ସୀତାରାମ ଅଗ୍ରଓ୍ବାଲ
ବାଣପୁର: ଫେବୃଆରୀ ୧୪ ତାରିଖ ଫୁଲ୍ଓ୍ବାମା ଶହୀଦ୍ଙ୍କ ଶ୍ରଦ୍ଧାଞ୍ଜଳି ଦେବା ପୂର୍ବକ ଏବିଭିପି ବାଣପୁର ତରଫରୁ କ୍ୟାଣ୍ଡେଲ୍ ଶୋଭାଯାତ୍ରା କରାଯାଇ ନିରବ ପ୍ରାର୍ଥନା କରାଯାଇଥିଲା। ଏବିଭିପି ବାଣପୁର ତରଫରୁ ଏହି ଫୁଲଓ୍ବାମା ଶହୀଦ୍ଙ୍କ ସ୍ମୃତି ଉଦ୍ଦେଶ୍ୟରେ ଏହି କ୍ୟାଣ୍ଡେଲ୍ ଶୋଭାଯାତ୍ରାର ଆୟୋଜନ କରାଯାଇଥିଲା। ବାଣପୁର ମେଡ଼ିକାଲ୍ କଲେଜ ଛକରୁ ଏହା ଆରମ୍ଭ କରାଯାଇ ଭଗବତୀ ମନ୍ଦିରରେ ସମାପନ ହୋଇଥିଲା।
ଏହି କାର୍ଯ୍ୟକ୍ରମରେ ନଗର ସମ୍ପାଦକ ବିକାଶ ସେଠୀ, ସହ ସମ୍ପାଦକ ବିବେକାନନ୍ଦ ଗଡନାୟକ, ନିରାକାରପୁର ନଗର ସମ୍ପାଦକ ସୁନୀଲ୍ ବାରିକ୍, ବାଣପୁର କଲେଜ ଯୁକ୍ତ ଦୁଇ କ୍ୟାମ୍ପସ୍ ୟୁନିଟି ସଭାପତି ପ୍ରିୟାଂଶୁ ପ୍ରଧାନ, ଆଦିତ୍ୟ, ଶିବ, ସୋମନାଥ, ବିଶ୍ଵଜିତ, ବଳରାମ ପ୍ରମୁଖ ବହୁ କାର୍ଯ୍ୟକର୍ତ୍ତା ଯୋଗଦେଇଥିଲେ।
Tags:
