ବହୁଚର୍ଚ୍ଚିତ ଭିଭିଆଇପି ଚପର୍ ଦୁର୍ନୀତି ମାମଲାରେ ଦିଲ୍ଲୀର ଏକ କୋର୍ଟ ରତୁଲ ପୁରୀଙ୍କ ନାମରେ ଜାମିନ ବିହୀନ ଗିରଫ ପରଓ୍ବାନା ଜାରି କରିଛି । ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଲନାଥଙ୍କ ପୁତୁରା ରତୁଲଙ୍କ ନାମରେ ଏକ ଅର୍ଥ ହେରଫେର ମାମଲାରେ ଏହି ଜାମିନ ବିହୀନ ପରଓ୍ବାନା ଜାରି କରାଯାଇଛି । ଅଗଷ୍ଟା ଓ୍ବେଷ୍ଟଲ୍ୟାଣ୍ଡ ମାମଲାରେ ସ୍ବତନ୍ତ୍ର ଜଜ୍ ଅରବିନ୍ଦ କୁମାର ଆଜି ଏହି ରାୟ ପ୍ରକାଶ କରିଛନ୍ତି । ବୁଧବାର ଦିନ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଏହି ମାମଲା ରୁଜୁ କରାଯାଇଥିଲା । ରତୁଲ ପୁରୀ ମାମଲା ପରିଚାଳନାରେ କୋର୍ଟକୁ ଅସହଯୋଗ କରୁଥିବାରୁ ଏବଂ ତାଙ୍କ ସମ୍ପର୍କରେ କୌଣସି ସୂଚନା ଉପଲବ୍ଧ ନଥିବାରୁ କୋର୍ଟ ଜାମିନ ବିହୀନ ଗିରଫ ପରଓ୍ବାନା ଜାରି କରିଛନ୍ତି । ପୁରୀ ବାହାରେ ରହିବା ଦ୍ବାରା ତଦନ୍ତରେ ବାଧା ଉପୁଜି ପାରେ ବୋଲି କୋର୍ଟ ପ୍ରକାଶ କରିଛନ୍ତି ।
Tags:
