ସମୀକ୍ଷା ବ୍ୟୁରୋ
ଭୁବନେଶ୍ବର : ଆଜି ମହାଶିବରାତ୍ରୀ ଉପଲକ୍ଷେ ଦେବଦେବ ମହାଦେବ ପ୍ରଭୁ ଲିଙ୍ଗରାଜଙ୍କ ମନ୍ଦିର ବିଭିନ୍ନ ଫୁଲରେ ଝଲସି ଉଠିଛି। ଆଜି ଭକ୍ତମାନେ ପ୍ରଭୁ ଲିଙ୍ଗରାଜଙ୍କ ଦର୍ଶନ ସହିତ ମନ୍ଦିରର ଏପରି ସାଜସଜ୍ଜା ଦେଖି ବିମୋହିତ ହୋଇଯାଉଛନ୍ତି। ଭୁବନେଶ୍ବର ଫ୍ଲୋରିଷ୍ଟ ସଂଘ ତରଫରୁ ଏକି ଫୁଲସଜ୍ଜା କାମ କରାଯାଇଛି। ଏଥିପାଇଁ ପ୍ରାୟ 5 ଲକ୍ଷ ଟଙ୍କା ଖର୍ଚ୍ଚ ହୋଇଛି। ପୂର୍ବରୁ ପୁରୀର ମନ୍ଦିରକୁ ଯେପରି ଫୁଲରେ ସଜା ଯାଇ ଆକର୍ଷଣୀୟ କରାଯାଇଥିଲା ଠିକ୍ ସେହିପରି ଲିଙ୍ଗରାଜ ମନ୍ଦିରରେ କରାଯାଇଛି।
ସେତିକି ନୁହେଁ ଚଳିତ ବର୍ଷ ପ୍ରଭୁ ଲିଙ୍ଗରାଜଙ୍କ ମହାଶିବରାତ୍ରୀ ଭକ୍ତମାନଙ୍କୁ ଏକ ନିଆରା ଅନୁଭୂତି ମିଳିବ। କାରଣ ମନ୍ଦିର ଚାରିପଟୁ ଉଚ୍ଛେଦ କରାଯାଇ ସୌନ୍ଦର୍ଯ୍ୟକରଣ କରାଯାଇଛି। ମନ୍ଦିର ଚାରିପଟୁ ପର୍ଯ୍ୟାପ୍ତ ସ୍ଥାନ ବୁଲିବା ପାଇଁ ମିଳିପାରିଛି। ଫଳରେ ପୂର୍ବରୁ ମନ୍ଦିର ଭିତରକୁ ପ୍ରବେଶ ପାଇଁ ଯେଉଁ ଭିଡ ହେଉଥିଲା ତାହା ଏଥର ହେବ ନାହିଁ। ସେହିପରି ଗାଡି ପାର୍କିଂ ପାଇଁ ଚଳିତ ବର୍ଷ ସ୍ବତନ୍ତ୍ର ବ୍ୟବସ୍ଥା କରାଯାଇଛି।
ଚଳିତ ବର୍ଷ ଶିବ ଭକ୍ତଙ୍କୁ ପ୍ରଭୁ ଲିଙ୍ଗରାଜଙ୍କ ମହାଶିବରାତ୍ରୀ ନିଶ୍ଚିତ ଏକ ଭକ୍ତିପୂତ ନୂଆ ଅନୁଭୂତି ନେଇ ଆସିବ।