କୁଚିଣ୍ଡା : କୁଚିଣ୍ଡା ଗୋବିନ୍ଦପୁର ଥାନା ତାଳଡିହି ଗାଁରେ ଡବଲ ମର୍ଡର ଘଟିଯାଇଛି । ବଡଭାଇ ଓ ପୁତୁରାକୁ ନିର୍ମମ ଭାବେ ହତ୍ୟା କରାଯାଇଥିବାବେଳେ ଭାଉଜ ଗୁରୁତର ଅବସ୍ଥାରେ ଉଦ୍ଧାର ହୋଇଛନ୍ତି । ବିଳମ୍ବିତ ରାତ୍ରିରେ ଘରେ ପଶି ସାନ ଭାଇ ଆକ୍ରମଣ କରିଥିବାର ସୂଚନା ମିଳିଛି । 4 ବର୍ଷର ଶିଶୁ ପୁତ୍ର ସହ ବଡଭାଇଙ୍କୁ ନିର୍ମମ ଭାବେ ହତ୍ୟା କରାଯାଇଛି । ଘଟଣାସ୍ଥଳରେ ଶିଶୁପୁତ୍ର ସହ ବଡଭାଇଣ ମୃତ୍ୟୁ ହୋଇଛି । ଅଙ୍ଗନଓ୍ବାଡି ପାଇଖାନା ଟାଙ୍କିରୁ ଦୁହିଁଙ୍କ ମୃତଦେହକୁ ଉଦ୍ଧାର କରାଯାଇଛି । ଭାଉଜଙ୍କ ମୁମୂର୍ଷୁ ଅବସ୍ଥାରେ ଉଦ୍ଧାର କରାଯାଇଥିବାବେଳେ ସୁନ୍ଦରଗଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଗତକାଲି ବିଳମ୍ବିତ ରାତିରେ ସମେସ୍ତ ଶୋଇଥିବାବେଳେ ମରଣାନ୍ତକ ଆକ୍ରମଣ ହୋଇଥିବାର ସୂଚନା ରହିଛି । ଏହି ଘଟଣାରେ ଅଭିଯୁକ୍ତ ସାନ ଭାଇକୁ ପୋଲିସ୍ ଥାନାରେ ଅଟକ ରଖିଥିବାବେଳେ ତଦନ୍ତ ଜାରି ରଖିଛି ।
