ସମୀକ୍ଷା ବ୍ୟୁରୋ
ଭୁବନେଶ୍ବର : ଆସନ୍ତା କାଲି ରଙ୍ଗର ପର୍ବ ହୋଲି । ତେବେ ହୋଲିରେ ସାବାଡ ହେବେ ମଦୁଆ । ହୋଲି ଅବସରରେ ରାଜଧାନୀ ଭୁବନେଶ୍ବରକୁ ଜଗିବେ 16 ପ୍ଲାଟୁନ୍ ପୋଲିସ୍ । ଏନେଇ ଡିସିପି ଅନୁପ ସାହୁ ସୂଚନା ଦେଇଛନ୍ତି । ଯଦିଓ କରୋନା ଭାଇରସ୍ ଓ ଅଦିନିଆ ବର୍ଷା ସମ୍ଭାବନା ହୋଲି ରଙ୍ଗକୁ ଫିକା କରିଦେବାର ଯଥେଷ୍ଟ ସମ୍ଭାବନା ରହିଛି । କିନ୍ତୁ ରାଜ୍ୟରେ ନିରାପଦ ଭାବରେ ହୋଲି ପାଳନକୁ ନେଇ କମିଶନରେଟ୍ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି ।
ହୋଲି ଖେଳିବା ବେଳେ ସତର୍କତା ଅବଲମ୍ବନ ପାଇଁ ଭୁବନେଶ୍ୱର ଡିସିପି ଅନୁପ ସାହୁ ପରାମର୍ଶ ଜାରି କରିଛନ୍ତି। ୧୭ଟି ଭ୍ୟାନ୍ ପାଟ୍ରୋଲିଂ କରିବେ । ୨୮ଟି ସ୍ଥାନରେ ଜୋରଦାର ଚେକିଂ ହେବ । ଦ୍ରୁତ ଗାଡ଼ି ଚାଳନା ଓ ମଦ୍ୟପ ଚାଳକଙ୍କ ଉପରେ ପୋଲିସ ନଜର ରଖିବ ବୋଲି ଭୁବନେଶ୍ୱର ଡିସିପି ଅନୁପ ସାହୁ କହିଛନ୍ତି।