ବହୁ ଚର୍ଚ୍ଚିତ ପିଏନ୍ବି ଋଣ ଠକେଇ ମାମଲାର ମୁଖ୍ୟ ଅଭିଯୁକ୍ତ ତଥା ହୀରା ବ୍ୟବସାୟୀ ନିରବ ମୋଦିଙ୍କ ୧୦୦ କୋଟିର ଆଲିସାନ ବଙ୍ଗଳାକୁ ଭାଙ୍ଗି ଦିଆଯାଇଛି । ମହାରାଷ୍ଟ୍ରର ଅଲିଗଡ଼ଠାରେ ଅବସ୍ଥିତ ଏହି ବଙ୍ଗ୍ଲୋରେ ୧୦୦ଟି ସ୍ଥାନରେ ବିସ୍ଫୋରକ ଖଞ୍ଜି ବଙ୍ଗଳାକୁ ମାଟିରେ ମିଶାଯାଇଛି । ଏହି ବଙ୍ଗ୍ଲୋରେ ବେଡରୁମ୍, କନଫରେନ୍ସ ହଲ୍ ସହ ଏକ ବିରାଟ ସୁଇମିଂ ପୁଲ୍ ରହିଥିଲା । ୩୭୬ ବର୍ଗ ମିଟର ଜାଗାରେ ବଙ୍ଗଳା ନିର୍ମାଣ ପାଇଁ ଅନୁମତି ମିଳିଥିବାବେଳେ ନିରବ ମୋଦି ୧୦୭୧ ବର୍ଗ ମିଟର ଜାଗାରେ ଏହି ଆଲିସାନ୍ ବଙ୍ଗ୍ଲୋ ନିର୍ମାଣ କରିଥିଲେ । ବେଆଇନ୍ ନିର୍ମାଣ ହୋଇଥିବାରୁ ଏହାକୁ ଭାଙ୍ଗିବାକୁ ଗତ ଡିସେମ୍ବର ୪ ତାରିଖରେ ରାଜ୍ୟ ସରକାର ନିର୍ଦ୍ଦେଶ ଦେଇଥିଲେ । ପିଏନ୍ବିର ୧୩ ହଜାର ୭୦୦ କୋଟି ଟଙ୍କାର ଋଣ ହଡ଼ପ କରି ନିରବ ମୋଦି ବିଦେଶକୁ ପଳାୟନ କରିଛନ୍ତି । ପୂର୍ବରୁ ପ୍ରବର୍ତ୍ତନ ନିର୍ଦ୍ଦେଶାଳୟ ନିରବଙ୍କର ୧୪୭ କୋଟି ୭୨ ଲକ୍ଷ ଟଙ୍କାର ସମ୍ପତ୍ତି ଆଟାଚ୍ କରିଥିଲେ ।
