ନୂଆଦିଲ୍ଲୀ : ରାଜଧାନୀ ଦିଲ୍ଲୀର ଶାହୀନବାଗ୍ଠାରେ ସିଏଏ ଓ ଏନ୍ଆରସିକୁ ନେଇ ବିରୋଧ ପ୍ରଦର୍ଶନ ଜାରି ରହିଛି । ଶୁକ୍ରବାର ଦିନ ଜଣେ ନାବାଳିକ ଜାମିଆଠାରେ ସର୍ବସମ୍ମୁଖରେ ଗୁଳି ଚଳାଇଥିବାବେଳେ, ଏଥିରେ ଜଣେ ଛାତ୍ର ଆହତ ହୋଇଥିଲେ । ସେହିପରି ଶନିବାର ଦିନ ଏପରି ଏକ ଘଟଣା ଶାହୀନ୍ବାଗ୍ଠାରେ ମଧ୍ୟ ଦେଖିବାକୁ ମିଳିଥିଲା । ସିଏଏକୁ ନେଇ ବିରୋଧ ସାରା ଭାରତବର୍ଷରେ ବିରୋଧ ପ୍ରଦର୍ଶନ ଜାରି ରହିଥିବାବେଳେ ହିଂସାକାଣ୍ଡ ମଧ୍ୟ ଦେଖିବାକୁ ମିଳୁଛି । ତେବେ ହିଂସାକାଣ୍ଡ ଯୋଗୁଁ ସାଧାରଣ ଲୋକେ ଭୟଭୀତ ହେବା ସହିତ ବିବ୍ରତ ହୋଇପଡୁଛନ୍ତି । ଦେଶରେ ଏପରି ଏକ ଅବସ୍ଥାରେ ଆମ ବଲିଉଡ୍ ସେଲିବ୍ରିଟିମାନେ ମଧ୍ୟ ଏପରି ହିଂସାକାଣ୍ଡକୁ ନେଇ ଦୁଃଖ ଜଣାଇବା ସହିତ ପ୍ରତିକ୍ରିୟା ପ୍ରକାଶ କରୁଛନ୍ତି । ଏହି କ୍ରମରେ ଅଭିନେତ୍ରୀ ସୋନମ୍ କପୁର୍ ଟୁଇଟ୍ କରି ହିଂସା ନ କରିବାକୁ ଅପିଲ୍ କରିଛନ୍ତି । ଭାରତରେ ଏପରି କିଛି ଘଟିବ ବୋଲି ସେ କେବେ କଳ୍ପନା କରିଥିଲେ ବୋଲି କହିଛନ୍ତି । ଏପରି ବିପଦପୂର୍ଣ୍ଣ ବିଭାଜନକାରୀ ରାଜନୀତିକୁ ବନ୍ଦ କରାଯାଉ ବୋଲଇ କହିବା ସହିତ ଏହାଦ୍ବାରା କେବଳ ଘୃଣା ସୃଷ୍ଟି ହେଉଛି ବୋଲି କହିଛନ୍ତି ସୋନମ୍ । ଜାମିଆ ହିଂସାକାଣ୍ଡକୁ ନେଇ ବହୁ ବଲିଉଡ୍ ସେଲିବ୍ରିଟି ପ୍ରତିବାଦ କରୁଛନ୍ତି । (ଏଜେନ୍ସି)
