ବଲିଉଡ୍ର ଦୁଇ ଆକ୍ସନ୍ ଷ୍ଟାର ହ୍ରିତିକ୍ ରୋଶନ୍ ଏବଂ ଟାଇଗର ଶ୍ରଫ୍ଙ୍କ ଫିଲ୍ମ ଓ୍ବାରର ଟ୍ରେଲର ରିଲିଜ୍ ହୋଇଛି । ଟ୍ରେଲରଟିରେ ଜବରଦସ୍ତ ଆକ୍ସନ୍ ସିନ୍ ଏବଂ ବାଇକ୍ ଏବଂ କାର୍ ଚେଜ୍ ସିନ୍ ଦେଖିବାକୁ ମିଳିଛି । କାହାଣୀର ପୃଷ୍ଠ ଭୂମି ଅନୁଯାୟୀ ଉଭୟ ହ୍ରିତିକ୍ ଏବଂ ଟାଇଗର୍ ଆର୍ମି ଅଫିସର ଭୂମିକାରେ ନଜର ଆସିଛନ୍ତି । ହ୍ରିତିକ୍ ଦେଶ ବିରୋଧୀ ପାଲଟି ଯାଇଥିବା ବେଳେ ହ୍ରିତିକଙ୍କୁ ଖୋଜିବାରେ ନିୟୋଜିତ ହୋଇଛନ୍ତି ଟାଇଗର୍ । ଟ୍ରେଲରଟିକୁ ଦର୍ଶକ ବେଶ ପସନ୍ଦ ମଧ୍ୟ କରିଛନ୍ତି । ବାଣୀ କପୁର ସମ୍ପୂର୍ଣ୍ଣ ସେକ୍ସି ଅବତାରରେ ନଜର ଆସିଛନ୍ତି ଏହି ଫିଲ୍ମରେ । ଏହି ତିନି ଜଣଙ୍କ ବ୍ୟତିତ ଆଶୁତୋଷ ରାଣା ଏବଂ ଅନୁପ୍ରିୟା ଗୋଏଙ୍କା ପ୍ରମୁଖ ଭୂମିକାରେ ନଜର ଆସିଛନ୍ତି । ସିଦ୍ଧାର୍ଥ ଆନନ୍ଦ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି । ବ୍ୟାଙ୍ଗ ବ୍ୟାଙ୍ଗ ପରେ ଏହା ସିଦ୍ଧାର୍ଥ-ହ୍ରିତିକ୍ ଯୋଡିଙ୍କର ପ୍ରଥମ ଫିଲ୍ମ । ଗାନ୍ଧୀ ଜୟନ୍ତୀ ଅବସରରେ ଫିଲ୍ମଟି ରିଲିଜ୍ ହେବାକୁ ଯାଉଛି ।
Tags:
