ମାଲାୟଲମ ସୁପରଷ୍ଟାର ମୋହନଲାଲଙ୍କ ଆଗାମୀ ଚଳଚିତ୍ର ଲୁସିଫର ଆଜି ରିଲିଜ୍ ହୋଇଛି । ରାଜନୈତିକ ଥ୍ରିଲର କାହାଣୀ ଆଧାରିତ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ପୃଥ୍ବୀରାଜ ସୁକୁମାରନ୍ । ଅଭିନେତା ପୃଥ୍ବୀରାଜ ଏହି ଫିଲ୍ମ ଜରିଆରେ ନିର୍ଦ୍ଦେଶକ ଭାବରେ ପଦାର୍ପଣ କରିଛନ୍ତି । ଏହି ଫିଲ୍ମରେ ମୋହନଲାଲଙ୍କ ବ୍ୟତୀତ ବିବେକ ଓବେରଏ, ଇନ୍ଦ୍ରଜିତ୍ ସୁକୁମାରନ୍ ଏବଂ ମଞ୍ଜୁ ଓ୍ବାରିୟର ପ୍ରମୁଖ ନଜର ଆସିବେ । ଫିଲ୍ମରେ ବିବେକ ଓବେରଏ ନକରାତ୍ମକ ଭୂମିକାରେ ନଜର ଆସିଥିବା ବେଳେ ନିର୍ଦ୍ଦେଶକ ପୃଥ୍ବୀରାଜ ସୁକୁମାରନ୍ ଅତିଥି କଳାକାର ଭାବରେ ନଜର ଆସିଛନ୍ତି । ଫିଲ୍ମଟିକୁ ବଢିଆ ରେସପନ୍ସ ମିଳିଥିବା ବେଳେ ଟ୍ବିଟ୍ଟରରେ ସମେସ୍ତ ଫିଲ୍ମଟିକୁ ପ୍ରଶଂସା କରିଛନ୍ତି । ମୋହନ ଲାଲଙ୍କ ବ୍ୟତୀତ ବିବେକ ଓବେରଏ ଏବଂ ଟୋଭିନୋ ଥୋମାସଙ୍କ ଅଭିନୟକୁ ଦର୍ଶକ ପ୍ରଶଂସା କରିଛନ୍ତି । ମଞ୍ଜୁ ଓ୍ବାରିୟରଙ୍କ ସହିତ ମୋହନଲାଲଙ୍କ ଏହା ତୃତୀୟ ଫିଲ୍ମ ହୋଇଥିବା ବେଳେ ଦର୍ଶକ ଏହି ଯୋଡିକୁ ବହୁତ ପସନ୍ଦ କରିଛନ୍ତି ।
Tags:
