ମୁଖ ଶାସନ ସଚିବ ହେଲେ ଅସିତ୍ ତ୍ରିପାଠୀ । ୧୯୮୬ ବ୍ୟାଚ୍ର ଆଇଏଏସ୍ ଅଫିର ଅସିତ୍ ତ୍ରିପାଠୀ ଉନ୍ନୟନ କମିଶନ ଓ ଗୃହ ବିଭାଗର ଅତିରିକ୍ତ ଦାୟିତ୍ବରେ ରହିଥିଲେ। ଆଦିତ୍ୟ ପାଢୀଙ୍କ ପଦବୀରେ ଅସିତ୍ ତ୍ରିପାଠୀ ଅବସ୍ଥାପିତ ହୋଇଛନ୍ତି । ଆଦିତ୍ୟ ପ୍ରସାଦ ପାଢୀ ରାଜ୍ୟ ନିର୍ବାଚନ କମିଶନର ହେବା ପରେ ଗତକାଲି ନିଜ ପଦବୀରୁ ସ୍ବେଚ୍ଛାକୃତ ଅବସର ନେଇଛନ୍ତି । ସେହିପରି ସୁରେଶ ଚନ୍ଦ୍ର ମହାପାତ୍ରଙ୍କୁ ଉନ୍ନୟନ କମିଶନର ଭାବେ ଦାୟିତ୍ବ ଦିଆଯାଇଥିବାବେଳେ ଶ୍ରୀଜଗନ୍ନାଥ ମନ୍ଦିରର କାର୍ଯ୍ୟକାରୀ ଅଧ୍ୟକ୍ଷ ଭାବେ ଅତିରିକ୍ତ ଦାୟିତ୍ବ ଦିଆଯାଇଛି । ପ୍ରଦୀପ୍ତ କୁମାର ମହାପାତ୍ରଙ୍କୁ କୃଷି ଉତ୍ପାଦନ କମିଶନର ଭାବେ ନିଯୁକ୍ତି ଦିଆଯାଇଛି । ଆର୍, ବାଲାକ୍ରିଷ୍ଣନ୍ଙ୍କୁ ସିଏମ୍ଓ ପରାମର୍ଶଦାତା, କ୍ରିଷ୍ଣନ୍ କୁମାରଙ୍କୁ ଶ୍ରୀମନ୍ଦିରର ମୁଖ୍ୟ ପ୍ରଶାସକ ଭାବେ ଅତିରିକ୍ତ ଦାୟିତ୍ବ ଦିଆଯାଇଛି । ଆସନ୍ତା ୧୯ ତାରିଖରୁ ଏହି ନୂତନ ନିଯୁକ୍ତି କାର୍ଯ୍ୟକାରୀ ହେବ ।
Tags:
