ବେଙ୍ଗାଲୁରୁ, 03/01 : ବେଙ୍ଗାଲୁରୁରେ ଅନୁଷ୍ଠିତ ଜାତୀୟ ବିଜ୍ଞାନ କଂଗ୍ରେସ ସମ୍ମିଳନୀରେ ଯୋଗ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନୂତନ ଭାରତ ନିର୍ମାଣରେ ବିଜ୍ଞାନର ଭୂମିକା ଗୁରୁତ୍ବପୂର୍ଣ୍ଣ ରହିବ ବୋଲି ମୋଦି କହିଛନ୍ତି । ନୂତନ ଉଦ୍ଭାବନ କରିବା ସହିତ ଯୁବ ବୈଜ୍ଞାନିକ ମାନେ ଦେଶକୁ ପ୍ରଗତିର ରାସ୍ତାରେ ନେବା ଉଚିତ୍ ବୋଲି ଯୁବ ବୈଜ୍ଞାନିକ ମାନଙ୍କୁ ସମ୍ବୋଧିତ କରିବା ଅବସରରେ କହିଛନ୍ତି ମୋଦି । ନବବର୍ଷର ଆରମ୍ଭରେ ଅନୁଷ୍ଠିତ ବିଜ୍ଞାନ କଂଗ୍ରେସକୁ ମୋଦି ପ୍ରଶଂସା କରିବା ସହିତ ବିଜ୍ଞାନ, ବୈଷୟିକ କୌଶଳ ଏବଂ ଉଦ୍ଭାବନରେ ଏହାର ଅବଦାନ ଅନନ୍ୟ ବୋଲି ଅଭିହିତ କରିଥିଲେ । ଏହା ସହିତ ବୈଜ୍ଞାନିକ ଉଦ୍ଭାବନରେ ଭାରତର ମାନ ବୃଦ୍ଧି ନେଇ ମଧ୍ୟ ମୋଦି ସନ୍ତୋଷ ବ୍ୟକ୍ତ କରିଥିଲେ । ଏହି ମାନକରେ ଭାରତ ପୂର୍ବରୁ 57 ତମ ସ୍ଥାନରେ ରହିଥିବା ବେଳେ ବର୍ତ୍ତମାନ ଏହା 52 ତମ ସ୍ଥାନରେ ପହଞ୍ଚିଛି । (ଏଜେନ୍ସୀ)
