ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ କରାଯିବା ଉପରେ ମତ ରଖିଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ପି ଚିଦାମ୍ବରମ୍। କାଶ୍ମୀର ଏକ ମୁସ୍ଲିମ୍ ବହୁଳ ଅଞ୍ଚଳ ହୋଇଥିବାରୁ କେନ୍ଦ୍ର ସରକାର ଧାରା ୩୭୦ ଉଚ୍ଛେଦ କରିବାର ନିଷ୍ପତ୍ତି ନେଇଛନ୍ତି ବୋଲି ଚିଦାମ୍ବରମ୍ ଅଭିଯୋଗ କରିଛନ୍ତି। ବିଜେପି ବଳପୂର୍ବକ ଭାବରେ ଏହି ଧାରା ଲାଗୁ କରିବାର ନିଷ୍ପତ୍ତି ନେଇ ମୁସଲିମ୍ଙ୍କ ମାନବାଧିକାର କ୍ଷୁର୍ଣ୍ଣ ହୋଇଛି ବୋଲି ଚିଦାମ୍ବରମ ଅଭିଯୋଗ କରିଛନ୍ତି। କୌଣସି ଗଣମାଧ୍ୟମକୁ ପ୍ରବେଶର ଅନୁମତି ପ୍ରଦାନ ନକରିବା ଦ୍ବାରା କାଶ୍ମୀର ଅବସ୍ଥା ସଠିକ୍ ରହିଥିବା ପ୍ରମାଣିତ ହେଉନାହିଁ ବୋଲି ଚିଦାମ୍ବରମ କହିଛନ୍ତି। ବିଲ୍ ପାଶ୍ ହେବା ସମ୍ପର୍କରେ ଚିଦାମ୍ବରମ୍ କହିଛନ୍ତି, ରାଜ୍ୟସଭାରେ ବିରୋଧୀ ଦଳଙ୍କ ନିକଟରେ ଆବଶ୍ୟକ ସଂଖ୍ୟା ରହିଥିଲେ ମଧ୍ୟ ଅନ୍ୟ ସମସ୍ତ ଆଞ୍ଚଳିକ ଦଳ ବିଜେପି ସପକ୍ଷରେ ଭୋଟ କରିବାରୁ ଏହା ବିଲ୍ରେ ପରିଣତ ହୋଇଥିଲା।
Tags:
