ଭାରତୀୟ ଅର୍ଥନୀତି ଏକ ନୂତନ ସମସ୍ୟାର ସମ୍ମୁଖୀନ ହୋଇଛି । ଅନ୍ତର୍ଜାତୀୟ ଅର୍ଥନୀତି ତଳୁଆ ରହିବା ପ୍ରଭାବରେ ଦୀର୍ଘ 11 ବର୍ଷର ରେକର୍ଡ ଭାଙ୍ଗି ସର୍ବନିମ୍ନ ସ୍ତରରେ ପହଞ୍ଚିଛି ଭାରତୀୟ ମୁଦ୍ରାର ବିନିମୟ ମୂଲ୍ୟ । ସୋମବାର ପ୍ରକାଶିତ ସୂଚନା ଅନୁଯାୟୀ ପଇସାର ମୂଲ୍ୟ 51 ପଇସା ହ୍ରାସ ପାଇ 72.17 ପଇସାରେ ପହଞ୍ଚିଛି । ଶୁକ୍ରବାର ଡଲାରର ବିନିମୟ ମୂଲ୍ୟ 71.66 ପଇସା ରହିଥିଲା । ଏହି ସମୟରେ ଚୀନ୍ର ଅର୍ଥନୀତି ମଧ୍ୟ ତଳୁଆ ରହିଛି । ଡଲାର ତୁଳନାରେ ୟେନ୍ର ମୂଲ୍ୟ 7.1487 ୟେନ୍ ରହିଛି । ଶୁକ୍ରବାର ବିଭିନ୍ନ ଚିନ ଉତ୍ପାଦ ଉପରେ ଆମେରିକା ବର୍ହିଶୁଳ୍କ ବଢାଇବା ପରେ ଚୀନ୍ ପକ୍ଷରୁ ସମାନ ପଦକ୍ଷେପ ନିଆଯାଇ ଆମେରିକୀୟ ଉତ୍ପାଦ ଉପରେ ବର୍ହିଶୁଳ୍କ ବଢାଯାଇଥିଲା । ଏହାର ପ୍ରଭାବ ସିଧାସଳଖ ସମଗ୍ର ଅନ୍ତର୍ଜାତୀୟ ଅର୍ଥନୀତି ଉପରେ ପଡିଛି । ଏହି ସମୟରେ ଅଶୋଧିତ ତୈଳର ମୂଲ୍ୟ ହ୍ରାସ ପାଇ ବ୍ୟାରେଲ ପିଛା 58.66 ଡଲାର ରହିଛି ।
Tags:
