ୱେଷ୍ଟଇଣ୍ଡିଜ ବିପକ୍ଷରେ ଭାରତ ବର୍ଷା ବାଧାପ୍ରାପ୍ତ ମ୍ୟାଚକୁ 59 ରନରେ ଜିତିଛି । ଅଧିନାୟକ ବିରାଟ କୋହଲି ଏବଂ ଭୁବନେଶ୍ବର କୁମାର ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ । କୁଇନ୍ସ ପାର୍କ ଓଭାଲରେ ଅନୁଷ୍ଠିତ ମ୍ୟାଚ୍ରେ ୱେଷ୍ଟଇଣ୍ଡିଜ 280 ରନ ବିଜୟ ଲକ୍ଷ୍ୟ ନେଇ ଦ୍ୱିତୀୟ ଇନିଂସ ଆରମ୍ଭ କରିଥିଲା । ଭାରତ ପ୍ରଥମେ ବ୍ୟାଟିଂ କରି ବିରାଟ କୋହଲିଙ୍କ 120 ଏବଂ ଶ୍ରେୟସ୍ ଆୟାରଙ୍କ 71 ରନ୍ ବଳରେ 279 ରନ୍ ସଂଗ୍ରହ କରିଥିଲା । ଅନ୍ୟମାନଙ୍କ ମଧ୍ୟରେ ରୋହିତ ଶର୍ମା(18), କେଦାର ଯାଦବ(16) ଏବଂ ରବୀନ୍ଦ୍ର ଜାଡେଜା(16) ରନ୍ ସଂଗ୍ରହ କରିଥିଲେ । ବର୍ଷା ଯୋଗୁଁ ଦ୍ୱିତୀୟ ଇନିଂସକୁ 46 ଓଭର କରି ଦିଆଯାଇଥିଲା ଏବଂ ୱିଣ୍ଡିଜକୁ 270 ରନ୍ର ଲକ୍ଷ୍ୟ ଦିଆଯାଇଥିଲା । ଓ୍ବିଣ୍ଡିଜ୍ 42 ଓଭରରେ ସମସ୍ତ ୱିକେଟ ହରାଇ ମାତ୍ର 210 ରନ କରିଥିଲା । ଏହା ସହିତ ଭାରତ ସିରିଜ୍ରେ 1-0ର ଅଗ୍ରଣୀ ହାସଲ କରିଛି । ଭାରତ ପକ୍ଷରୁ ଭୁବନେଶ୍ବର କୁମାର 4ଟି ଓ୍ବିକେଟ ଅକ୍ତିଆର କରିଥିଲେ । କୁଲ୍ଦୀପ୍ ଯାଦବ ଏବଂ ମହମ୍ମଦ ସାମି ଦୁଇଟି ଲେଖାଏଁ ଓ୍ବିକେଟ ଅକ୍ତିଆର କରିଥିବା ବେଳେ ଖଲିଲ୍ ଅହମ୍ମଦ ଏବଂ ରବୀନ୍ଦ୍ର ଜାଡେଜା ଗୋଟିଏ ଲେଖାଏଁ ଓ୍ବିକେଟ୍ ଅକ୍ତିଆର କରିଥିଲେ ।
