ବାଣପୁର: ଆଜି ଦିବା ୧୧ ଘଟିକା ସମୟରେ ଅଡିଟରୀୟମ ଗୃହରେ ଅଧ୍ୟକ୍ଷ ଡଃ ଶୁରପ୍ରତାପ ନରେନ୍ଦ୍ର ସିଂ ବର୍ମାଙ୍କ ସଭାପତିତ୍ୱରେ ଅନୁଷ୍ଠାନର ବିଜ୍ଞାନ ସମାଜ ତରଫରୁ ବିଜ୍ଞାନ ଦିବସ ଉପଲକ୍ଷେ ଏକ ସଭା ଅନୁଷ୍ଠିତ ହୋଇଯାଇଛି। ଉକ୍ତ ସଭାରେ ମୁଖ୍ୟ ଅତିଥି ଡେପୁଟି ସଚିବ ତଥା ମହାବିଦ୍ୟାଳୟ ଉନ୍ନୟନ ଓ ଛାତ୍ର ଛାତ୍ରୀ ମଙ୍ଗଳ ପରିଷଦ ସଦସ୍ୟ, ଓଡିଶା ସରକାର ଡଃ ରଜତ କୁମାର ମାନସିଂହ ଯୋଗଦେଇ ବିଜ୍ଞାନ ଓ ବିଜ୍ଞାନ ଶିକ୍ଷା ର ଆବଶ୍ୟକତା ଓ ଉତ୍ପାଦିତ ବୈଷୟିକ ଯନ୍ତ୍ରପାତି ଗୁଡିକର ଦୁରୁପଯୋଗ ବନ୍ଦ କରିବାକୁ ବକ୍ତବ୍ୟ ରଖିଥିଲେ। ବିଜ୍ଞାନ ସମାଜର ଉପଦେଷ୍ଠା ଅଧ୍ୟାପକ ଶ୍ରୀଯୁକ୍ତ ସପିନ କୁମାର ପୃଷ୍ଟି ଅତିଥିଙ୍କ ପରିଚୟ ସହିତ ସ୍ବାଗତ ଭାଷଣ ପ୍ରଦାନ କରିଥିଲେ।
ଅନ୍ୟତମ ଉପଦେଷ୍ଠା ସ୍ୱରୂପାରାଣୀ ବେହେରା ବାର୍ଷିକ ବିବରଣୀ ପାଠ କରିଥିଲେ। ପ୍ରଶାସନିକ ଅଧିକାରୀ ଶ୍ରୀଯୁକ୍ତ ଆଦିତ୍ୟ ସାରଥୀ ବେଦମତ୍ତା ନୈତିକ ଶିକ୍ଷା ଓ ବିଜ୍ଞାନ ବିଷୟରେ ଆଲୋକପାତ କରିଥିଲେ। ପରିଶେଷ ରେ ବିଜ୍ଞାନ ସମାଜ ଦ୍ୱାରା ପରିଚାଳିତ ବିଭିନ୍ନ ପ୍ରତିଯୋଗିତାରେ ପ୍ରଥମ, ଦ୍ଵିତୀୟ ଓ ତୃତୀୟ ହୋଇଥିବା ଛାତ୍ରଛାତ୍ରୀମାନଙ୍କୁ ଅଧ୍ୟାପକ ଅଭିଜିତ ସାହୁ, ଉତ୍କଳିକା ଦେଓ, ମନୋଜ ନାୟକଙ୍କ ସହାୟତାରେ ପୁରସ୍କୃତ କରାଯାଇଥିଲା ଏବଂ ଅଧ୍ୟକ୍ଷ ମୁଖ୍ୟ ଅତିଥିଙ୍କୁ ଏକ ମାନପତ୍ର ପ୍ରଦାନ କରିଥିଲେ।
ଅଧ୍ୟାପିକା ଉର୍ବଶୀ ସ୍ୱାଇଁ ଧନ୍ୟବାଦ ଅର୍ପଣ କରିବାପରେ ସଭା ସାଙ୍ଗ ହୋଇଥିଲା।