ଭୀଷ୍ମ ସାହୁ
ମ. ରାମପୁର: କଳାହାଣ୍ଡି ଜିଲ୍ଲା ମ. ରାମପୁର ବ୍ଲକ ଅଇଁଲାପାଲି ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଏକ ଘର ଉପରେ ଟ୍ରକ୍ ମାଡିଯିବା କାରଣରୁ ମହିଳାଙ୍କ ମୃତ୍ୟୁ ହୋଇଛି। ମୃତ ମହିଳାଙ୍କ ନାମ ହେଉଛି ତୁଳସୀ ପଶାୟତ।
ମିଳିଥିବା ସୂଚନା ଅନୁସାରେ ଗୋପାଳପୁରରୁ ରାୟପୁରକୁ ସଂଯୋଗ କରୁଥିବା ୫୯ ନମ୍ବର ଜାତୀୟ ରାଜରାସ୍ତରେ ଟ୍ରକ୍ ଓଭରଟେକ୍ କରୁଥିବା ସମୟରେ ଭାରସାମ୍ୟ ହରାଇ ଘର ଉପରେ ମାଡି ଯାଇଥିଲା। ଘର ଭିତରେ ଥିବା ମହିଳା ଜଣକଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବାର ସୂଚନା ରହିଛି। ନିରୀହ ଗରିବ ମହିଳାଙ୍କ ମୃତ୍ୟୁ ଯୋଗୁଁ ଅଇଁଲାପାଲି ଗ୍ରାମବାସୀମାନେ କ୍ଷତିପୂରଣ ପାଇଁ ରାସ୍ତାରୋକ କରିଥିବାର ସୂଚନା ରହିଛି। ତେବେ ଘଟଣାସ୍ଥଳରେ ମ. ରାମପୁର ପୋଲିସ୍ ପହଞ୍ଚି ଗ୍ରାମବାସୀଙ୍କୁ ବୁଝାସୁଝା କରିବା ସହିତ ଟ୍ରକ ଡ୍ରାଇଭର ଓ ଟ୍ରକ୍କୁ ଅଟକ ରଖିଛି।
Tags:
