ସମୀକ୍ଷା ବ୍ୟରୋ
ଭୁବନେଶ୍ବର : ଓଡିଶା ହାଇକୋର୍ଟର ପୂର୍ବତନ ବିଚାରପତି ରଘୁନାଥ ବିଶ୍ବାଳଙ୍କ ନେତୃତ୍ବରେ ପଛୁଆ ବର୍ଗଙ୍କ ପାଇଁ କମିଶନ ଗଠନ କରିଛନ୍ତି ରାଜ୍ୟ ସରକାର । ଏହି ପାଞ୍ଚ ଜଣିଆ କମିଟିରେ ରହିଥିବା ଅନ୍ୟ ସଦସ୍ୟ ହେଉଛନ୍ତି ପ୍ରଫେସର ନବନୀତା ରଥ, ପ୍ରଫେସର ଡ. ମିତାଲୀ ଚିନରା, ଏବଂ ଡ. ପ୍ରସନ୍ନ କୁମାର ପାତ୍ର ଏହି କମିଟିର ସଦସ୍ୟ ରହିଛନ୍ତି । ଆଇଏଏସ୍ ବୀର ବିକ୍ରମ ଯାଦବ ଏହି କମିଶନର ସଚିବ ରହିଛନ୍ତି । ପଛୁଆ ବର୍ଗ ଧାରା 1993 ଅନୁଯାୟୀ ଏହି କମିଟି ଗଠନ କରାଯାଇଛି ।
ଜଷ୍ଟିସ୍ ରଘୁନାଥ ବିଶ୍ବାଳ ପୂର୍ବରୁ ନଭେମ୍ବର 2012ରୁ 2017 ପର୍ଯ୍ୟନ୍ତ ଖାଉଟି କମିଶନର ମୁଖ୍ୟ ରହିଥିଲେ । ପ୍ରଫେସର ନବନୀତା ରଥ ସାମାଜିକ ବିଜ୍ଞାନ ବିଭାଗର ପ୍ରଫେସର ରହିଥିବା ବେଳେ ମିତାଲି ଚିନରା ଅର୍ଥନୀତିରେ ପ୍ରଫେସର ରହିଛନ୍ତି । କମିଟିର ଅନ୍ୟତମ ସଦସ୍ୟ ଡ. ପ୍ରସନ୍ନ କୁମାର ପାତ୍ର ଆନ୍ଥ୍ରୋପୋଲୋଜି (ମନୁଷ୍ୟ ବିଜ୍ଞାନ) ବିଭାଗର ପ୍ରଫେସର ଅଟନ୍ତି ।
