ନୂଆଦିଲ୍ଲୀ:ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଜମ୍ମୁ ଓ କଶ୍ମୀର ଗସ୍ତ ସମୟରେ ଦୂରରୁ ବିଶାଳ ପାହାଡ଼ର ଝଲକ ପାଇବା ପରେ ଶଙ୍କରାଚାର୍ଯ୍ୟ ପାହାଡ଼କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି। ପ୍ରଧାନମନ୍ତ୍ରୀ ଟ୍ବିଟରରେ ପୋଷ୍ଟ କରି କହିଛନ୍ତି ଯେ, କିଛି ସମୟ ତଳେ ଶ୍ରୀନଗରରେ ପହଞ୍ଚିବା ପରେ ଦୂରରୁ ଭବ୍ୟ ଶଙ୍କରାଚାର୍ଯ୍ୟ ପାହାଡ଼ ଦେଖିବାର ସୁଯୋଗ ମିଳିଥିଲା। ଶ୍ରୀନଗରର ଶଙ୍କରାଚାର୍ଯ୍ୟ ପାହାଡର କାହାଣୀ: ଶ୍ରୀନଗରଠାରୁ ୫ କିଲୋମିଟର ଦୂରରେ ଅବସ୍ଥିତ ଶଙ୍କରାଚାର୍ଯ୍ୟ ପାହାଡ ସହର ସ୍ତରଠାରୁ ପ୍ରାୟ ୧୧୦୦ ଫୁଟ ଉଚ୍ଚରେ। ଇତିହାସରେ ଏହି ପାହାଡ ବିଷୟରେ ଅନେକ ଦାବି କରାଯାଇଛି। ପ୍ରଥମ ଦାବି କେବଳ ଶଙ୍କରାଚାର୍ଯ୍ୟଙ୍କ ବିଷୟରେ। ବିଶ୍ୱାସ ଅନୁଯାୟୀ, ଯେତେବେଳେ ଆଦୀ ଗୁରୁ ଶଙ୍କରାଚାର୍ଯ୍ୟ କାଶ୍ମୀରକୁ ଆସିଥିଲେ, ସେତେବେଳେ ସେ ଗୋପାଦ୍ରି ପର୍ବତରେ ଭଗବାନ ଶିବଙ୍କୁ ପୂଜା କରିଥିଲେ। ଏଠାରେ ସେ ଶକ୍ତିର ପ୍ରକୃତି ଏବଂ ଏହାର ମହାନତାର ପ୍ରତ୍ୟକ୍ଷ ପ୍ରମାଣ ଅନୁଭବ କରିଥିଲେ। ତାଙ୍କ ପୂଜାରେ ସନ୍ତୁଷ୍ଟ ହୋଇ କାଶ୍ମୀରୀ…
Author: SM Network
ନୂଆଦିଲ୍ଲୀ: ଧର୍ମଶାଳା ଟେଷ୍ଟର ପ୍ରଥମ ଦିନର ଖେଳ ଶେଷ ହୋଇଛି। ପ୍ରଥମ ଦିନର ଖେଳ ଶେଷ ହେବା ବେଳକୁ ଭାରତର ସ୍କୋର ୧ ୱିକେଟ୍ ହରାଇ ୧୩୫ ରନ୍ କରିଛି। ଏହିପରି ଟିମ୍ ଇଣ୍ଡିଆ ଇଂଲଣ୍ଡଠାରୁ ୮୩ ରନ୍ ପଛରେ ରହିଛି। ଭାରତ ପାଇଁ ରୋହିତ ଶର୍ମା ଏବଂ ଶୁଭମାନ ଗିଲ ନଟ ଆଉଟ ହୋଇ ଫେରିଥିଲେ। ଭାରତୀୟ ଅଧିନାୟକ ୫୨ ରନ୍ ସ୍କୋର କରି ଖେଳୁଥିବା ବେଳେ ଶୁଭମାନ ଗିଲ ୨୬ ରନ୍ ସ୍କୋର କରି ନଟ ଆଉଟ୍ ଅଛନ୍ତି। ୫୭ ରନ୍ ସ୍କୋର କରିବା ପରେ ଯଶସ୍ୱୀ ଜୟସ୍ଵାଲ ପାଭିଲିୟନକୁ ଫେରିଥିଲେ। ଯଶାସୀ ଜୟସ୍ଵାଲଙ୍କୁ ଶୋଏବ ବଶୀର ଆଉଟ କରିଥିଲେ। ଏହାପୂର୍ବରୁ ଇଂଲଣ୍ଡ ଅଧିନାୟକ ବେନ ଷ୍ଟୋକ୍ସ ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ପ୍ରଥମେ ବ୍ୟାଟିଂ କରିବାକୁ ଆସିଥିବା ଇଂଲଣ୍ଡ ଦଳ ୨୧୮ ରନ୍ ରେ ସମସ୍ତ ୱିକେଟ ହରାଇଥିଲା। ଏହାର ଜବାବରେ ବ୍ୟାଟିଂ କରିବାକୁ…
ନୂଆଦିଲ୍ଲୀ: ଲୋକସଭା ନିର୍ବାଚନ ପାଇଁ କଂଗ୍ରେସ ପ୍ରଥମ ତାଲିକା ପ୍ରକାଶ କରିପାରେ। ଗଣମାଧ୍ୟମର ସୂତ୍ର ଅନୁଯାୟୀ, ରାହୁଲ ଗାନ୍ଧୀ ଆମେଠି ନୁହେଁ କେରଳର ୱାୟାନାଡରୁ ପ୍ରତିଦ୍ୱନ୍ଦ୍ୱିତା କରିପାରନ୍ତି। ଦଳର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ କେଉଁ ଆସନରେ ପ୍ରତିଦ୍ୱନ୍ଦ୍ୱିତା କରିବେ? ଏହି ବିଷୟରେ କିଛି ଚୂଡାନ୍ତ ହୋଇନାହିଁ। ତେବେ ରାଜନୈତିକ ମହଲରେ କଳ୍ପନାଜଳ୍ପନା ରହିଛି ଯେ, ସେ ୟୁପିରେ ରାଏବରେଲିରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ।
ନୂଆଦିଲ୍ଲୀ: ଗୃହ ମନ୍ତ୍ରଣାଳୟ (MHA) ୧୯୬୭ ମସିହାରେ ପାକିସ୍ତାନ ଅଧିକୃତ କାଶ୍ମୀରରେ ରହୁଥିବା ଲଶ୍କର-ଏ-ତୋଇବା ସଦସ୍ୟ ମହମ୍ମଦ କାସୀମ ଗୁଜ୍ଜରକୁ ବେଆଇନ କାର୍ଯ୍ୟକଳାପ ଅଧିନିୟମ, ୧୯୬୭ ଅନୁଯାୟୀ ଆତଙ୍କବାଦୀ ବୋଲି ଘୋଷଣା କରିଛି। କେନ୍ଦ୍ର ଗୃହ ମନ୍ତ୍ରଣାଳୟ ଏକ ପୋଷ୍ଟରେ ଏ ବିଷୟରେ ସୂଚନା ଦେଇଛି। ଏହା କୁହାଯାଇଛି ଯେ, ମୋଦୀ ସରକାର ଅନେକ ଆତଙ୍କବାଦୀ ଆକ୍ରମଣର କୁଖ୍ୟାତ ମାଷ୍ଟରମାଇଣ୍ଡ ମହମ୍ମଦ କାସୀମ ଗୁଜ୍ଜରକୁ ଆତଙ୍କବାଦୀ ବୋଲି ଘୋଷଣା କରିଛନ୍ତି। ଗୃହ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ଲଶ୍କର-ଏ-ତୋଇବା (ଲେଟି) ସଦସ୍ୟ ମହମ୍ମଦ କାସୀମ ଗୁଜ୍ଜର ଆତଙ୍କବାଦୀ ଆକ୍ରମଣରେ ଅନେକ ଲୋକଙ୍କୁ ହତ୍ୟା କରିଛନ୍ତି। ତାଙ୍କ ଆକ୍ରମଣରେ ଅନେକ ଲୋକ ଆହତ ହୋଇଛନ୍ତି। ସେ ଭାରତ ବିରୋଧରେ ଯୁଦ୍ଧ ଯୋଜନାରେ ଜଡିତ ଅଛନ୍ତି। ଏହି ପୋଷ୍ଟରେ ଗୃହ ମନ୍ତ୍ରଣାଳୟ କହିଛି ଯେ, ଦେଶର ଏକତା ଏବଂ ଅଖଣ୍ଡତା ବିରୋଧରେ କାର୍ଯ୍ୟକଳାପରେ ଜଡିତ ଥିବା ବ୍ୟକ୍ତିଙ୍କୁ କଠୋର ଜବାବ ଦିଆଯିବ।
ଭୁବନେଶ୍ଵର: ଏପ୍ରିଲ-ମେ ମାସରେ ଲୋକସଭା ନିର୍ବାଚନ ହେବାକୁ ଯାଉଛି। ସାଧାରଣ ନିର୍ବାଚନ ପୂର୍ବରୁ କଂଗ୍ରେସ ପାଇଁ ଖରାପ ଖବର ସାମ୍ନାକୁ ଆସିଛି। ଇଣ୍ଡିଆ ଟିଭି-ସିଏନଏକ୍ସ ଓପିନିୟନ ପୋଲ ଅନୁଯାୟୀ, ଯଦି ବର୍ତ୍ତମାନ ଦେଶରେ ନିର୍ବାଚନ ହୁଏ ତେବେ କଂଗ୍ରେସ ମାତ୍ର ୩୭ଟି ଆସନରେ ବିଜୟୀ ହେବ। ଅର୍ଥାତ୍ କଂଗ୍ରେସ ୨୦୧୯ର ସଂଖ୍ୟାକୁ ଛୁଇଁପାରିବ ନାହିଁ। ସେପଟେ ଏହି ନିର୍ବାଚନରେ ଏନଡିଏକୁ ବିପୁଳ ସଂଖ୍ୟାଗରିଷ୍ଠତା ମିଳିବ ବୋଲି ଜଣାପଡ଼ିଛି। ଇଣ୍ଡିଆ ଟିଭି-ସିଏନଏକ୍ସ ଓପିନିୟନ ପୋଲ ଅନୁଯାୟୀ, ଯଦି ବର୍ତ୍ତମାନ ନିର୍ବାଚନ ହୁଏ ତେବେ ଏନଡିଏ ୫୪୩ ଆସନରୁ ୩୭୮ଟି ଆସନ ଜିତିପାରେ। ସେହିପରି କଂଗ୍ରେସ ନେତୃତ୍ୱାଧୀନ ବିଜେପି ମେଣ୍ଟ (ଟିଏମସିକୁ ବାଦ୍ ଦେଇ) ୯୮କୁ ଖସି ଆସିଥିବା ଜଣାପଡ଼ିଛି। ଏହାବ୍ୟତୀତ ଟିଏମସି, ଟିଡିପି, ୱାଇଏସଆର କଂଗ୍ରେସ, ବିଜେଡି ଓ ସ୍ୱାଧୀନ ପ୍ରାର୍ଥୀଙ୍କୁ ୬୭ଟି ଆସନ ମିଳିବ ବୋଲି ଆକଳନ କରାଯାଇଛି। ଫେବ୍ରୁଆରି ୫ରୁ ଫେବ୍ରୁଆରି ୨୩ ମଧ୍ୟରେ ୫୪୩ ଲୋକସଭା ଆସନରେ ଏହି…
ନୂଆଦିଲ୍ଲୀ: ନାଗରିକତ୍ୱ ସଂଶୋଧନ ଆଇନ ସଂପର୍କରେ ଗୃହମନ୍ତ୍ରୀ ଅମିତ ଶାହା ଏକ ବଡ଼ ଘୋଷଣା କରିଥିଲେ। ଲୋକସଭା ନିର୍ବାଚନ ପୂର୍ବରୁ ଦେଶରେ CAA ର ବିଜ୍ଞପ୍ତି ଜାରି କରାଯିବ ବୋଲି ଗୃହମନ୍ତ୍ରୀ କହିଥିଲେ। ଏହା ପରେ ବିଭିନ୍ନ ପ୍ରକାରର କଳ୍ପନାଜଳ୍ପନା କରାଯାଉଛି। ଉତ୍ତରପ୍ରଦେଶ ଡିଜିପି ପ୍ରଶାନ୍ତ କୁମାର ମଧ୍ୟ ସ୍ପଷ୍ଟ ଭାବେ କହିଛନ୍ତି ଯେ, ତାଙ୍କ ପୋଲିସ ପ୍ରସ୍ତୁତ ଅଛି। CAA ଆଇନ କାର୍ଯ୍ୟକାରୀ ହେବା ପରେ, ଆଇନ ଶୃଙ୍ଖଳା ସହିତ କେହି ଖେଳିବାକୁ ସମର୍ଥ ହେବେ ନାହିଁ। ଡିଜିପି ପ୍ରଶାନ୍ତ କୁମାର ଏକ ସାକ୍ଷାତକାରରେ କହିଛନ୍ତି ଯେ, ଆଇନ ଶୃଙ୍ଖଳା ରକ୍ଷା କରିବା ପୋଲିସର ଦାୟିତ୍ଵ ଅଟେ ଏବଂ ଆମେ କାହାକୁ ଶାନ୍ତି ଓ ଶୃଙ୍ଖଳା ଭାଙ୍ଗିବାକୁ ସୁଯୋଗ ଦେବୁ ନାହିଁ। ସେ କହିଛନ୍ତି ଯେ, ଯଦି ଆମର ଡାଟା ସଂରକ୍ଷଣର ପଦ୍ଧତି ଅଛି, ତାହେଲେ ଆମ ପାଖରେ ମଧ୍ୟ ଉଲାଠି ଅଛି। ତେଣୁ ଆମେ କାହାକୁ ଏପରି କାର୍ଯ୍ୟ…
ଚିଲିକା (ସୀତାରାମ ଅଗ୍ରୱାଲ): ଆଜି ପୂର୍ବାହ୍ନରେ ମଝି ଚିଲିକାରେ ଏକ ଯାତ୍ରୀବାହୀ ଡଙ୍ଗା ଫସି ଯାଇଥିବା ବେଳେ ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡିଛି।ଖବର ମୁତାବକ ଆଜି ସକାଳେ ଗଞ୍ଜାମ ଜିଲ୍ଲାର ୬ ଜଣ ଯାତ୍ରୀ ବାଲୁଗାଁ ଜେଟି ଠାରୁ ମା କାଳିଜାଇ ଦର୍ଶନ କରିବା ନିମନ୍ତେ ଏକ ପ୍ରାଇଭେଟ ଡଙ୍ଗା ସାହାଯ୍ୟରେ ଯାଉଥିବା ବେଳେ ଚଢେଇ ଗୁହା ନିକଟ ମଝି ଚିଲିକାରେ ଯାନ୍ତ୍ରିକ ତ୍ରୁଟି ଯୋଗୁଁ ଫସି ରହିଥିଲା। ଖବର ପାଇ ମୋଟର ବୋଟ ଆସୋସିଏସନ ପକ୍ଷରୁ ଅନ୍ୟ ଏକ ଡଙ୍ଗା ସାହାଯ୍ୟରେ ଯାତ୍ରୀମାନଙ୍କୁ ଉଦ୍ଧାର କରି ମା କାଳିଜାଇଙ୍କ ଦର୍ଶନ କରେଇବା ସହ ସୁରକ୍ଷିତ ଭାବେ ଛଡ଼ାଯାଇଥିବା ସମ୍ପାଦକ କୃଷ୍ଣଚନ୍ଦ୍ର ବେହେରା କହିଛନ୍ତି।
ନୂଆଦିଲ୍ଲୀ: ଉତ୍ତରପ୍ରଦେଶରେ ବେଆଇନ ମଦ୍ରସା ମାମଲାରେ ଏସଆଇଟି ରିପୋର୍ଟ ଉତ୍ତରପରଦେଶ ସରକାରଙ୍କୁ ଦାଖଲ କରିଛି। ସୂଚନାନୁସାରେ, ଏହି ରିପୋର୍ଟରେ ପ୍ରାୟ ୧୩ ହଜାର ବେଆଇନ ମଦ୍ରସା ବନ୍ଦ କରିବାକୁ ପରାମର୍ଶ ଦିଆଯାଇଛି। ଏସଆଇଟିର ଅନୁସନ୍ଧାନ ଏବଂ ସୁପାରିଶ ପରେ ଏହି ହଜାର ହଜାର ବେଆଇନ ମଦ୍ରସା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମଦ୍ରସା ବୋର୍ଡ ପ୍ରସ୍ତୁତ ହେଉଛି। ଏସଆଇଟି ଅନୁସନ୍ଧାନରେ ବନ୍ଦ କରିବାକୁ ପରାମର୍ଶ ଦିଆଯାଇଥିବା ଅଧିକାଂଶ ମଦ୍ରସା ଭାରତ-ନେପାଳ ସୀମାରେ ଅଛି। ରିପୋର୍ଟରେ ଏହା ମଧ୍ୟ ସୂଚନା ଦିଆଯାଇଛି ଯେ, ଗଲ୍ଫ ଦେଶଗୁଡିକରୁ ପ୍ରାପ୍ତ ପାଣ୍ଠି ସହିତ ଗତ ୨୦ ବର୍ଷ ମଧ୍ୟରେ ଅଧିକାଂଶ ମଦ୍ରସା ନିର୍ମାଣ କରାଯାଇଛି। ସୂତ୍ରରୁ ପ୍ରକାଶ ଯେ, ଏସଆଇଟି ରିପୋର୍ଟରେ କୁହାଯାଇଛି ଯେ ଭାରତ-ନେପାଳ ସୀମାରେ ବହରାଇଚ, ଶ୍ରାବସ୍ତି ଏବଂ ମହାରାଜଗଞ୍ଜ ସମେତ ସାତୋଟି ଜିଲ୍ଲାରେ ଅଧିକାଂଶ ବେଆଇନ ମଦ୍ରସା ନିର୍ମାଣ କରାଯାଇଛି। ନେପାଳକୁ ଲାଗିଥିବା ଏହି ଜିଲ୍ଲାଗୁଡ଼ିକରେ ମଦ୍ରସା ସଂଖ୍ୟା ୫୦୦ ରୁ…
ଚିଲିକା (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ବାଣପୁର ଓ ବାଲୁଗାଁ ଅଞ୍ଚଳର ପ୍ରାୟ ୭୦ଜଣ ଶ୍ରମିକ ଠକେଇର ଶିକାର ହୋଇଥିବା ଖବର ହସ୍ତଗତ ହୋଇଛି। ଖବରରୁ ଜଣାପଡିଛି ଯେ, ବିଗତ ଦୁଇମାସ ତଳେ ସୁବିଧାରେ ଏବଂ ସ୍ୱଳ୍ପ ମୂଲ୍ୟରେ ଶ୍ରମିକ ମାନଙ୍କୁ ବିଦେଶରେ ରୋଜଗାର ଦେବାର ପ୍ରଲୋଭନ ଦେଖାଇ ଲାଇଫ ଲାଇନ ଟ୍ରାଭେଲ ଏଜେନସି, ବିଜୟୱାଡା, ବାଣପୁର ଅଞ୍ଚଳର ବିଭିନ୍ନ ସ୍ଥାନରେ ବ୍ୟାନର ଲଗାଇଥିଲା। ଯାହାକି ଦୁବାଇର ଆବୁଧାବିରେ ନାମୀଦାମୀ କମ୍ପାନୀରେ କାମ କରାଇବାର ଲେଖା ଥିଲା। ଯେଉଁ ବ୍ୟାନରର ଲେଖାକୁ ବିଶ୍ୱାସ କରି ଏବଂ ବ୍ୟାନରରେ ଲେଖା ଯାଇଥିବା କଥାର ପ୍ରଲୋଭନରେ ପଡ଼ି କମ୍ପାନୀର ମ୍ୟାନେଜର ଆର.ରାବଣା ରାଓଙ୍କୁ ବାଣପୁର ଅଂଚଳର ବହୁ ଶ୍ରମିକ ଯୋଗାଯୋଗ କରିଥିଲେ। ଯୋଗାଯୋଗ ପରେ କମ୍ପାନୀ ତରଫରୁ ସମସ୍ତ ଶ୍ରମିକ ମାନଙ୍କୁ ଦୁବାଇ ଯିବାକୁ ଭିସା ପ୍ରଦାନ କରିଥିଲେ। ଶ୍ରମିକ ମାନେ ମଧ୍ୟ ଭିସାକୁ ସଠିକ ବୋଲି ପରଖି ଥିଲେ। ପରେ ବିଦେଶ ଯିବାକୁ…
ଚିଲିକା (ସୀତାରାମ ଅଗ୍ରୱାଲ): ଚିଲିକା ନିର୍ବାଚନ ମଣ୍ଡଳୀରେ କଂଗ୍ରେସ ଦଳର ମୀନାକ୍ଷୀ ପ୍ରଧାନଙ୍କ ନେତୃତ୍ବରେ ଏକ ସାଙ୍ଗଠନିକ ବୈଠକ ଆଜି ବାଣପୁର ଘଣ୍ଟଶୀଳା ନିକଟସ୍ଥ ଅଲେଖ ଆଶ୍ରମ ପରିସରରେ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ଚିଲିକାରେ ଦଳକୁ କିପରି ଆଗକୁ ସୁଦୃଢ ଓ ମଜବୁତ କରାଯିବ ସେ ନେଇ କଂଗ୍ରେସ ନେତାମାନେ ନିଜ ନିଜ ବକ୍ତବ୍ୟ ରଖିଥିଲେ। ଏହି ଅବସରରେ ଆଗାମୀ ସାଧାରଣ ନିର୍ବାଚନରେ କଂଗ୍ରେସ ପ୍ରାର୍ଥୀଙ୍କୁ ଜିତାଇବା ପାଇଁ କର୍ମୀମାନେ ଶପଥ ନେଇଥିଲେ। ଉକ୍ତ ବୈଠକରେ ଖୋର୍ଦ୍ଧା ଜିଲ୍ଲା ସଭାପତି ରସିକ୍ ଚାନ୍ଦ ପଟ୍ଟନାୟକ, ଚିଲିକା ନିର୍ବାଚନ ମଣ୍ଡଳୀ ସଂଯୋଜକ ବିପିନ ବିହାରୀ ବାରିକୀ, ବାଣପୁର ବ୍ଳକ ସଭାପତି ଶମ୍ଭୁନାଥ ବେହେରା, ଚିଲିକା ବ୍ଳକ ସଭାପତି ହରିବନ୍ଧୁ ସାହୁ, ବିପ୍ର ରଞ୍ଜନ ଜେନା, ସୁଶାନ୍ତ ବିଶୋଇ, ଚିତ୍ତରଞ୍ଜନ ମହାପାତ୍ର, ଲକ୍ଷ୍ମୀଧର ପ୍ରଧାନ ଏବଂ ମହିଳା ନେତ୍ରୀ ମାଧୁରୀ ନାୟକ, ପୂଜା ପ୍ରଧାନ ଏବଂ ଏକାଧିକ କର୍ମକର୍ତା ମାନେ ଉପସ୍ଥିତ ଥିଲେ।
ବାଣପୁର (ସୀତାରାମ ଅଗ୍ରୱାଲ): ବୁଧବାର ପୂର୍ବାହ୍ନରେ ବିଜୁ ସ୍ୱାସ୍ଥ୍ୟ କଲ୍ୟାଣ ନବୀନ କାର୍ଡର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ନିୟମିତ ସରକାରୀ କର୍ମଚାରୀ ଓ ଆୟକର ଦେଉଥିବା ଲୋକଙ୍କୁ ଛାଡି ଗାଁର ସବୁ ଲୋକ ଏହି ସୁବିଧା ଉପଲବ୍ଧ ପାଇଁ ମୁଖ୍ୟମନ୍ତ୍ରୀ ୫-ଟି ଉପକ୍ରମରେ ମା’ମାନଙ୍କ ପାଇଁ ୧୦ ଲକ୍ଷ, ପରିବାରର ଅନ୍ୟ ସଦସ୍ୟଙ୍କ ପାଇଁ ୫ ଲକ୍ଷ ଟଙ୍କା ବିଏସକେୱାଇ କାର୍ଡ ମାଧ୍ୟମରେ ଯୋଗାଇ ଦେଇଛନ୍ତି। ୮୧୬ ଟି ପଞ୍ଜିକୃତ ବେସରକାରୀ ହସ୍ପିଟାଲରେ ମାସକୁ ୧.୩ ଲକ୍ଷ ହିତାଧିକାରୀ ପାଉଥିବା ବେଳେ ରାଜ୍ୟ ସରକାର ନିଜ ପାଣ୍ଠିରୁ ମାସକୁ ଖର୍ଚ୍ଚ କରୁଛନ୍ତି ୨୭୦ କୋଟି ଟଙ୍କା। ରାଜ୍ୟର ପ୍ରତ୍ୟେକ ଲୋକଙ୍କ ପାଇଁ ସ୍ୱାସ୍ଥ୍ୟ ସୁରକ୍ଷା ଯୋଗାଇଦେବାକୁ ସରକାର ଲକ୍ଷ୍ୟ ରଖିଛନ୍ତି। ପରବର୍ତ୍ତୀ ପର୍ଯ୍ୟାୟରେ ସହରାଞ୍ଚଳର ପ୍ରାୟ ସମସ୍ତଙ୍କୁ ବିଏସକେଓୟୀ କାର୍ଡ ଯୋଜନାରେ ଅନ୍ତର୍ଭୁକ୍ତ କରିବାକୁ ଲକ୍ଷ୍ୟ ରଖିଛନ୍ତି। ଏହି ପରିପ୍ରେକ୍ଷୀରେ ଗତକାଲି ପୂର୍ବାହ୍ନରେ ଅନଲାଇନ ମାଧ୍ୟମରେ ଆବେଦନ କରିଥିବା…
ଭୁବନେଶ୍ଵର: ଓଡିଶାର ନମ୍ବର-୧ ମନୋରଞ୍ଜନ ଚ୍ୟାନେଲ ଜୀ-ସାର୍ଥକ ସବୁବେଳେ ତାର ଦର୍ଶକଙ୍କ ସହ ଯୋଡି ହୋଇ ରହିବା ପାଇଁ ଅବିରତ ଚେଷ୍ଟା ଜାରି ରଖିଥାଏ । କେତେବେଳେ ଟିଭି ମାଧ୍ୟମରେ ତ କେତେବେଳେ ସିଧା ସିଧା ଦର୍ଶକଙ୍କ ପାଖରେ ପହଞ୍ଚିଥାଏ । ସେହି ପରିପ୍ରେକ୍ଷିରେ ଜୀ-ସାର୍ଥକ ଆରମ୍ଭ କରିଛି “ଡାନ୍ସ ଓଡିଶା ଡାନ୍ସ – ଜୀ-ସାର୍ଥକ ସଂସାର ଡବଲ୍ସ୍ ଲିଗ୍”, ସୋ ପ୍ରଚାରର ଏକ ନୂଆ ପ୍ରୟାସ, ଯାହା ଆପଣଙ୍କୁ ଦେବ ଖରା ଦିନରେ ମାଗଣା ଆଇସ୍କ୍ରୀମ । ହେଲେ କେମିତି ପାଇବେ ଏହି ମାଗଣା ଆଇସ୍କ୍ରୀମ ? ଜୀ-ସାର୍ଥକରେ ପ୍ରସାରିତ ସେଲିବ୍ରେଟିଙ୍କ ‘ଡ୍ୟାନ୍ସ ଓଡ଼ିଶା ଡ୍ୟାନ୍ସ, ଜୀ-ସାର୍ଥକ ସଂସାର ଡବଲ୍ସ୍ ଲିଗ୍’ ର ପ୍ରଚାରକୁ ଆହୁରି ଏକ ପାଦ ଆଗକୁ ନେଇ ଏହାର ଟିମ୍ ଆରମ୍ଭ କରିଛି ସାମାଜିକ ଗଣମାଧ୍ୟମ ବା ସୋସିଆଲ ମିଡିଆରେ ଏକ ନୂଆ ହାସଟ୍ଯାଗ ଟ୍ରେଣ୍ଡ #ZSDUMDARJODI । ଯେମିତିକି ସୋ ର ଟ୍ୟାଗ ଲାଇନରେ…
ନୂଆଦିଲ୍ଲୀ: ଚଳିତ ବର୍ଷ ଦେଶରେ ସାଧାରଣ ନିର୍ବାଚନ ହେବାକୁ ଯାଉଛି। ଖୁବଶୀଘ୍ର ନିର୍ବାଚନ ତାରିଖ ଘୋଷଣା ହେବାକୁ ଯାଉଛି। ଏଭଳି ସ୍ଥିତିରେ ପୁଣିଥରେ ଚର୍ଚ୍ଚାରେ ରହିଛି ମହୀଶୂରର ନାମ। ଏହାର କାରଣ ହେଉଛି ନିର୍ବାଚନରେ ଭୋଟ ଦେବା ପରେ ଭୋଟରଙ୍କ ତର୍ଜନୀ ଆଙ୍ଗୁଠିରେ ଥିବା ସ୍ୱତନ୍ତ୍ର କାଳି। ଦେଶର ଏକମାତ୍ର ମହୀଶୂର ସ୍ଥିତ କମ୍ପାନି ମହୀଶୂର ପେଣ୍ଟସ୍ ଆଣ୍ଡ୍ ୱାର୍ନିଶ ଲିମିଟେଡ୍ ପକ୍ଷରୁ ଏହି ସ୍ୱତନ୍ତ୍ର କାଳି ପ୍ରସ୍ତୁତ କରାଯାଇଛି। ଗଣତନ୍ତ୍ରର ପ୍ରତୀକ ଏହି କାଳିର ଇତିହାସ ଦେଶରେ ୫୦ ବର୍ଷରୁ ଅଧିକ ପୁରୁଣା। ଏହି କାଳି ବିନା ଦେଶରେ ନିର୍ବାଚନ ସମ୍ପୂର୍ଣ୍ଣ ହୋଇପାରୁନାହିଁ। ନିର୍ବାଚନରେ ଜାଲିଆତି ରୋକିବା ପାଇଁ ୧୯୬୨ ମସିହାରେ ପ୍ରଥମେ ଏହି ବାଇଗଣି ରଙ୍ଗ କାଳି ବ୍ୟବହାର କରାଯାଇଥିଲା। ଏପର୍ଯ୍ୟନ୍ତ ସବୁଠାରୁ ବଡ଼ ଅର୍ଡର ମହୀଶୂର ପେଣ୍ଟସ୍ ଆଣ୍ଡ୍ ୱାର୍ନିସେସ୍ ଲିମିଟେଡ୍ (ଏମପିଭିଏଲ୍)ରେ ଏହା ଏକ ବ୍ୟସ୍ତବହୁଳ ସମୟ। ଆଗାମୀ ଲୋକସଭା ନିର୍ବାଚନ ପାଇଁ ଏପର୍ଯ୍ୟନ୍ତ ସବୁଠାରୁ…
ଭୁବନେଶ୍ୱର: ଅଖିଳ ଭାରତ କଂଗ୍ରେସ କମିଟିର ଅନୁମୋଦନ କ୍ରମେ ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତିଶରତ ପଟ୍ଟନାୟକ ପ୍ରଦେଶ କଂଗ୍ରେସ ଗଣମାଧ୍ୟମ ବିଭାଗର ରିଚାର୍ଜ ୱିଙ୍ଗ୍ ର ଅଧ୍ୟକ୍ଷ ଭାବରେ ରଜନୀ ମହାନ୍ତିଙ୍କୁ ନିଯୁକ୍ତି ଦେଇଛନ୍ତି। ସେହିପରି ଭାବରେ ଏଆଇସିସିର ଅନୁମୋଦନକ୍ରମେ ପିସିସି ସଭାପତି ଶ୍ରୀ ପଟ୍ଟନାୟକ ନିମ୍ନଲିଖିତ କଂଗ୍ରେସ ନେତୃବୃନ୍ଦଙ୍କୁ ଓଡ଼ିଶା ପ୍ରଦେଶ କଂଗ୍ରେସ କମିଟିର ମୁଖପାତ୍ର ଭାବରେ ନିଯୁକ୍ତି ଦେଇଛନ୍ତି। ଯେଉଁମାନେ ମୁଖପାତ୍ର ଭାବେ ନିଯୁକ୍ତି ପାଇଛନ୍ତି ସେମାନେ ହେଲେ ସର୍ବଶ୍ରୀ ପଂଚାନନ ଦାସ, ସିଦ୍ଧାର୍ଥ ରାଉତରାୟ, ହାରାବତୀ ଗଣ୍ଡ, ଜୟଶ୍ରୀ ପାତ୍ର, ଇଂ ଆକାଶ ଭୂୟାଁ, ଜେ. ପଟ୍ଟନାୟକ, ମଧୁସ୍ମିତା ଆଚର୍ଯ୍ୟ ବୋଲି ପ୍ରଦେଶ କଂଗ୍ରେସ ବରିଷ୍ଠ ଉପସଭାପତି ଶ୍ରୀ ଶିବାନନ୍ଦ ରାୟ ଏକ ପ୍ରେସ ବିଜ୍ଞପ୍ତିରେ ଜଣାଇଛନ୍ତି। ଉପରୋକ୍ତ ନେତୃବୃନ୍ଦ ମାନେ ନିଜ ଦାୟୀତ୍ୱକୁ ସୂଚାରୁରୂପେ ସମ୍ପାଦନ କରିବେ ବୋଲି ଶ୍ରୀ ପଟ୍ଟନାୟକ ଆଶାପ୍ରକାଶ କରିଛନ୍ତି।
ଭୁବନେଶ୍ୱର: ଓଡିଶା ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କ ସହିତ ଅମୃତା ବିଶ୍ଵ ବିଦ୍ୟାପୀଠମ୍, କେରଳ ଏବଂ ବ୍ୟାଙ୍କକ ମୁଖ୍ୟ କାର୍ଯ୍ୟାଳୟ ଥିବା ଆଂଚଳିକ ସମନ୍ୱିତ ବହୁମୁଖୀ-ବିପର୍ଯ୍ୟୟ ସଂପର୍କରେ ଆଗୁଆ ସତର୍କ ସୂଚନା ବ୍ୟବସ୍ଥା ଅନୁଷ୍ଠାନ (ରାଇମସ୍) ସହିତ ପୃଥକ୍ ଭାବେ ୨ଟି ବୁଝାମଣା ପତ୍ର ବୁଧବାର ଦିନ ସ୍ୱାକ୍ଷରିତ ହୋଇଛି। ମୁଖ୍ୟ ଶାସନ ସଚିବ, ଓଡ଼ିଶା ପ୍ରଦୀପ କୁମାର ଜେନା ଓ ଅତିରିକ୍ତ ମୁଖ୍ୟ ଶାସନ ସଚିବ ତଥା ଓସଡମାର ପରିଚାଳନା ନିର୍ଦ୍ଦେଶକ ସତ୍ୟବ୍ରତ ସାହୁଙ୍କ ଉପସ୍ଥିତିରେ ଏହି ବୁଝାମଣା ପତ୍ର ସ୍ୱାକ୍ଷର କାର୍ଯ୍ୟକ୍ରମ ଲୋକସେବା ଭବନସ୍ଥିତ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଥିଲା। ଅମୃତା ବିଶ୍ୱ ବିଦ୍ୟାପୀଠମ୍ ସହ ସ୍ୱାକ୍ଷରିତ ବୁଝାମଣା ପତ୍ରରେ ଭୂସ୍ଖଳନ ବିପର୍ଯ୍ୟୟ ପରିଚାଳନା ନିମନ୍ତେ ପ୍ରାଥମିକ ଆଗୁଆ ସତର୍କ ସୂଚନା ପ୍ରଦାନ କରିବା ଓ ଏହାର ପ୍ରସାରଣ କରାଇବା ସହ ଓଡ଼ିଶାର ଜନସାଧାରଣଙ୍କୁ ଏହାର ପୂର୍ବାନୁମାନ ଦର୍ଶାଇବା ଲକ୍ଷ୍ୟରେ ଏହି ଚୁକ୍ତିନାମାକୁ ଓସଡମାର କାର୍ଯ୍ୟନିର୍ବାହୀ ନିର୍ଦ୍ଦେଶକ ଶ୍ରୀମତୀ…
ନୂଆଦିଲ୍ଲୀ:ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ବିହାରର ପଶ୍ଚିମ ଚମ୍ପାରଣ ଜିଲ୍ଲାର ବେଟିୟାଠାରେ ପ୍ରାୟ ୧୨,୮୦୦ କୋଟି ଟଙ୍କାର ରେଳ, ସଡ଼କ ଏବଂ ପେଟ୍ରୋଲିୟମ୍ ଏବଂ ପ୍ରାକୃତିକ ଗ୍ୟାସ ସମ୍ବନ୍ଧୀୟ ଏକାଧିକ ଭିତ୍ତିଭୂମି ପ୍ରକଳ୍ପର ଶିଳାନ୍ୟାସ ଏବଂ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି । ସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ ଯେ ବେଟିଆ ଭୂମି ସ୍ୱାଧୀନତା ସଂଗ୍ରାମକୁ ପୁନର୍ଜୀବିତ କରିଥିଲା ଏବଂ ଲୋକମାନଙ୍କ ମଧ୍ୟରେ ନୂତନ ଚେତନା ସୃଷ୍ଟି କରିଥିଲା । “ମୋହନ ଦାସଙ୍କ ଠାରୁ ମହାତ୍ମା ଗାନ୍ଧୀଙ୍କୁ ଏହି ମାଟି ହିଁ ସୃଷ୍ଟି କରିଥିଲା”, ପ୍ରଧାନମନ୍ତ୍ରୀ କହିଥିଲେ ଯେ ବିକଶିତ ବିହାର ଏବଂ ବିକଶିତ ଭାରତର ସଂକଳ୍ପ ନେବା ପାଇଁ ବେଟିଆ, ଚମ୍ପାରଣଠାରୁ ଭଲ ସ୍ଥାନ ଆଉ କିଛି ହୋଇପାରିବ ନାହିଁ । ପ୍ରଧାନମନ୍ତ୍ରୀ ରାଜ୍ୟର ବିଭିନ୍ନ ଲୋକସଭା ଏବଂ ବିଧାନସଭା ନିର୍ବାଚନ ମଣ୍ଡଳୀରୁ ବିକଶିତ ବିହାର କାର୍ଯ୍ୟକ୍ରମରେ ଲୋକଙ୍କ ଉପସ୍ଥିତିକୁ ସ୍ୱୀକାର କରିଥିଲେ ଏବଂ ଆଜିର ବିକାଶ ମୂଳକ…
ଭୁବନେଶ୍ୱର: ହସ୍ତତନ୍ତ, ବୟନ ଏବଂ ହସ୍ତଶିଳ୍ପ ମନ୍ତ୍ରୀ ରୀତା ସାହୁ ବୁଧବାର ହସ୍ତଶିଳ୍ପ ନିର୍ଦ୍ଦେଶାଳୟର ଆର୍ଥିକ ସହାୟତାରେ ଓଡ଼ିଶା ରାଜ୍ୟ ହସ୍ତଶିଳ୍ପ ନିଗମ ଲିଃ (ଉତ୍କଳିକା) ଦ୍ୱାରା ନିର୍ମିତ ଏକ ଅତିଥି ଗୃହର ଶୁଭ ଉଦ୍ଘାଟନ କରିଛନ୍ତି । ସମଗ୍ର ଓଡ଼ିଶାର ବୁଣାକାର ଓ କାରିଗରମାନେ ବିପଣନ ତଥା ଅନ୍ୟାନ୍ୟ କାର୍ଯ୍ୟ ପାଇଁ ଭୁବନେଶ୍ୱର ଆସିଥାନ୍ତି । ସ୍ୱଳ୍ପକାଳ ରହଣି ନିମନ୍ତେ କମ୍ ଦରରେ ରାତି୍ରଯାପନ ପାଇଁ ଏକ ନିର୍ଭରଯୋଗ୍ୟ ଅତିଥି ଗୃହର ଆବଶ୍ୟକତାକୁ ଅନୁଭବ କରି ଏହି ଅତିଥି ଗୃହର ନିର୍ମାଣ କରାଯାଇଛି । ଓଡ଼ିଶାର ସମସ୍ତ ବୁଣାକାର ଓ କାରିଗରମାନେ ଭୁବନେଶ୍ୱର ଗସ୍ତ ସମୟରେ ଏହି ଅତିଥି ଗୃହର ସୁବିଧା ନେଇପାରିବେ ବୋଲି ମନ୍ତ୍ରୀ ଶ୍ରୀମତୀ ସାହୁ ଆଶାପ୍ରକାଶ କରିଥିଲେ । ମଞ୍ଚେଶ୍ୱରସ୍ଥିତ ଏହି ଅତିଥି ଭବନରେ ନିର୍ଦ୍ଧାରିତ ମୂଲ୍ୟରେ ଜଣେ ବୁଣାକାର ବା କାରିଗର ରାତି୍ରଯାପନ କରିପାରିବେ ଓ ସର୍ବାଧିକ ୭ ଦିନ ରହି ପାରିବାର ବ୍ୟବସ୍ଥା…
ଭୁବନେଶ୍ୱର: ବୁଧବାର ପୂର୍ବାହ୍ନରେ ଲୋକସେବା ଭବନର କନଭେନସନ୍ ହଲରେ ବାଣିଜ୍ୟ ଏବଂ ପରିବହନ ବିଭାଗ ଓ ଏନସିସି ନିର୍ଦ୍ଦେଶାଳୟ ମଧ୍ୟରେ ’ଜୁନିଅର ରକ୍ଷକ’ ପାଇଁ ଏକ ବୁଝାମଣାପତ୍ର ସ୍ୱାକ୍ଷରିତ ହୋଇଛି। ଅତିରିକ୍ତ କମିଶନର୍ ଟ୍ରାନ୍ସପୋର୍ଟ (ସଡକ ସୁରକ୍ଷା) ଲାଲ୍ମୋହନ ସେଠୀ ଏବଂ ଏନସିସି ନିର୍ଦ୍ଦେଶକ, ଓଡିଶା ସାଗର କେ ମହାନ୍ତି ଏହି ବୁଝାମଣାପତ୍ରରେ ସ୍ୱାକ୍ଷର କରିଥିଲେ। ଜାତୀୟ ସମର ଶିକ୍ଷାର୍ଥୀ ବାହିନୀର ପ୍ରାୟ ୬୩ ହଜାର କ୍ୟାଡେଟ ସଡକ ସୁୁରକ୍ଷା ସଡକ ଦିଗରେ ’ଜୁନିଅର ରକ୍ଷକ’ ଭାବେ କାର୍ଯ୍ୟ କରିବେ। ସେମାନ ସଡକ ଦୁର୍ଘଟଣାର ଆଶଙ୍କାକୁ ରୋକିବା ଏବଂ ଅମୂଲ୍ୟ ଜୀବନ ରକ୍ଷା କରିବା ପାଇଁ ଏକ ସଂକଳ୍ପବଦ୍ଧ ପ୍ରତିବଦ୍ଧତାକୁ ଆପଣେଇ ସଡକ ସୁରକ୍ଷା ସମ୍ବନ୍ଧୀୟ ଶିକ୍ଷା, ତାଲିମ ହାସଲ କରିବେ। ଏହି ଏନସିସି କ୍ୟାଡେଟ-କମ ଜୁନିଅର ରକ୍ଷକ ଆମର ଭବିଷ୍ୟତର ସଡକ ସୁରକ୍ଷା ରାଷ୍ଟ୍ରଦୂତ ହେବେ ଯେଉଁମାନେ ସେମାନଙ୍କ ବନ୍ଧୁ, ପରିବାର ଏବଂ ଜନସାଧାରଣଙ୍କ ମଧ୍ୟରେ ସଡକ ସୁରକ୍ଷା ସଚେତନତାର…
ମେଷ- ଆପଣଙ୍କ କ୍ୟାରିୟର ପ୍ରତି ଆପଣଙ୍କ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାକୁ ପଡିବ। ଆର୍ଥିକ ଦିଗ ଦୃଢ ହେବ। ପରିବାର ସହିତ ଦୀର୍ଘ ଯାତ୍ରା ଅଛି। ବରିଷ୍ଠମାନଙ୍କ ଆଶୀର୍ବାଦ ସହିତ ଭଲ କାମ ଆରମ୍ଭ କରନ୍ତୁ। ବିଦେଶ ଯିବାକୁ ଥିବା ପ୍ରତିବନ୍ଧକକୁ ଦୂର କରାଯାଇପାରିବ। ବୃଷ- ସାମାଜିକ ଉତ୍ସବରେ ଜଡିତ ହେବେ। ଆତ୍ମବିଶ୍ୱାସ ବୃଦ୍ଧି କରିବ। କେତେକ ପ୍ରସଙ୍ଗରେ ସମସ୍ୟା ଦେଖାଦେବ। ଏହା ଦ୍ବାରା କ୍ଷତି ହୋଇପାରେ। ବିନା ପ୍ରଶ୍ନରେ ଆପଣଙ୍କ ମତାମତ ଦିଅନ୍ତୁ ନାହିଁ । ବାପାଙ୍କ ସହିତ ଗମ୍ଭୀର ବିଷୟ ଉପରେ ଆଲୋଚନା ହେବ । ମିଥୁନ- ଧାର୍ମିକ କାର୍ଯ୍ୟରେ ଅଂଶଗ୍ରହଣ କରିବେ। ଆପଣଙ୍କ କାର୍ଯ୍ୟଗୁଡ଼ିକୁ ଠିକ୍ ସମୟରେ ସମାପ୍ତ କରନ୍ତୁ। ଆପଣଙ୍କୁ ଅଳସୁଆ ମନୋଭାବ କ୍ଷତି ପହଞ୍ଚାଇପାରେ । ବ୍ୟବସାୟକୁ ବିସ୍ତାର କରିବା ପାଇଁ ଆପଣଙ୍କୁ ଏକ ଋଣ ନେବାକୁ ପଡିପାରେ। କର୍କଟ- ଆପଣଙ୍କ ଇଚ୍ଛିତ ଜୀବନ ସାଥୀକୁ ଭେଟି ଖୁସି ହେବ। ଲୋକମାନେ ଆପଣଙ୍କ ଆଚରଣ ଦ୍ୱାରା ଆକର୍ଷିତ ହେବେ ଏବଂ କର୍ମକ୍ଷେତ୍ରରେ…
ନୂଆଦିଲ୍ଲୀ: ଭାରତ ସରକାରଙ୍କ କାର୍ମିକ ଓ ପ୍ରଶିକ୍ଷଣ ବିଭାଗ (ଡିଓପିଟି) କ୍ରୀଡ଼ା ବିଭାଗ ସହଯୋଗରେ ଆଥଲେଟମାନଙ୍କ ନିଯୁକ୍ତି, ପଦୋନ୍ନତି ଏବଂ ପ୍ରୋତ୍ସାହନ ଢାଞ୍ଚାରେ ବ୍ୟାପକ ସଂସ୍କାର ଆଣିଛି। ମାର୍ଚ୍ଚ ୪ ରେ ଜାରି ହୋଇଥିବା ଏକ ମେମୋରାଣ୍ଡମରେ ଉପସ୍ଥାପିତ ଏହି ନୂତନ ନିର୍ଦ୍ଦେଶାବଳୀର ଉଦ୍ଦେଶ୍ୟ ହେଉଛି ବର୍ଦ୍ଧିତ ପ୍ରୋତ୍ସାହନ, ସ୍ୱଚ୍ଛତା ଏବଂ ଅନ୍ତର୍ଭୁକ୍ତୀକରଣ ପ୍ରଦାନ କରିବା। କେନ୍ଦ୍ର ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରୀ ଅନୁରାଗ ସିଂହ ଠାକୁର ଘୋଷଣା କରିଛନ୍ତି ଯେ ଖେଲୋ ଇଣ୍ଡିଆ ପଦକ ବିଜେତା ଆଥଲେଟ ମାନେ ଏଣିକି ସରକାରୀ ଚାକିରି ପାଇଁ ଯୋଗ୍ୟ ହେବେ। ସେ କହିଥିଲେ ଯେ ଆମ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଏକ ସୁଦୃଢ଼ କ୍ରୀଡ଼ା ଇକୋସିଷ୍ଟମ୍, ତୃଣମୂଳ ସ୍ତରରେ ପ୍ରତିଭାକୁ ପ୍ରୋତ୍ସାହିତ କରିବା ଏବଂ କ୍ରୀଡ଼ାକୁ ଏକ ଲାଭଦାୟକ ଏବଂ କାର୍ଯ୍ୟକ୍ଷମ କ୍ୟାରିୟର ବିକଳ୍ପରେ ପରିଣତ କରିବା ର ସ୍ୱପ୍ନକୁ ଦୃଷ୍ଟିରେ ରଖି ଖେଲୋ ଇଣ୍ଡିଆ ଆଥଲେଟମାନଙ୍କୁ ଏବେ ସରକାରୀ…
ନୂଆଦିଲ୍ଲୀ: ବର୍ତ୍ତମାନ ଇଂଲଣ୍ଡ କ୍ରିକେଟ୍ ଦଳ ଭାରତ ଗସ୍ତରେ ଅଛି। ଭାରତ ଗସ୍ତ ସମୟରେ ଇଂଲଣ୍ଡ ଖେଳାଳିମାନେ ଏପରି କାର୍ଯ୍ୟ କରିଛନ୍ତି, ଯାହା ଚୀନ୍କୁ କ୍ରୋଧ ଲାଗିବା ନିଶ୍ଚିତ। ବାସ୍ତବରେ ଇଂଲଣ୍ଡ ଦଳର ଖେଳାଳିମାନେ ତିବ୍ଦତୀୟ ଧାର୍ମିକ ନେତା ଦଲାଇ ଲାମାଙ୍କୁ ଭେଟିଛନ୍ତି। ଏହି ସମୟରେ ଇଂଲଣ୍ଡ ପରିଚାଳନା ଦଳର ସଦସ୍ୟମାନେ ମଧ୍ୟ ଦଲାଇଲାମାଙ୍କୁ ସାକ୍ଷାତ କରିଛନ୍ତି। ତେବେ ଇଂଲଣ୍ଡ କ୍ରିକେଟ୍ ଦଳର ଟ୍ୱିଟର ହ୍ୟାଣ୍ଡେଲରୁ ଏହି ସାକ୍ଷାତର ଫଟୋ ମଧ୍ୟ ସେୟାର କରାଯାଇଛି। ଇଂଲଣ୍ଡ କ୍ରିକେଟ୍ ଦଳ ଏବଂ ପରିଚାଳନା ଦଳ ହିମାଚଳ ପ୍ରଦେଶର ଧର୍ମଶାଳାସ୍ଥିତ ତାଙ୍କ ବାସଭବନରେ ଦଲାଇ ଲାମାଙ୍କୁ ଭେଟିଥିଲେ। ଇଂଲଣ୍ଡ ଏବଂ ଭାରତ ମଧ୍ୟରେ ୫ ମ ଟେଷ୍ଟ ୭ ମାର୍ଚ୍ଚରୁ ଧର୍ମଶାଳାରେ ଖେଳାଯିବ। ଏଭଳି ପରିସ୍ଥିତିରେ ଇଂଲଣ୍ଡ ଦଳ ଧର୍ମଶାଳାରେ ପହଞ୍ଚି ଦଲାଇ ଲାମାଙ୍କୁ ଭେଟିଥିଲେ। ବାସ୍ତବରେ, ତିବ୍ଦତୀୟ ଧାର୍ମିକ ଗୁରୁ ଦଲାଇ ଲାମା ଏପରି ଜଣେ ବ୍ୟକ୍ତି, ଯାହାର ନାମ ଶୁଣିଲେ ଚାଇନାର…