କଟକ : ଆଜି କଟକ ସହରରୁ ତିନି ନୂଆ ପଜିଟିଭ୍ ଚିହ୍ନଟ ହୋଇଥିବାର ସୂଚନା ରହିଛି। ଏହି ତିନି ଆକ୍ରାନ୍ତଙ୍କ ମଧ୍ୟରୁ 2 ଜଣ ପେଡ୍ କ୍ବାରେଣ୍ଟିନ୍ କେନ୍ଦ୍ରର ହୋଇଥିବାବେଳେ ଗୋଟିଏଲ ଲୋକାଲ୍ କେସ୍ ରହିଛି। କ୍ବାରେଣ୍ଟିନ୍ କେନ୍ଦ୍ରରୁ ଚିହ୍ନଟଙ୍କ ମଧ୍ୟରୁ ଜଣେ 42 ବର୍ଷୀୟ ପୁରୁଷ ଓ 31 ବର୍ଷୀୟ ମହିଳା ରହିଥିବାର ସୂଚନା ରହିଛି। ଉଭୟଙ୍କର ଟ୍ରାଭେଲ୍ ହିଷ୍ଟ୍ରି ମୁମ୍ବାଇ ରହିଥିବା ସୂଚନା ରହିଛି । ସେହିପରି ଲୋକାଲ୍ କେସ୍ଟି କ୍ୟାଣ୍ଟନମେଣ୍ଟ ରୋଡ୍ର 65 ବର୍ଷୀୟ ବୟସ୍କ ବ୍ୟକ୍ତି ହୋଇଥିବାର ଟୁଇଟ୍ ଯୋଗେ ସୂଚନା ଦେଇଛନ୍ତି ସିଏମସି।
ନୂତନ ତିନି ଆକ୍ରାନ୍ତଙ୍କୁ ମିଶାଇ କଟକ ସହରରେ ଏବେ ମୋଟ୍ ସଂକ୍ରମିତଙ୍କ ସଂଖ୍ୟା 29ରେ ପହଞ୍ଚିଥିବାବେଳେ ସୁସ୍ଥ ହୋଇଛନ୍ତି 21 ଜଣ। ଏବେ ସକ୍ରିୟ ରହିଛନ୍ତି 8ଜଣ।
