ନୂଆଦିଲ୍ଲୀ: ଲକ୍ଷ୍ନୌ-କାନପୁର ଏକ୍ସପ୍ରେସୱେ ଖୋଲିବାର ଅପେକ୍ଷା ଶେଷ ହୋଇଛି। ଆଜି ଏକ୍ସପ୍ରେସୱେ ଖୋଲିଛି। କେନ୍ଦ୍ର ସଡ଼କ ପରିବହନ ଏବଂ ରାଜପଥ ମନ୍ତ୍ରୀ ନୀତିନ ଗଡକରୀ ଏହାକୁ ଉଦଘାଟନ କରିଛନ୍ତି। ଏହି ୬୩ କିଲୋମିଟର ଏକ୍ସପ୍ରେସୱେ ଖୋଲିବା ଦ୍ୱାରା ଦୁଇ ସହର ମଧ୍ୟରେ ଯାତ୍ରା ସହଜ ଏବଂ ଆରମଦାୟକ ହେବ। ଏକ୍ସପ୍ରେସୱେ ଉଦଘାଟନ ସମୟରେ ଗଡକରୀ ଏକ ବୟାନ ଦେଇଥିଲେ, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ଏକ୍ସପ୍ରେସୱେ ଉଦଘାଟନ ସମୟରେ କେନ୍ଦ୍ର ମନ୍ତ୍ରୀ ଗଡକରୀ କହିଥିଲେ ଯେ, “ମୁଁ ନୂତନ ପ୍ରଯୁକ୍ତିବିଦ୍ୟା ପ୍ରଚଳନ କରିଛି: ରୋପ୍-ୱେ, କେବୁଲ କାର୍। ମୁଁ ଏକ ଉଡ଼ନ୍ତା ବସ୍ ମଧ୍ୟ ପ୍ରଚଳନ କରିବାକୁ ଯାଉଛି। ମୁଁ ଏକ ସିପ୍ଲେନ୍ ମଧ୍ୟ ପ୍ରଚଳନ କରିଛି।” ସେ ଆହୁରି କହିଛନ୍ତି ଯେ, “ମୁଁ ବିଦ୍ୟୁତ୍ ଉପରେ ଆଧାରିତ ଏକ ମାସ୍ ରାପିଡ୍ ଟ୍ରାନ୍ସପୋର୍ଟ ସିଷ୍ଟମ୍ ବିକଶିତ କରିବି, ଯାହା ମୋ ନିୟନ୍ତ୍ରଣରେ ଆସେ। ଏହା ସହିତ ଆପଣ ଗୋଟିଏ କୋଣରୁ ଅନ୍ୟ କୋଣକୁ କେବେ ପହଞ୍ଚିବେ ତାହା କହିବା ସହଜ ହେବ। ମୁଁ ଏହାକୁ ଆରମ୍ଭ କରିବାକୁ ଯାଉଛି।”
୪୫ ମିନିଟରେ ଶେଷ ହେବ ଯାତ୍ରା
ଲକ୍ଷ୍ନୌ-କାନପୁର ଏକ୍ସପ୍ରେସୱେ ଖୋଲିବା ଦ୍ୱାରା ଦୁଇ ସହର ମଧ୍ୟରେ ଦୀର୍ଘ ଦିନର ଟ୍ରାଫିକ ଜାମ୍ ସମସ୍ୟା ଦୂର ହୋଇଛି। ପୂର୍ବରୁ ଏଥିରେ ଅଢ଼େଇରୁ ତିନି ଘଣ୍ଟା ସମୟ ଲାଗୁଥିଲା, ଏବେ ଏହା ମାତ୍ର ୩୫ ରୁ ୪୫ ମିନିଟରେ ସମାପ୍ତ ହୋଇପାରିବ। ଏହି ୬୩ କିଲୋମିଟର ଲମ୍ବା ଏକ୍ସପ୍ରେସୱେ ପ୍ରକଳ୍ପର ଭିତ୍ତିପ୍ରସ୍ତର ୨୦୧୮ରେ ସ୍ଥାପନ କରାଯାଇଥିଲା। ପ୍ରାୟ ୪,୫୦୦ କୋଟି ଟଙ୍କା ଖର୍ଚ୍ଚରେ ଏହି ଏକ୍ସପ୍ରେସୱେ ସମ୍ପୂର୍ଣ୍ଣ ହୋଇଥିଲା।