ରାଜ୍ୟସଭାରେ ଆଗତ ହେଉଥିବା ସମସ୍ତ ବିଲ୍ ଗୁଡିକ ଉପରେ ଆଲୋଚନା ହେଉନଥିବା ଅଭିଯୋଗ କରି ୧୭ ବିରୋଧୀ ଦଳର ନେତା ଉପ ରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷ ଭେଙ୍କିଆ ନାଇଡୁଙ୍କୁ ଏକ ପତ୍ର ଲେଖିଛନ୍ତି। ୧୭ ରାଜନୈତିକ ଦଳ ପକ୍ଷରୁ ଏକତ୍ର ଦସ୍ତଖତ କରାଯାଇଛି। ଦସ୍ତଖତ କରିଥିବା ୧୭ ରାଜନୈତିକ ଦଳ ମଧ୍ୟରେ କଂଗ୍ରେସ, ସମାଜବାଦୀ ପାର୍ଟି, ତୃଣମୂଳ କଂଗ୍ରେସ, ବହୁଜନ ସମାଜ ପାର୍ଟି, ରାଷ୍ଟ୍ରୀୟ ଜନତା ଦଳ, ତେଲୁଗୁ ଦେଶମ ପାର୍ଟି, ସିପିଆଇ ଏବଂ ସିପିଆଇଏମ୍ର ମୁଖ୍ୟଙ୍କ ଦସ୍ତଖତ ରହିଛି। ୧୪ ତମ ଲୋକସଭାରେ ୬୦ ପ୍ରତିଶତ ବିଲ୍ ଉପରେ ସର୍ବଦଳୀୟ ଆଲୋଚନା ହୋଇଥିବା ବେଳେ ୧୫ ତମ ଲୋକସଭାରେ ୭୧ ପ୍ରତିଶତ ବିଲ୍ ଉପରେ ଆଲୋଚନା କରାଯାଇଥିଲା। ମାତ୍ର ଚଳିତ ଲୋକସଭାରେ ୧୪ଟି ବିଲ୍ ପାରିତ ହୋଇ ଯାଇଥିଲେ ମଧ୍ୟ ମାତ୍ର ୨୬ ପ୍ରତିଶତ ବିଲ୍ ଉପରେ ଆଲୋଚନା କରାଯାଇଛି। ଏହି ଘଟଣା ଉପରେ ଏକ ସର୍ବଦଳୀୟ ବୈଠକ ତଥା ଆଲୋଚନା ପାଇଁ ଆବେଦନ କରିଛନ୍ତି ବିରୋଧୀ ଦଳ।
