ସୀତାରାମ ଅଗ୍ରଓ୍ବାଲ
ବାଣପୁର: ଆଜି ବାଣପୁର ଗମ୍ଭାରୀମୁଣ୍ଡା ସ୍ଥିତ ପର୍ଶୁରାମ ଜୁନିଅର ମହାବିଦ୍ୟାଳୟଠାରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ଏବିଭିପି) ଦ୍ୱାରା ଏକ ସ୍ଵଚ୍ଛ କ୍ୟାମ୍ପସ ଅଭିଯାନ ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟ ଏବିଭିପି କ୍ୟାମ୍ପସ ୟୁନିଟ ସଭାପତି ସୁଜିତ ଜେନା ଓ ସମ୍ପାଦକ ଦୀପକ ବେହେରାଙ୍କ ନେତୃତ୍ୱରେ ଉକ୍ତ ଅଭିଯାନରେ ମୁଖ୍ୟ ଅତିଥି ଭାବେ ଯୋଗଦେଇଥିଲେ ମହାବିଦ୍ୟାଳୟର ଅଧ୍ୟକ୍ଷ ପ୍ରେମରାଜ ପ୍ରଧାନ। ଅଧ୍ୟକ୍ଷଙ୍କ ସହିତ ଶିକ୍ଷା ବିଭାଗ ଅଧ୍ୟାପକ ନୀଳମଣି ଘଡ଼ାଇ, କ୍ରୀଡା ଶିକ୍ଷକ ପ୍ରଶାନ୍ତ କୁମାର ସାହୁ ଓ ବରିଷ୍ଠ କିରାଣୀ ବସନ୍ତ ଛାଟୋଇ ଉକ୍ତ ଅଭିଯାନରେ ଭାଗନେଇ ଛାତ୍ର ଛାତ୍ରୀଙ୍କ ସହ ମହାବିଦ୍ୟାଳୟ କ୍ୟାମ୍ପସ ପରିସର ସଫା କରିଥିଲେ।
ବିଦ୍ୟାର୍ଥୀ ପରିଷଦ ସଦାବେଳେ ଶିକ୍ଷା ସମସ୍ୟାକୁ ଗୁରୁତ୍ୱ ଦେଇ ଆସୁଛି ଓ ସାମାଜିକ ସମସ୍ୟାକୁ ଦୂର କରିବା କ୍ଷେତ୍ରରେ କାମ କରିବା ସହ କ୍ୟାମ୍ପସରେ ଶାନ୍ତି ଶୃଙ୍ଖଳା ରକ୍ଷା, ଶୈକ୍ଷିକ ବାତାବରଣ ବଜାୟ ରଖିବା ଓ କ୍ୟାମ୍ପସର ସ୍ୱଚ୍ଛତାକୁ ଗୁରୁତ୍ୱ ଦେବା ଭଳି ବହୁ ମହତ୍ତ୍ୱପୂର୍ଣ୍ଣ କାର୍ଯ୍ୟ କରିଆସୁଛି ବୋଲି ନଗର ସମ୍ପାଦକ ବିକାଶ କୁମାର ସେଠି ମତ ପ୍ରକାଶ କରିଥିଲେ। ପରିଶେଷରେ ଏବିଭିପି ଦ୍ୱାରା କଲେଜର ବିଭିନ୍ନ ସମସ୍ୟାର ସମାଧାନ ନିମନ୍ତେ ଛାତ୍ର ଛାତ୍ରୀଙ୍କ ଦ୍ୱାରା ଅଧ୍ୟକ୍ଷଙ୍କୁ ଏକ ଦାବିପତ୍ର ପ୍ରଦାନ କରାଯାଇଥିଲା। ଅଧ୍ୟକ୍ଷ ସମସ୍ତ ଦାବିକୁ ଶୀଘ୍ର ପୂରଣ କରିବେ ବୋଲି ପ୍ରତିଶ୍ରୁତି ଦେଇଥିଲେ। ଉକ୍ତ କାର୍ଯ୍ୟକ୍ରମରେ ଶାଶ୍ୱତ, ଜିତେନ୍ଦ୍ର, ସିଲୁ, ରାଜେଶ, ଓମକାର,ବିରେନ, ସର୍ବେଶ୍ୱର, ଅମୀୟ, ପ୍ରିତମ, ବାଦଲ ଓ ବହୁ କାର୍ଯ୍ୟକର୍ତ୍ତା ଯୋଗଦେଇଥିଲେ।