ରେଢ଼ାଖୋଲ (କନ୍ଦର୍ପ ବେହେରା): ଆଜି ଭୋରରୁ ଚାରମାଳ ନିକଟ ବରହମପୁରା ଗ୍ରାମ ନିକଟରୁ ଏକ ବୋଲେରୋ ପିକଅପ ଭ୍ୟାନ ସହ ୧୮୦ ବଣ୍ଡଲ କେନ୍ଦୁପତ୍ର ଜବତ କରିଛି ବନ ବିଭାଗ। ଏଥିରେ ସମ୍ପୃକ୍ତି ଥିବା ଚୋରା ବେପାରୀ ମାନେ ବନ ବିଭାଗକୁ ଚକମା ଦେଇ ଫେରାର ହେବାରେ ସକ୍ଷମ ହୋଇଛନ୍ତି।
ବନବିଭାଗ ସୂତ୍ରରୁ ପ୍ରକାଶ ଯେ, ଆଜି ଚାରମାଳ ରେଞ୍ଜ ଅଧିନସ୍ଥ ବରହମପୁରା ଗ୍ରାମ ନିକଟରେ ବନବିଭାଗ ପେଟ୍ରୋଲିଙ୍ଗ କରୁଥିବା ସମୟରେ କୌଣସି ସୂତ୍ରରୁ ଖବର ପାଇ ଏକ ପିକଅପ ଭ୍ୟାନଙ୍କୁ ଅଟକାଇଥିଲେ। ହେଲେ ଏଥିରେ ସାମିଲ ଥିବା ସମସ୍ତ ଚୋରା ବେପାରୀ ବିନବିଭାଗକୁ ଚକମା ଦେଇ ଫେରାର ହେବାରେ ସକ୍ଷମ ହୋଇ ଥିଲେ। ବନ ବିଭାଗ ଗାଡ଼ିରୁ୧୮୦ ବଣ୍ଡଲ ୯.୩୬ କ୍ଵିଣ୍ଟାଲ କେନ୍ଦୁପତ୍ର ଜବତ କରିଥିଲା। ବନ ବିଭାଗ କେନ୍ଦୁ ପତ୍ର ଜବତ କରୁଥିଲେ ମଧ୍ୟ ଚୋରା ବେପାରୀମାନେ କେମିତି ଫେରାର ହେବାରେ ସକ୍ଷମ ହେଉଛନ୍ତି ସାଧାରଣରେ ଚର୍ଚ୍ଚା ହେଉଛି।
ଏହି ଚଢ଼ାଉରେ ଚରମାଳ ରେଞ୍ଜ ଅଧିକାରୀ ଦର୍ଶନିଆ ଭୋଇ, ଫରେଷ୍ଟର ତଥା ଅନ୍ୟ କର୍ମଚାରୀ ମାନେ ସାମିଲ ହୋଇଥିଲେ।
