଼ ସୁଡ଼ଙ୍ଗ-ଟି ୩ ଖନନ କାର୍ଯ୍ୟ ଶେଷ ହୋଇଛି।
୨,୬୨୦ ମିଟର ଦୈର୍ଘ୍ୟ ଓ ୨-ଡିଗ୍ରି କର୍ଭ (ବକ୍ର) ବିଶିଷ୍ଟ ଏହି ସୁଡ଼ଙ୍ଗ ଖନନ କାର୍ଯ୍ୟ ନୂତନ ଜ୍ଞାନକୌଶଳ ପଦ୍ଧତି ଦ୍ବାରା କାର୍ଯ୍ୟ କରାଯାଇଛି। ଗତ ମାସ ଜାନୁଆରି ୧୩ରେ ଏହି ସଫଳତମ ବ୍ରେକ ଥ୍ରୁ ହୋଇଛି। ଖୋର୍ଦ୍ଧା ରୋଡ୍-ବଲାଙ୍ଗୀର ରେଳ ଲାଇନ୍ ପ୍ରକଳ୍ପରେ ସୁଡ଼ଙ୍ଗ- ଟି୩ ହେଉଛି ନୟାଗଡ଼ ଜିଲ୍ଲାର ସବୁଠାରୁ ଲମ୍ବା ଏବଂ ପ୍ରକଳ୍ପର ଦ୍ବିତୀୟ ଲମ୍ବା ସୁଡ଼ଙ୍ଗ।
ଖନନରେ ଅତ୍ୟାଧୁନିକ ପ୍ରଯୁକ୍ତିବିଦ୍ୟା ଓ ମେସିନ୍ ନିୟୋଜିତ ହୋଇଥିଲା। ଏହି ସଫଳତା ଓଡ଼ିଶାର ଉପକୂଳ ଅଞ୍ଚଳ ସହିତ ପଶ୍ଚିମାଞ୍ଚଳକୁ ସଂଯୋଗ କରିବାରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବ। ଏହା ପରିବହନ ଓ ଆର୍ଥିକ ସମ୍ଭାବନାକୁ ବୃଦ୍ଧି କରିବ। ୩୦୧ କିଲୋମିଟର ବିଶିଷ୍ଟ ଖୋର୍ଦ୍ଧାରୋଡ୍-ବଲାଙ୍ଗୀର ରେଳ ଲାଇନ ପ୍ରକଳ୍ପରେ ସୁଡ଼ଙ୍ଗ ନିର୍ମାଣରେ ଅନେକ ଇଞ୍ଜିନିୟରିଂ ଓ ଲଜିଷ୍ଟିକ୍ ଆହ୍ବାନର ସାମ୍ନା କରିବାକୁ ପଡ଼ିଛି। ଏହି ପ୍ରକଳ୍ପରେ ୭୫ କିମି ମଧ୍ୟରେ ୭ଟି ସୁଡ଼ଙ୍ଗ ରହିଛି। ଯାହାକି ଦଶପଲ୍ଲା ଓ ପୁରୁଣାକଟକ ମଧ୍ୟରେ ନିର୍ମାଣାଧୀନ ଥିବା ସାତଟି ସୁଡ଼ଙ୍ଗର ମୋଟ୍ ଲମ୍ବ ୧୨.୭୬ କିଲୋମିଟର। ଏପର୍ଯ୍ୟନ୍ତ ୭ଟି ସୁଡ଼ଙ୍ଗ ମଧ୍ୟରୁ ୪ଟିର ବ୍ରେକ୍ ଥ୍ରୁ ସରିଛି। ସେଥି ମଧ୍ୟରୁ ନୟାଗଡ଼ ଜିଲ୍ଲାରେ ରହିଛି ୨ଟି ସୁଡ଼ଙ୍ଗ , ଅନ୍ୟାନ୍ୟ ସୁଡ଼ଙ୍ଗ ଖନନ କାର୍ଯ୍ୟ ଦ୍ରୁତଗତିରେ ଆଗେଇ ଚାଲିଛି। ବିଭିନ୍ନ ମାଟି ଘନତା ଓ ପଥର ଗଠନ ସମେତ ଜଟିଳ ଭୌଗୋଳିକ ପରିସ୍ଥିତି ପରିଚାଳନା ପାଇଁ ନୂତନତମ କୌଶଳ ବ୍ୟବହାର କରି ସୁଡ଼ଙ୍ଗଗୁଡ଼ିକ ନିର୍ମାଣ ହେଉଛି। ଏହାକୁ ନେଇ ନୟାଗଡ଼ ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲ କହିଛନ୍ତି \’ଏହା ନୟାଗଡ଼ ଜିଲ୍ଲା ପାଇଁ ଏକ ବଡ଼ ଡେଭଲପମେଣ୍ଟ ହୋଇଛି। ଜମି ଅଧିଗ୍ରହଣ ବହୁତ କ୍ଷୀପ୍ର ଗତିରେ ହେଉଛି। ତେଣୁ ମୁଁ ଆଶା କରୁଛି ଖୁବ୍ ଶୀଘ୍ର ଜମି ଅଧିଗ୍ରହଣ କାମ ଶେଷ ହୋଇଯିବ।
ସୂଚନା ଯୋଗ୍ୟ ଯେ,ବଲାଙ୍ଗୀର ରେଳ ପ୍ରକଳ୍ପ କାମ ଆଉ ଦୁଇପାଦ ଆଗେଇଛି। ଦୀର୍ଘ ବର୍ଷର ସ୍ବପ୍ନ ଶୀଘ୍ର ପୂରଣ ହେବାକୁ ଯାଉଛି। ବର୍ତ୍ତମାନ ଖୋର୍ଦ୍ଧା ଠାରୁ ଦଶପଲ୍ଲା ୧୦୫ କିମି ଟ୍ରେନ ଲାଇନ କାମ ସରି ଯାଇଥିବା ବେଳେ, ନିୟମିତ ଭୁବନେଶ୍ୱର, ପୁରୀରୁ ଟ୍ରେନ ଚଳାଚଳ କରୁଛି। ଅନ୍ୟପଟେ ବଲାଙ୍ଗୀର ଠାରୁ ଆଡେନିଗଡ଼ ୧୪୦ କିମି ରେଳ ଲାଇନ୍ କାମ ସାରିଥିବା ବେଳେ, ଟ୍ରେନ ଇଞ୍ଜିନ ଟ୍ରାଏଲ ରେ ଆସି ସାରିଛି ଖୋର୍ଦ୍ଧା – ବଲାଙ୍ଗୀର ରେଳ ପ୍ରକଳ୍ପ ସମୁଦାୟ ୩୦୬ କିମି ରୁ ୨୪୫ କିମି ଟ୍ରେନ ପ୍ରକଳ୍ପ ସରି ସରିଛି ଡ଼ି-୩। ବୁଗୁଡ଼ାରୁ ବାଣୀଗୋଚ୍ଛା ମଧ୍ୟରେ ଥିବା ନୟାଗଡ଼ ଜିଲ୍ଲାର ସବୁ ଠାରୁ ବଡ଼ ଟନେଲ ଡ଼ି-୩ କାମ ଇତି ମଧ୍ୟରେ ସରି ଯାଇଛି। ଏହା ନୟାଗଡ଼ ଜିଲ୍ଲାର ସବୁଠାରୁ ବଡ଼ ଲମ୍ବା ଟର୍ନେଲ।
ପୂର୍ବତଟ ରେଳ ବିଭାଗ ତରଫରୁ ନିର୍ମାଣ ହେଇଥିବା ଖୋର୍ଦ୍ଧା – ବଲାଙ୍ଗୀର ରେଳ ପ୍ରକଳ୍ପ ପୂର୍ବ ଓଡ଼ିଶା ସହ ପଶ୍ଚିମ ଓଡ଼ିଶା ମଧ୍ୟରେ ଏକ ସେତୁ ଭଳି କାମ କରିବ। ଗମନାଗମନ କ୍ଷେତ୍ରରେ ବିକାଶ ହେବା ସହ ବାଣିଜ୍ୟ, ଶିକ୍ଷା, ସ୍ଵାସ୍ଥ୍ୟ ଭଳି ଗୁରୁତ୍ଵପୂର୍ଣ୍ଣ କ୍ଷେତ୍ରରେ ବହୁ ବିକାଶ ହେବ। ଏଥିପାଇଁ ଭାରତ ସରକାରଙ୍କ ତରଫରୁ ସ୍ବତନ୍ତ୍ର ବଜେଟ ମଧ୍ୟ ପାସ ହୋଇଛି। ବ୍ରିଜ ନିର୍ମାଣ, ମାଟି କାମ ଚାଲୁ ରହିଛି। ଉନ୍ନତ ଜ୍ଞାନ କୌଶଳ ସହ ଓଡ଼ିଶା ଓ ଓଡ଼ିଶା ବାହାର କୁଶଳୀ ଶ୍ରମିକ ମାନେ ଟ୍ରେନ ପ୍ରକଳ୍ପରେ ନିୟୋଜିତ ଅଛନ୍ତି।
ବୌଦ୍ଧ ଜିଲ୍ଲାର ଆଡ଼େନିଗଡ଼ ଠାରୁ ଦଶପଲ୍ଲା ମଧ୍ୟରେ, ଚାରିଛକ , ମାଧପୁର, ବଦଲା, ବାଣୀଗୋଛା, ବୁଗୁଡ଼ା, ଟାକରା ପ୍ରଭୁତି ସ୍ଥାନ ଗୁଡିକରେ ଟର୍ନେଲ କାମ ଅଧାରୁ ଅଧିକ ସରି ଆସିଥିବା ବେଳେ, ମାଟି କାମ ଚାଲୁରହିଛି। ତେବେ ଆଶା କରାଯାଉଛି, ୨୦୨୯ ମସିହା ପୂର୍ବରୁ ଖୋର୍ଦ୍ଧା – ବଲାଙ୍ଗୀର ରେଳ ପ୍ରକଳ୍ପ ସରିବ ଓ ପୂର୍ବ ଓଡ଼ିଶା , ପଶ୍ଚିମ ଓଡ଼ିଶା ମଧ୍ୟରେ ଯୋଗାଯୋଗ ସୁଦୃଢ଼ ହୋଇ ପାରିବ।
