ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମ୍ଙ୍କ ରିମାଣ୍ଡ ଅବଧି ସେପ୍ଟେମ୍ବର 2 ପର୍ଯ୍ୟନ୍ତ ବୃଦ୍ଧି କରିଛନ୍ତି ସ୍ବତନ୍ତ୍ର ସିବିଆଇ କୋର୍ଟ । ଆଜି ଚିଦାମ୍ବରମ୍ଙ୍କ ରିମାଣ୍ଡ ଅବଧି ଶେଷ ହେଉଥିବା ବେଳେ ସିବିଆଇ ପକ୍ଷରୁ ପୁନର୍ବାର 5 ଦିନିଆ ରିମାଣ୍ଡ ଦାବି କରାଯାଇଥିଲା । ସ୍ବତନ୍ତ୍ର କୋର୍ଟ ସିବିଆଇ ଉପରେ ଅସନ୍ତୋଷ ପ୍ରକାଶ କରିବା ସହିତ ଏକ ସମୟରେ 15 ଦିନିଆ ରିମାଣ୍ଡ ଅବଧି କାହିଁକି ଦାବି କରାଗଲା ନାହିଁ ବୋଲି ପ୍ରଶ୍ନ କରିଥିଲେ । ଚିଦାମ୍ବରମଙ୍କୁ ଦୈନିକ କେତେ ଘଣ୍ଟା ପଚରା ଉଚୁରା କରାଯାଉଛି ବୋଲି ପ୍ରଶ୍ନ କରିଥିଲେ । ଦୈନିକ 8-10 ଘଣ୍ଟାର ଜେରା ପରେ କମ୍ ଉତ୍ତର କୋର୍ଟରେ ପେଶ କରାଯାଉଥିବା ନେଇ ବିଚାରପତି ଅସନ୍ତୋଷ ପ୍ରକାଶ କରିଥିଲେ ।
