ରମେଶ ମହାନ୍ତି
ଜଗତସିଂହପୁର : ରାଜ୍ୟସଭାକୁ ମନୋନୀତ ହୋଇଥିବା ସୁଜିତ୍ କୁମାରଙ୍କୁ ଜଗତସିଂହପୁର ବିଜେଡ଼ି ତରଫରୁ ସମ୍ବର୍ଦ୍ଧନା ପ୍ରଦାନ କରାଯାଇଛି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଆଦିବାସୀ ପିଲା ମାନଙ୍କ ପାଇଁ ଉଦ୍ଦିଷ୍ଟ ଏସ.ଡି.ସି.କପରେ ପ୍ରମୁଖ ଭୂମିକା ଗ୍ରହଣ କରି ସାରା ଦେଶରେ ଓଡିଶା କୁ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଥିଲେ ସୁଜିତ । ଏହା ସହ ସୁଜିତ କୁମାର ଜଣେ ଉଚ୍ଚଶିକ୍ଷିତ ଏବଂ ଏକ ଟାଣୁଆ ସଙ୍ଗଠକ ହିସାବରେ ନିକଟରେ ନିଜ କର୍ମକୁ ପ୍ରତିପାଦନ କରିଛନ୍ତି ।
ଏଭଳି ବ୍ୟକ୍ତିତ୍ବଙ୍କୁ ରାଜ୍ୟସଭା ସଦସ୍ୟପାଇଁ ମନୋନୀତ କରି ନାମ ଘୋଷଣା କରିଥିବାରୁ ତିର୍ତ୍ତୋଲ ବିଧାୟକ ବିଷ୍ଣୁ ଦାସ ଙ୍କ ସମେତ ବିଜୁ ଯୁବ ଜନତା ଦଳ ସମ୍ପାଦକ ରଶ୍ମି ରଞ୍ଜନ ଚୌଧୁରୀ, ସ୍ମୃତି ରଞ୍ଜନ ନାୟକ, କଟକ ଜୋନ୍ ଛାତ୍ର ବିଜେଡ଼ି ଉପସଭାପତି ପ୍ରଭୃତି ମହାପାତ୍ର,ଜିଲ୍ଲା ଛାତ୍ରନେତା ବିଜୟ ଶଙ୍କର ଦାସ, ତିର୍ତ୍ତୋଲ ବ୍ଲକ ବିଜେଡ଼ି ସଭାପତି ବସନ୍ତ ମହାପାତ୍ର ,ଜିଲ୍ଲା ସୋସିଆଲ ମିଡ଼ିଆ ସଂଯୋଜକ ସୁଜିତ୍ ମହାନ୍ତିଙ୍କ ସମେତ ବହୁ ଯୁବ, ଛାତ୍ର,ମହିଳା କର୍ମୀ ମାନେ ବିଜୁ ଜନତା ଦଳର ସଭାପତି ତଥା ମାନ୍ୟବର ମୁଖ୍ୟମନ୍ତ୍ରୀ ମହୋଦୟଙ୍କୁ କୃତଜ୍ଞତା ଜଣାଇବା ସହିତ ରାଜ୍ୟସଭା ସଦସ୍ୟ ଭାବରେ ମନୋନୀତ ସୁଜିତ୍ କୁମାରଙ୍କୁ ଶୁଭେଚ୍ଛା, ଶୁଭକାମନା ଜଣାଇଛନ୍ତି । ଆଗକୁ ଓଡ଼ିଶାର ହକ୍ ପାଇଁ ସୁଜିତ୍ କୁମାର ଙ୍କର ପ୍ରମୁଖ ଭୂମିକା ରହିବ ବୋଲି ଜିଲ୍ଲା ଯୁବ ସମ୍ପାଦକ ରଶ୍ମୀ ରଞ୍ଜନ ଚୌଧୁରୀ ପ୍ରକାଶ କରିଛନ୍ତି ।
