ଭୁବନେଶ୍ଵର: ରାଜ୍ୟରେ ପୁଞ୍ଜିନିବେଶ ପାଇଁ ଅନୁକୂଳ ପରିବେଶ ସୃଷ୍ଟି କରିବା ଲାଗି ସରକାର ନିରନ୍ତର ଉଦ୍ୟମ କରୁଛନ୍ତି। ଏହି ଉଦ୍ୟମର ସୁଫଳ ସ୍ୱରୂପ ନିକଟରେ ପ୍ରକାଶ ପାଇଥିବା ନୀତି ଆୟୋଗ ମାନ୍ୟତାରେ ଓଡ଼ିଶା ଦେଶର ଶ୍ରେଷ୍ଠ ପାଞ୍ଚଟି ନିବେଶ ଅନୁକୂଳ ରାଜ୍ୟ ମଧ୍ୟରେ ସ୍ଥାନିତ ହୋଇଛି। ନିବେଶ ଅନୁକୂଳ ସୂଚକାଙ୍କ -ଆଇଏଫଆଇ ମାନ୍ୟତାରେ ୫୨ ଦଶମିକ ୪ ପଏଣ୍ଟ ସହିତ ଓଡ଼ିଶା ପଞ୍ଚମ ସ୍ଥାନରେ ସ୍ଥାନିତ ହୋଇଛି। ଗୁଜରାଟ, ମହାରାଷ୍ଟ୍ର, ତାମିଲନାଡ଼ୁ ଏବଂ ଗୋଆ ଯଥାକ୍ରମେ ପ୍ରଥମରୁ ଚତୁର୍ଥ ମଧ୍ୟରେ ସ୍ଥାନ ପାଇଛନ୍ତି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏଥିପାଇଁ ରାଜ୍ୟବାସୀ, ଶିଳ୍ପ ଅଂଶୀଦାର ଏବଂ ନିବେଶ ପ୍ରୋତ୍ସାହନ ଜଡ଼ିତ ସବୁ ବିଭାଗକୁ ଶୁଭେଚ୍ଛା ଜଣାଇଛନ୍ତି।
Odisha Ranks 5th in NITI Aayog Investment Index