ବିହାରର ସମସ୍ତୀପୁରରେ ରବିବାର ଛଟ୍ ପୂଜା ଅବସରରେ ଏକ ବଡ଼ ଅଘଟଣ ଘଟିଯାଇଛି। ସମସ୍ତୀପୁରର ହସନପୁରଠାରେ ଛଟ୍ ପର୍ବ ଅବସରରେ ଏକ ପୋଖରୀରେ ମନ୍ଦିରର କାନ୍ଥ ଭୁଶୁଡ଼ି ପଡ଼ିଛି। ଏହି ଘଟଣାରେ ଦୁଇଜଣଙ୍କର ମୃତ୍ୟୁ ଘଟିଛି। ମିଳିଥିବା ସୂଚନା ଅନୁସାରେ ସମସ୍ତୀପୁରର ହସନପୁର ଥାନା ଅନ୍ତର୍ଗତ ବଡ଼ଗାଓଁ ଗ୍ରାମର ପୁରୁଣା କାଳୀ ମନ୍ଦିରର କାନ୍ଥ ଭୁଶୁଡି ପଡ଼ିବାରୁ ଦୁଇଜଣ ମୃତ୍ୟୁ ଘଟିଛି। ମୃତକଦ୍ବୟ ହେଉଛନ୍ତି ୬୨ ବର୍ଷୀୟ ଶିନାଖତ୍ ଲୀଲା ଦେବୀ ଓ ବ ୬୦ ବର୍ଷୀୟ ବଚ୍ଚି ଦେବୀ। ଏହି ଅଘଟଣ ଘଟିବା ସମୟରେ ମହିଳାମାନେ ମନ୍ଦିର ପାର୍ଶ୍ବରେ ଥିବା ପୋଖରୀରେ ଛଟ୍ ପର୍ବ ପାଳନ କରୁଥିଲେ। କାନ୍ଥଟି ଭୁଶୁଡି ମହିଳାଙ୍କ ଉପରେ ପଡ଼ିଥିଲା। ଏହି ଅଘଟଣ ପରେ ଶ୍ରଦ୍ଧାଳୁ ମାନେ ଭୟଭୀତ ହୋଇ ଏଣେତେଣେ ଦୌଡ଼ିବା ଫଳରେ ୬ ଜଣ ମହିଳା ଗୁରତର ଆହତ ହୋଇନ୍ତି। ଘଟଣାସ୍ଥଳରେ ପୁଲିସ୍ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି।
