ଭାରତ ଏବଂ ବାଂଲାଦେଶ ମଧ୍ୟରେ ଅନୁଷ୍ଠିତ ପ୍ରଥମ ଟେଷ୍ଟ ମ୍ୟାଚ୍ରେ ବାଂଲାଦେଶ 150 ରନ୍ରେ ଅଲଆଉଟ ହୋଇଛି । ଭାରତୀୟ ପେସ୍ ବୋଲରଙ୍କ ସଫଳତା ଫଳରେ ଭାରତ ଡ୍ରାଇଭର ସିଟ୍ରେ ରହିଛି । ଭାରତୀୟ ପେସ୍ ବୋଲର ନିଜ ମଧ୍ୟରେ 7ଟି ଓ୍ବିକେଟ୍ ବାଣ୍ଟି ନେଇଥିଲେ । ଭାରତ ପକ୍ଷରୁ ମହମ୍ମଦ ସାମି ସର୍ବାଧିକ 3ଟି ଓ୍ବିକେଟ ଅକ୍ତିଆର କରିଥିବା ବେଳେ ଉମେଶ ଯାଦବ, ଇଶାନ୍ତ ଶର୍ମା ଏବଂ ଅଶ୍ବିନ୍ ପ୍ରତ୍ୟୋକ ଦୁଇଟି ଲେଖାଏଁ ଓ୍ବିକେଟ୍ ଅକ୍ତିଆର କରିଥିଲେ । ବାଂଲାଦେଶ ପକ୍ଷରୁ ମୁସଫିକର ରହିମ୍ ସର୍ବାଧିକ 43 ରନ୍ ସଂଗ୍ରହ କରିଥିବା ବେଳେ ଅଧିନାୟକ ମୋମିନୁଲ ହକ୍(37) ରନ୍ ସଂଗ୍ରହ କରିଥିଲେ । 114 ରନ୍ରେ 4 ଓ୍ବିକେଟ୍ ହରାଇଥିବା ବେଳେ ଶେଷ 6 ଓ୍ବିକେଟ୍ ମାତ୍ର 36 ରନ୍ରେ ହରାଇଥିଲା । ଜବାବରେ ଭାରତ 56 ରନ୍ରେ ରୋହିତ ଶର୍ମାଙ୍କ ଓ୍ବିକେଟ୍ ହରାଇଛି । ମାତ୍ର 6 ରନ୍ କରି ରୋହିତ ଆବୁ ଜାୟେଦ୍ଙ୍କ ଶିକାର ହୋଇଥିବା ବେଳେ ପୂଜାରା (34) ଏବଂ ମୟଙ୍କ (16) ବ୍ୟାଟିଂ କରୁଛନ୍ତି ।
