ବର୍ଷର ଦ୍ବିତୀୟାର୍ଦ୍ଧରେ ସକ୍ରିୟ ହେବ ଆର୍ଥିକ ଅଭିବୃଦ୍ଧି : ନିର୍ମଳା ସୀତାରମଣ

ବର୍ଷର ଦ୍ବିତୀୟାର୍ଦ୍ଧରେ ଆର୍ଥିକ ଅଭିବୃଦ୍ଧି ସକ୍ରିୟ ହେବ ବୋଲି ଅର୍ଥମନ୍ତ୍ରୀ ନିର୍ମଳା ସୀତାରମଣ ସୂଚନା ଦେଇଛନ୍ତି । ଆସନ୍ତା ଅକ୍ଟୋବରରୁ ମାର୍ଚ୍ଚ ମଧ୍ୟରେ ଅଭିବୃଦ୍ଧି ପୁନର୍ବାର ସକ୍ରିୟ ହେବ ବୋଲି ସୀତାରମଣ ସୂଚନା ଦେଇଛନ୍ତି । ଏପ୍ରିଲ୍‌ରୁ ଜୁନ୍‌ ମଧ୍ୟରେ ଆର୍ଥିକ ଅଭିବୃଦ୍ଧି ହାର 5 ପ୍ରତିଶତରୁ କମ୍‌ ରହିଥିଲା ଯାହାକି ବିଗତ 6 ବର୍ଷ ମଧ୍ୟରେ ସର୍ବନିମ୍ନ ସ୍ତର ଛୁଇଁଥିଲା । ଗ୍ରାମୀଣ ଭାରତରେ ଘରୋଇ ବଜାର ନିମନ୍ତେ ଅଭିବୃଦ୍ଧିର ଏକ ବୃହତର ସୁଯୋଗ ରହିଛି । ଏହି ଅଭିବୃଦ୍ଧି ହାର ହାସଲ କଲେ ଭାରତର ଅର୍ଥନୈତିକ ଅଭିବୃଦ୍ଧି ସଠିକ୍‌ ଦିଗରେ ପରିଚାଳିତ ହେବ ବୋଲି ସୀତାରମଣ କହିଛନ୍ତି । ସେହିପରି ସମସ୍ତ ଘରୋଇ ବ୍ୟାଙ୍କ ପକ୍ଷରୁ ମିଳିଥିବା ତଥ୍ୟ ଅନୁଯାୟୀ ଉପଯୁକ୍ତ ପରିମାଣର ଅର୍ଥ ସମସ୍ତ ବ୍ୟାଙ୍କରେ ମହଜୁଦ ରହିଛି । ସମସ୍ତ ଘରୋଇ ବ୍ୟାଙ୍କ ଅଧିକାରୀଙ୍କ ସହିତ ବୈଠକ ପରେ ସୀତାରମଣ ଏହି ସୂଚନା ଦେଇଛନ୍ତି । ବ୍ୟାଙ୍କିଙ୍ଗ କ୍ଷେତ୍ର ଏହି ସମୟ ମଧ୍ୟରେ 18ରୁ 25 ପ୍ରତିଶତର ଅଭିବୃଦ୍ଧି ହାସଲରେ ସକ୍ଷମ ହେବ ବୋଲି ଜଣାପଡିଛି ।