ନୂଆଦିଲ୍ଲୀ: ପାକିସ୍ତାନ ଏବଂ ୱେଷ୍ଟଇଣ୍ଡିଜ୍ ୨ଆଜିଠାରୁ ଆରମ୍ଭ ହେଉଥିବା ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳିବାର କାର୍ଯ୍ୟକ୍ରମ ରହିଛି। ତଥାପି ସିରିଜ୍ ଆରମ୍ଭ ହେବା ପୂର୍ବରୁ ୱେଷ୍ଟଇଣ୍ଡିଜ୍ ଦ୍ରୁତ ବୋଲର ଆଲଜାରି ଜୋସେଫ୍ ଖେଳିବାକୁ ମନା କରିଛନ୍ତି। ମୁଖ୍ୟ ପ୍ରଶିକ୍ଷକ ଡାରେନ୍ ସାମି କହିଛନ୍ତି ଯେ, ଏହା ଦଳ ପାଇଁ ଏକ ବଡ଼ କ୍ଷତି। ପ୍ରଥମ ମ୍ୟାଚ୍ ତ୍ରିନିଦାଦର ବ୍ରାଏନ୍ ଲାରା ଷ୍ଟାଡିୟମରେ ଖେଳାଯିବ।
ସିରିଜ୍ ଆରମ୍ଭ ହେବା ପୂର୍ବରୁ ସାମି ଆଲଜାରି ଯୋସେଫ୍ ବିଷୟରେ କହିଥିଲେ ଯେ, “ଶ୍ରୀ ଯୋସେଫ୍ ଚୟନକୁ ମନା କରିଥିଲେ। ଏହା ପରିସ୍ଥିତିର ବାସ୍ତବତା। ତାଙ୍କୁ ଚୟନ କରାଯାଇଥିଲା। ସେ ବର୍ତ୍ତମାନ ଆଘାତରୁ ସୁସ୍ଥ ହେଉଛନ୍ତି ଏବଂ ସେ ଚୟନକୁ ମନା କରିଥିଲେ।”
ପ୍ରଶିକ୍ଷକ ଆହୁରି କହିଛନ୍ତି ଯେ, “ଏହି ନିଷ୍ପତ୍ତି ମୋର ବୁଝିବା ବାହାରେ। ଚୁକ୍ତିବଦ୍ଧ ଖେଳାଳିମାନଙ୍କୁ ଚୟନକୁ ମନା କରିବା ପାଇଁ ଏକ ସମାଧାନ ଖୋଜିବା ମୁଁ ନିର୍ଦ୍ଦେଶକଙ୍କ ଉପରେ ଛାଡି ଦେଉଛି।”
ଦଳ ଘୋଷଣା କରିବା ସମୟରେ ୱେଷ୍ଟଇଣ୍ଡିଜ୍ ବୋର୍ଡ ଏକ ବିଜ୍ଞପ୍ତିରେ କହିଛି ଯେ, ବ୍ୟକ୍ତିଗତ କାରଣରୁ ଆଲଜାରି ଜୋସେଫ୍ ଉପଲବ୍ଧ ନାହାନ୍ତି। ତଥାପି ପ୍ରଶିକ୍ଷକ ଏବେ ଅନ୍ୟ କିଛି ପ୍ରକାଶ କରିଛନ୍ତି।