ଭୁବନେଶ୍ବର, ଏଥର ଭକ୍ତମାନେ ମହାଶିବରାତ୍ରୀରେ ପ୍ରଭୃ ଲିଙ୍ଗରାଜ ମନ୍ଦିରରେ ପାଇବେ ନୂଆ ଅନୁଭବ। ଦୂରରୁ ପ୍ରଭୃଙ୍କ ମନ୍ଦିରକୁ ପୁରା ଦର୍ଶନ କରିହେବ। ଏ ନେଇ ଯୁଦ୍ଧକାଳୀନ ଭିତ୍ତିରେ ଚାଲିଛି ମନ୍ଦିରର ଉନ୍ନୟନ କାମ। ଆଜି ସକାଳେ ଲିଙ୍ଗରାଜ ମନ୍ଦିର ପରିଦର୍ଶନ କରି ଉନ୍ନୟନ କାର୍ଯ୍ୟର ତଦାରଖ କରିଛନ୍ତି 5ଟି ସଚିବ ଭି.କେ ପାଣ୍ଡିୟାନ। କାର୍ଯ୍ୟକୁ ତ୍ୱରାନ୍ୱିତ କରିବା ସହ ଜମି ଅଧିଗ୍ରହଣ ନଭେମ୍ବର ଶେଷ ସୁଦ୍ଧା ଶେଷ କରିବାକୁ ସେ ନିର୍ଦ୍ଦେଷ ଦେଇଛନ୍ତି। ସମୀକ୍ଷାରୁ ଏହା ଜଣାପଡିଛି ଯେ ବର୍ତ୍ତମାନ ସୁଦ୍ଧା 80 ପ୍ରତିଶତ ଜମି ଅଧିଗ୍ରହଣ ହୋଇସାରିଛି।
ମୁଖ୍ୟମନ୍ତ୍ରୀଙ୍କର ସଚିବ ପାଣ୍ଡିୟାନ କୋଭିଡ୍ ପରିସ୍ଥିତିର ଶୀଘ୍ର କାର୍ଯ୍ୟ ପାଇଁ ଅଧିକାରୀମାନଙ୍କୁ ପ୍ରଶଂସା କରିଥିଲେ। ମନ୍ଦିରକୁ ଯାଇଥିବା ସମସ୍ତ ରାସ୍ତାଗୁଡିକର ପ୍ରଶସ୍ତିକରଣ କାର୍ଯ୍ୟ ମହାଶିବରାତ୍ରୀଙ୍କ ପୂର୍ବରୁ ଶେଷ କରିବାକୁ ସେ କହିଛନ୍ତି। ସେହିପରି ଭକ୍ତମାନଙ୍କ ସୁବିଧା ପାଇଁ ସେ ନୂତନ ବିକଳ୍ପ ରାସ୍ତା କାର୍ଯ୍ୟକୁ ମଧ୍ୟ ସଂପୂର୍ଣ୍ଣ କରିବାକୁ ନିର୍ଦ୍ଦେଶ ଦେଇଛନ୍ତି। ବିକଳ୍ପ ରାସ୍ତା ବିନ୍ଦୁ ସାଗର ଚାରିପାଖରେ ଥିବା ପଥଚାରୀଙ୍କୁ ସାହାଯ୍ୟ କରିବ।
ସେହିପରି ବ୍ୟାଟେରୀ ଚାଳିତ ଯାନ ମାଧ୍ୟମରେ ଯାତ୍ରୀମାନଙ୍କୁ ନବାଆଣିବା ପାଇଁ ବ୍ୟବସ୍ଥା କରାଯିବ। ଏହା ଦ୍ବାରା ମନ୍ଦିର ପରିବେଷ ପ୍ରଦୂଷିତ ହେବ ନାହିଁ ଏବଂ ମନ୍ଦିର ଢାଞ୍ଚା ସୁରକ୍ଷିତ ରହିବ। ଲିଙ୍ଗରାଜ ବଜାରରୁ ତଲେଶ୍ୱର ଛକ ପର୍ଯ୍ୟନ୍ତ ନୂତନ ରାସ୍ତା, ନୂତନ ଲିଙ୍ଗରାଜ ବଜାରରୁ ବିନ୍ଦୁସାଗର ପର୍ଯ୍ୟନ୍ତ ସଂଯୋଗ କରୁଥିବା ରାସ୍ତା, ମନ୍ଦିରର ପୂର୍ବ ପ୍ଲାଜା ସମ୍ମୁଖ ବିକାଶ ଏବଂ ବ୍ରଜାବନ୍ଧୁ କଲ୍ୟାଣ ମଣ୍ଡପ ନିକଟରେ ଉତ୍ତର ଗେଟ୍ ବସ୍ ପାର୍କିଂରେ ଉତ୍ତର ପ୍ଲାଜାର ବିକାଶ ଲିଙ୍ଗରାଜ ସମେତ ସମସ୍ତ ଆଖପାଖ ମନ୍ଦିରକୁ ଜଳ ନିଷ୍କାସନର ସମୀକ୍ଷା କରାଯାଇଥିଲା।
5ଟି ସଚିବଙ୍କ ସହ ପୂର୍ତ୍ତ ବିଭାଗ ସଚିବ କ୍ରିଶନ କୁମାର ଏବଂ ବିଏମ୍ସି କମିଶନର ପ୍ରେମଚନ୍ଦ୍ର ଚୌଧୁରୀ ମଧ୍ୟ ଉପସ୍ଥିତ ରହିଥିଲେ । ରାଜ୍ୟ ସରକାର ଓ ବିଏମ୍ସି ତତ୍ୱାବଧାନରେ ଲିଙ୍ଗରାଜ ମନ୍ଦିର ଓ ଚତୁପାର୍ଶ୍ୱରେ ଉନ୍ନତିମୂଳକ କାମ ଜାରି ରହିଛି।
