ବେଙ୍ଗାଲୁରୁ,5/12: କର୍ଣ୍ଣାଟକ ଉପ ନିର୍ବାଚନ ପାଇଁ 15ଟି ଆସନରେ ଭୋଟ ଗ୍ରହଣ ଆରମ୍ଭ ହୋଇଛି । ଅଯୋଗ୍ୟ ଘୋଷିତ ବିଧାୟକଙ୍କ ସ୍ଥାନରେ ଏହି ନିର୍ବାଚନ ଅନୁଷ୍ଠିତ ହେଉଛି । ନିର୍ବାଚନ କମିଶନଙ୍କ ପକ୍ଷରୁ ପ୍ରାପ୍ତ ସୂଚନା ଅନୁଯାୟୀ ସକାଳ 7ଟାରୁ ନିର୍ବାଚନ ଆରମ୍ଭ ହୋଇଥିବା ବେଳେ ସନ୍ଧ୍ୟା 6.00ଟା ପର୍ଯ୍ୟନ୍ତ ଭୋଟଗ୍ରହଣ ଅନୁଷ୍ଠିତ ହେବ । ଆଠାନି, ଗୋକାକ,କେଆରପୁରା, ୟଶଓ୍ବନ୍ତପୁରା, ୟେଲାପୁରା, ହିରେକୁରୁର, ରାନିବେନ୍ନୁର, ବିଜୟନଗର, ହୋସାକୋଟେ, କେଆର ପିଟ ଏବଂ ହଂସୁର ଆସନରେ ଉପ ନିର୍ବାଚନ ଅନୁଷ୍ଠିତ ହେବାକୁ ଯାଊଛି । ସମୁଦାୟ 165 ପ୍ରାର୍ଥୀ 15ଟି ଆସନ ପାଇଁ ପ୍ରତିଦ୍ବନ୍ଦିତା କରୁଥିବା ବେଳେ ତନ୍ମଧ୍ୟରୁ 126 ଜଣ ସ୍ବାଧୀନ ଏବଂ 9 ଜଣ ମହିଳା ପ୍ରାର୍ଥୀ ରହିଛନ୍ତି ।
