ଅଲମ୍ପିକ୍ସ ଟେଷ୍ଟ ଇଭେଣ୍ଟର ଏକ ଅଭ୍ୟାସ ମ୍ୟାଚ୍ରେ ଭାରତୀୟ ପୁରୁଷ ହକି ଦଳ ଜାପାନକୁ 6-3ରେ ପରାସ୍ତ କରିଛି । ଭାରତ ପକ୍ଷରୁ ମନ୍ଦୀପ୍ ସିଂ ଏହି ମ୍ୟାଚ୍ରେ ହ୍ୟାଟ୍ରିକ୍ ଅର୍ଜନ କରିଥିଲେ । ନିଜର ପ୍ରଥମ ମ୍ୟାଚ୍ରେ ଭାରତ ନ୍ୟୁଜିଲ୍ୟାଣ୍ଡ ନିକଟରୁ 1-2 ଗୋଲ୍ରେ ପରାସ୍ତ ହୋଇଥିବା ବେଳେ ଦ୍ବିତୀୟ ମ୍ୟାଚ୍ରେ ପ୍ରତ୍ୟାବର୍ତ୍ତନ କରିଛି ଭାରତ । ମନ୍ଦୀପ୍ଙ୍କ ବ୍ୟତୀତ ନୀଲକଣ୍ଠ ଶର୍ମା, ନୀଲମ ସଞ୍ଜୀବ ଖେସ୍ ଏବଂ ଗୁରଜାଣ୍ଟ ସିଂ ଗୋଟିଏ ଲେଖାଏଁ ଗୋଲ୍ ସ୍କୋର କରିଥିଲେ । ଜାପାନ ପକ୍ଷରୁ କେଣ୍ଟାରୋ ଫୁକୁଡା, କେଣ୍ଟା ଟାନାକା ଏବଂ କାଜୁମା ମୁରାଟା ପ୍ରତ୍ୟୋକ ଗୋଟିଏ ଲେଖାଏଁ ଗୋଲ ସ୍କୋର କରିଥିଲେ । ଭାରତ ପକ୍ଷରୁ ନୀଳକଣ୍ଠ ଶର୍ମା ମ୍ୟାଚ୍ର ତୃତୀୟ ମିନିଟ୍ରେ ଗୋଲ୍ ସ୍କୋର କରି ଅଗ୍ରଣୀ ପ୍ରଦାନ କରିଥିଲେ । ନୀଲମ ସଞ୍ଜୀବ ଖେସ୍ ମ୍ୟାଚ୍ର ସପ୍ତମ ମିନିଟ୍ରେ ଗୋଲ ସ୍କୋର କରି ଭାରତକୁ 2-0ର ଅଗ୍ରଣୀ ପ୍ରଦାନ କରିଥିଲେ । ଏହାର ପରବର୍ତ୍ତୀ ତିନି ଗୋଲ ସ୍କୋର କରିଥିଲେ ପେନାଲ୍ଟି କର୍ଣ୍ଣର ସ୍ପେଶାଲିଷ୍ଟ ମନ୍ଦୀପ୍ ସିଂ । ମନ୍ଦୀପ୍ ମ୍ୟାଚ୍ର 9ମ, 29ତମ ଏବଂ 30 ତମ ମିନିଟ୍ରେ ଗୋଲ୍ ସ୍କୋର କରିଥିଲେ । ଗୁରୁଜାଣ୍ଟ ସିଂ ମ୍ୟାଚ୍ର 41 ତମ ମିନିଟ୍ରେ ଗୋଲ୍ ସ୍କୋର କରି ଭାରତକୁ ଏକ ପାଖିଆ ବିଜୟ ପ୍ରଦାନ କରିଥିଲେ ।
