ପହଲୁ ଖାନ୍ ଗୋଷ୍ଠୀ ହତ୍ୟା ମାମଲାରେ ଆଜି ଅଲବର୍ ଜିଲ୍ଲା ନ୍ୟାୟାଳୟ ଶୁଣାଣୀ କରିଛନ୍ତି । ଅଦାଲତ ଏହି ମାମଲାରେ ଥିବା ସମସ୍ତ ଅଭିଯୁକ୍ତଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି । ୨୦୧୭ରେ ହୋଇଥିବା ଗୋ ତସ୍କରୀ ସନ୍ଦେହରେ ପହୁଲ୍ ଖାନ୍କୁ ପିଟି ପିଟି କରି ଭିଡ ହତ୍ୟା କରାଯାଇଥିଲା । ଏହି ମାମଲାରେ ୮ଜଣ ଅଭିଯୁକ୍ତଙ୍କୁ ଗିରଫ କରାଯାଇଥିଲା। ଅଭିଯୁକ୍ତଙ୍କ ଭିତରେ ଦୁଇଜଣ ନାବାଳକ ରହିଥିଲେ । ତେବେ ନାବାଳକଙ୍କ ଅଭିଯୋଗର ଶୁଣାଣି ଜୁଭେନାଇଲ୍ କୋର୍ଟରେ ହେଉଛି। ତେବେ ପ୍ରମାଣ ଅଭାବରୁ ଏହି ମାମଲାରେ ସମସ୍ତେ ମୁକ୍ତି ପାଇଛନ୍ତି। ୫୦ ବର୍ଷୀୟ ପେହଲୁ ଖାନ, ତାଙ୍କର ଦୁଇ ପୁଅ ଓ ଆଉ କିଛି ସହଯୋଗୀ ଗୋ-ମାଂସ ଚାଲାଣା କରୁଥିବା ଅଭିଯୋଗ ହୋଇଥିଲା। ୨୦୧୯ରେ ସାରା ଭାରତବର୍ଷରେ ଗୋସୁରକ୍ଷା ନାମରେ ପାଖାପାଖି ୮ଟି ହିଂସାକାଣ୍ଡ ଘଟିଛି । କେବଳ ହରିୟାଣା ନୁହେଁ, କର୍ଣ୍ଣାଟକ, ଆସାମ, ଝାରଖଣ୍ଡ, ମଧ୍ୟପ୍ରଦେଶ, ୟୁପି ଓ ବିହାର ଆଦି ରାଜ୍ୟରେ ମଧ୍ୟ ଏହିଭଳି ଘଟଣା ଘଟିଛି ।
Tags:
