ପଥଚାରୀ ଯୁବକଙ୍କୁ ମାରଣାନ୍ତକ ଆକ୍ରମଣ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): କବିସୂର୍ଯ୍ୟ ନଗର ଥାନା ଅନ୍ତର୍ଗତ ବୁଢାମ୍ବ ଛକରେ ନବୀନ ପ୍ରଧାନ ନାମକ ଜଣେ ଯୁବକଙ୍କୁ ହଠାତ୍ କିଛି ଯୁବକ ଅତର୍କିତ ଆକ୍ରମଣ କରିଛନ୍ତି। ଦୁର୍ବୃତ୍ତମାନେ ନବୀନଙ୍କୁ ଖଣ୍ଡାରେ ହାଣି ଘଟଣାସ୍ଥଳରୁ ଚମ୍ପଟ୍ ମାରିଥିବା ଜଣାପଡ଼ିଛି। ନବୀନଙ୍କ ଘର ନିକଟସ୍ଥ ବଡ଼ ମହୁରୀ ଗ୍ରାମ ଓ ସେ କୌଣସି କାମରେ ବୁଢାମ୍ବ ଆସିଥିବା ବେଳେ ଏହି ଭଳି ଆକ୍ରମଣର ଶୀକାର ହୋଇଛନ୍ତି। ଗୁରୁତର ଅବସ୍ଥାରେ ନବୀନ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।