କଳାହାଣ୍ଡି ଅଧମୁଣ୍ଡା ଆବାସିକ ବିଦ୍ୟାଳୟରେ ଛାତ୍ର ମୃତ୍ୟୁ ଘଟଣାରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏହି ଘଟଣାରେ ହଷ୍ଟେଲ ଓ୍ବାର୍ଡେନ୍ ଓ ପ୍ରଧାନଶିକ୍ଷକଙ୍କୁ ସଦର ଥାନା ପୋଲିସ ଗିରଫ କରିଛି । କଳାହାଣ୍ଡି ଜିଲ୍ଲା ଅଧମୁଣ୍ଡା ଆବାସିକ ବିଦ୍ୟାଳୟର ଜଣେ ଛାତ୍ରଙ୍କର ଭବାନୀପାଟଣାସ୍ଥିତ ମେଡ଼ିକାଲରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଥିଲା । କିନ୍ତୁ ଛାତ୍ର 3 ଦିନ ଧରି ଅସୁସ୍ଥ ଥିଲେ ବି ସ୍କୁଲ କର୍ତ୍ତୃପକ୍ଷଙ୍କ ଅବହେଳାରୁ ଚିକିତ୍ସା ହୋଇପାରି ନଥିବା କାରଣରୁ ତାର ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ କରିଥିଲେ । ଏହି ଘଟଣାରେ ତଦନ୍ତ କରାଯାଇ ପ୍ରଧାନଶିକ୍ଷକ ଅଗସ୍ତି ସାହୁ ଓ ଓ୍ବାର୍ଡେନ୍ ନବୀନ ମହାନନ୍ଦଙ୍କୁ ଗିରଫ କରାଯାଇଛି ।