ନୂଆଦିଲ୍ଲୀ, 29/12 : ମିରଟ ଏସ୍ପି ଅଖିଳେଶ ନାରାୟଣ ସିଂ ଆନ୍ଦୋଳନ ରତ ଭିଡକୁ ପାକିସ୍ତାନ ପଳେଇଯାଅ ବୋଲି କହିବାକୁ ନେଇ ସ୍ବର ଉତ୍ତୋଳନ କରିଛନ୍ତି ବିଜେପି କେନ୍ଦ୍ରମନ୍ତ୍ରୀ ମୁଖ୍ତାର ଆବାସ୍ ନକ୍ଭୀ । ଏପରି ଦାୟିତ୍ବହୀନ ମନ୍ତବ୍ୟ ପାଇଁ ଏସ୍ପିଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ନକ୍ଭୀ କହିଛନ୍ତି । ସଂଖ୍ୟାଲଘୁ ସମ୍ପ୍ରଦାୟର କେନ୍ଦ୍ରମନ୍ତ୍ରୀ ନକ୍ଭୀ କହିଛନ୍ତି, ଯଦି ଭିଡିଓ ଅନୁଯାୟୀ ଏସ୍ପି ଏପରି ମତାମତ ଦେଇଥାନ୍ତି ତେବେ ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଉଲ୍ଲେଖଯୋଗ୍ୟ ଯେ, 18ରୁ 25 ବର୍ଷ ବୟସ୍କ ଯୁବକ ମାନେ ପାକିସ୍ତାନ ସପକ୍ଷବାଦୀ ନାରା ଦେଉଥିବା ବେଳେ ମିରଟ୍ ଏସ୍ପି ଅଖିଳେଶ ନାରାୟଣ ସିଂ ପାକିସ୍ତାନ ପଳେଇଯିବା ପାଇଁ କହିଥିଲେ । (ଏଜେନ୍ସୀ)
