ଲୋକସଭା ନିର୍ବାଚନର ଶୋଚନୀୟ ପରାଜୟ ପରେ ରାହୁଲ ଗାନ୍ଧୀଙ୍କ ଇସ୍ତଫା ପରଠାରୁ ଖାଲି ପଡିଥିବା ସଭାପତି ପଦବୀ ପାଇଁ ଆଜି କଂଗ୍ରେସ କାର୍ଯ୍ୟକାରିଣୀ ବୈଠକରେ ନିଷ୍ପତ୍ତି ନିଆଯାଉଛି । ନୂତନ ସଭାପତିଙ୍କ ନାମ ରାତି 9ଟାରେ ଘୋଷଣା କରାଯିବ ବୋଲି କଂଗ୍ରେସ ମୁଖପାତ୍ର ରଣଦୀପ ସୁରଜେଓ୍ଵାଲା ପ୍ରକାଶ କରିଛନ୍ତି । ଦିଲ୍ଲୀ ସ୍ଥିତ କଂଗ୍ରେସ ମୁଖ୍ୟାଳୟରେ କଂଗ୍ରେସ କାର୍ଯ୍ୟକାରିଣୀ ବୈଠକର ପ୍ରଥମ ଚରଣ ସମାପ୍ତ ହୋଇଥିବା ବେଳେ ଦ୍ବିତୀୟ ଚରଣ ରାତି 8ଟାରେ ଅନୁଷ୍ଠିତ ହେବ । ବୈଠକ ପରେ ନୂତନ ସଭାପତିଙ୍କ ନାମ ଘୋଷଣା ହେବ । ଉଭୟ ରାହୁଲ ଏବଂ ସୋନିଆ ଗାନ୍ଧୀ ସଭାପତି ଚୟନ ପ୍ରକ୍ରିୟାରୁ ନିଜକୁ ଦୂରେଇ ରଖିଥିବାରୁ ପ୍ରିୟଙ୍କାଙ୍କ ସଭାପତି ହେବାର ସମ୍ଭାବନା ଅଧିକ ରହିଛି ।
