IAS Reshuffle in Odisha: ରାଜ୍ୟ ସରକାର ଆଜି ଆଇଏଏସ ସ୍ତରରେ ଛୋଟ ଅଦଳବଦଳ କରିଛନ୍ତି। ସେହି ଅନୁସାରେ ବରିଷ୍ଠ ଆଇଏଏସ ବିଷ୍ଣୁପଦ ସେଠୀଙ୍କୁ ଜିଏ ବିଭାଗର ଓଏଏସଡି କରାଯାଇଛି। ସେ ଜଙ୍ଗଲ ଉନ୍ନୟନ ନିଗମର ଅଧ୍ୟକ୍ଷ ଅଛନ୍ତି। ହେଲେ ସେଠାରେ ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ମଧ୍ୟରେ ବିବାଦ ସୃଷ୍ଟି ହେବାରୁ ତାଙ୍କୁ ପୁଣି ସବୁ ପଦପଦବୀରୁ ହଟାଇ ଦିଆଯାଇ ଜିଏ ବିଭାଗକୁ ବଦଳି କରାଯାଇଛି। ସେହିପରି ରୂପା ମିଶ୍ର କେନ୍ଦ୍ରୀୟ ଡେପୁଟେସନରୁ ଫେରିବା ପରେ ତାଙ୍କୁ ନୁଆ ନିଯୁକ୍ତି ମିଳିଛି।
1-ବିଷ୍ଣୁପଦ ସେଠୀ: ଓଡ଼ିଶା ଜଙ୍ଗଲ ଉନ୍ନୟନ ନିଗମ (Odisha Forest Development Corporation) ଏବଂ କେବିକେ (KBK) ରେ ଥିବା ଅଧ୍ୟକ୍ଷ ଦାୟିତ୍ୱରୁ ଆସି, ସାଧାରଣ ପ୍ରଶାସନ ଓ ସର୍ବସାଧାରଣ ଅଭିଯୋଗ ବିଭାଗରେ ‘ଅଫିସର ଅନ୍ ସ୍ପେଶାଲ୍ ଡ୍ୟୁଟି’ (OSD) ଭାବରେ ନିଯୁକ୍ତ ହୋଇଛନ୍ତି।
2- ଗିରିଶ ଏସ୍.ଏନ୍: ପଞ୍ଚାୟତି ରାଜ ଓ ପାନୀୟ ଜଳ ବିଭାଗରୁ ସ୍ଥାନାନ୍ତରିତ ହୋଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର କମିଶନର ତଥା ସଚିବ ଭାବରେ ନିଯୁକ୍ତ ହୋଇଛନ୍ତି।
3- ଏସ ଅଶ୍ବସ୍ଥି: ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସଚିବ ତଥା କମିଶନର ବଦଳି ହୋଇ ବର୍ତ୍ତମାନ ଅର୍ଥ ବିଭାଗର ସ୍ବତନ୍ତ୍ର ସଚିବ ଭାବେ ନିଯୁକ୍ତ ହୋଇଛନ୍ତି।
4- ରୂପା ମିଶ୍ର: କେନ୍ଦ୍ରୀୟ ଡେପୁଟେସନରୁ ଫେରିବା ପରେ ସେ ପୁନର୍ବାର ପଞ୍ଚାୟତି ରାଜ ଓ ପାନୀୟ ଜଳ ବିଭାଗର ସଚିବ ତଥା କମିଶନର ଭାବେ ନିଯୁକ୍ତ ହୋଇଛନ୍ତି।