Author: SM Network

ବାଲୁଗାଁ (ସୀତାରାମ ଅଗ୍ରୱାଲ): ବାଲୁଗାଁ ଥାନା ଅନ୍ତର୍ଗତ ୧୬ ନଂ ଜାତୀୟ ରାଜପଥ ସୁବୁଦ୍ଧିପାଟଣା ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଯାଇଛି। ଦୁର୍ଘଟଣା ସ୍ଥଳରୁ ଉଭୟ ଗାଡି ଚାଳକ ଚମ୍ପଟ ମାରିଥିବା ବେଳେ ବସରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡିଛି। ଖବର ମୁତାବକ ଆଜି ମଧ୍ୟାହ୍ନରେ ଆସ୍କାରୁ ଭୁବନେଶ୍ୱର ଅଭିମୁଖେ ନମସ୍କାର ନାମକ ଏକ ଯାତ୍ରୀବାହୀ ବସ ଯାଉଥିବା ବେଳେ ସୁବୁଦ୍ଧିପାଟଣା ଛକ ନିକଟରେ ଏକ ମାଛ ବୋଝେଇ କଣ୍ଟେନର (ଗାଡି ନଂ ଏପି ୩୭ ଟିଡି ୬୧୭୯) ପଛ ପାର୍ଶ୍ୱକୁ ଧକ୍କା ଦେଇଥିଲା। ଯାହାଫଳରେ ଯାତ୍ରୀବାହୀ ବସଟି ଭାରସାମ୍ୟ ହରାଇ ରାସ୍ତା ପାର୍ଶ୍ୱକୁ ଖସି ପଡିଥିଲା। ମାତ୍ର ରାସ୍ତା ପାର୍ଶ୍ଵରେ ଥିବା ଗଛ ଯୋଗୁଁ ଲଟକି ରହିଥିଲା। ଖବର ପାଇ ଦୁର୍ଘଟଣା ସ୍ଥଳରେ ନାଭାଲ ଫାଣ୍ଡି ଅଧିକାରୀ ରବୀନ୍ଦ୍ରନାଥ ଗୌଡା ଓ ଟିମ, ଅଗ୍ନିଶମ ବାହିନୀ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ବସରେ ଥିବା…

ଚେନ୍ନାଇ: ଉତ୍ତରର ରାଜ୍ୟ ହେଉ କି ଦକ୍ଷିଣର ଅନ୍ୟ ରାଜ୍ୟ, ତାମିଲନାଡୁର ରାଜନୀତି ଅନ୍ୟ ରାଜ୍ୟମାନଙ୍କଠାରୁ ସାମାନ୍ୟ ଭିନ୍ନ। ତାମିଲନାଡ଼ୁରେ ତାରକାମାନେ ଚଳଚ୍ଚିତ୍ର ରାଜନୀତିରେ ପ୍ରବେଶ କରିବାର ଦୀର୍ଘ ଇତିହାସ ରହିଛି। ଏବେ ତାମିଲ ଅଭିନେତା ବିଜୟ ରାଜନୀତିରେ ପ୍ରବେଶ ଘୋଷଣା କରି ନିଜର ଦଳ ଗଠନ କରିଛନ୍ତି। ସୁପରଷ୍ଟାର ଭାବମୂର୍ତ୍ତି ରଖିଥିବା ବିଜୟ ନୂଆ ଇନିଂସରେ ଜିତିବେ କି ନାହିଁ ତାହା ପ୍ରଶ୍ନବାଚୀ ସୃଷ୍ଟି କରିଛି। ସେମା ହିରୋଭାବେ ଉଭା ହେବେ ନା ସେ ବର୍ତ୍ତମାନର ଦଳଗୁଡ଼ିକ ପାଇଁ ବାଧକ ସାଜିବେ ତାହା ସମୟ ହିଁ କହିବ। ୨୦୨୪ ସାଧାରଣ ନିର୍ବାଚନ ପୂର୍ବରୁ ବିଜୟ ଦଳ ଘୋଷଣା କରି ରାଜ୍ୟ ରାଜନୀତିକୁ ସରଗରମ କରିଛନ୍ତି, ଯଦିଓ ସେ ସ୍ପଷ୍ଟ କରିଛନ୍ତି ଯେ ତାଙ୍କ ଦଳ ଲୋକସଭା ନିର୍ବାଚନ ନୁହେଁ ବରଂ ୨୦୨୬ରେ ବିଧାନସଭା ନିର୍ବାଚନ ଲଢ଼ିବ। ତାମିଲନାଡୁ ରାଜନୀତିରେ ତାରକାଙ୍କ ପ୍ରବେଶ ନୂଆ କଥା ନୁହେଁ। ଏମଜିଆର, କେ କରୁଣାନିଧି…

ନୂଆଦିଲ୍ଲୀ: ଦେଶରେ ଲୋକସଭା ନିର୍ବାଚନ ପାଇଁ ଆଉ ଅଧିକ ସମୟ ବାକି ନାହିଁ। କେନ୍ଦ୍ର ସରକାରଙ୍କ ପକ୍ଷରୁ ଅନ୍ତରୀଣ ବଜେଟ ଆସିଛି। ଅଯୋଧ୍ୟାର ରାମ ମନ୍ଦିରରେ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ମଧ୍ୟ ଶେଷ ହୋଇଛି। ଏବେ ଲୋକସଭା ନିର୍ବାଚନ ତାରିଖ ଘୋଷଣାକୁ ଅପେକ୍ଷା କରାଯାଇଛି। ଅପରପକ୍ଷରେ କ୍ଷମତାର ହ୍ୟାଟ୍ରିକ୍ ପାଇଁ ପ୍ରସ୍ତୁତ ହେଉଥିବା ବିଜେପି ନେତୃତ୍ୱାଧୀନ ଏନ୍ ଡିଏ ମେଣ୍ଟ ବିରୋଧରେ ଲଢ଼େଇ କେତେ? ବିରୋଧୀ ଦଳଠାରୁ ମୋଦି କେତେ ଶକ୍ତିଶାଳୀ ହେବେ? ନିର୍ବାଚନ ପୂର୍ବରୁ ଇଣ୍ଡି ମେଣ୍ଟରେ ଦେଖାଦେଇଥିବା ଅସ୍ଥିରତା ପରେ ଏହି ପ୍ରଶ୍ନ ଉଠିଛି। କେନ୍ଦ୍ରର ଅନ୍ତରୀଣ ବଜେଟକୁ ନେଇ ବିରୋଧୀ ଦଳମାନେ ପ୍ରଥମ ଥର ପାଇଁ ଏକ ସ୍ୱରରେ ଥିଲେ ମଧ୍ୟ ବିରୋଧୀ ସମ୍ପୂର୍ଣ୍ଣ ବିଚ୍ଛିନ୍ନ ହୋଇପଡ଼ିଥିବା ଦେଖିବାକୁ ମିଳୁଛି। କେଉଁଠି ରହିଛି ଆସନ ବୁଝାମଣା? ୨୮ ଦଳ ବିଶିଷ୍ଟ ଇଣ୍ଡି ମେଣ୍ଟରେ ନିର୍ବାଚନ ପୂର୍ବରୁ ସହଯୋଗୀ ବିଭାଜନ ପ୍ରକ୍ରିୟା ଆରମ୍ଭ ହୋଇଛି। ଗତବର୍ଷ ଡିସେମ୍ବର ମାସରୁ…

ନୂଆଦିଲ୍ଲୀ: ଆପଣ ଜାଣନ୍ତି କି ରାଜ୍ୟର ଖାଉଟି ଫୋରମର ମୁଖ୍ୟ ପଦ କାହିଁକି ଖାଲି ପଡ଼ିଛି। ଏହି ପଦବୀରେ ନିଯୁକ୍ତି ନ ହେବା ପଛର ମୁଖ୍ୟ କାରଣ କ’ଣ? ସରକାର ଏହି ପଦବୀପୂରଣ କରିବାରେ ସକ୍ଷମ ନୁହଁନ୍ତି କି? ପ୍ରଧାନ ବିଚାରପତି ଜଷ୍ଟିସ ଡିୱାଇ ଚନ୍ଦ୍ରଚୂଡ଼ ଏହି ପଦବୀଗୁଡ଼ିକରେ ନିଯୁକ୍ତି ପ୍ରକ୍ରିୟା ଉପରେ ମନ୍ତବ୍ୟ ଦେଇଛନ୍ତି। ଏହି ଫୋରମର ମୁଖ୍ୟ ଚୟନ ପାଇଁ ହେବାକୁ ଥିବା ଲିଖିତ ପରୀକ୍ଷାକୁ ନେଇ ପ୍ରଧାନ ବିଚାରପତି ସ୍ପଷ୍ଟଭାବେ ପ୍ରଶ୍ନ ଉଠାଇଛନ୍ତି। ଏହା ସହିତ ସେ ସରକାରଙ୍କୁ ପରାମର୍ଶ ମଧ୍ୟ ଦେଇଛନ୍ତି। ଲିଖିତ ପରୀକ୍ଷା କାହିଁକି? ମୁଖ୍ୟ ବିଚାରପତି ବିଶ୍ୱାସ କରନ୍ତି ଯେ ରାଜ୍ୟ ଖାଉଟି ବିବାଦ ସମାଧାନ ଆୟୋଗର ଅଧ୍ୟକ୍ଷ ଭାବରେ ଚୟନ ପାଇଁ ଲିଖିତ ପରୀକ୍ଷା, ପରେ ସାକ୍ଷାତ୍‍କାର ଏବଂ ଉଭୟ ପରୀକ୍ଷା ଏବଂ ମୌଖିକ ପରୀକ୍ଷାରେ ସର୍ବନିମ୍ନ ୫୦% ମାର୍କ ହାସଲ କରିବା ସାମ୍ବିଧାନିକ ଅଦାଲତର ବିଚାରପତିଙ୍କ ମର୍ଯ୍ୟାଦା ହ୍ରାସ କରିବା…

ମୁମ୍ବାଇ: ପ୍ରକାଶ ଆମ୍ବେଦକର ମହାବିକାଶ ଆଘାଡି ମେଣ୍ଟରେ ପ୍ରବେଶ କରିବାମାତ୍ରେ ସେ ଇଣ୍ଡି ମେଣ୍ଟ ଉପରେ ପ୍ରଶ୍ନ ଉଠାଇଛନ୍ତି। ସେ ସ୍ପଷ୍ଟ ଭାବରେ କହିଛନ୍ତି ଯେ ଇଣ୍ଡି ମେଣ୍ଟରେ ଆଉକିଛି ବାକି ନାହିଁ, କିନ୍ତୁ ମହାବିକାଶ ଆଘାଡିକୁ ବଞ୍ଚାଇବା ପାଇଁ ଆମେ ଯଥାସମ୍ଭବ ଚେଷ୍ଟା କରିବୁ। ସେ କହିଛନ୍ତି ଯେ ସେ କଂଗ୍ରେସ ସହ ନୁହେଁ ବରଂ ଠାକରେ ଏବଂ ଶରଦ ପାୱାରଙ୍କ ସହ କଥାବାର୍ତ୍ତା କରୁଛନ୍ତି। ଉଦ୍ଧବ ସେନା ମୁଖପାତ୍ର ସଞ୍ଜୟ ରାଉତ ତୁରନ୍ତ ଆମ୍ବେଦକରଙ୍କ ବୟାନକୁ ସ୍ପଷ୍ଟ କରିବାକୁ ଆଗେଇ ଆସିଥିଲେ। ସେ ଆମ୍ବେଦକରଙ୍କ ବୟାନକୁ ସମର୍ଥନ କରି କହିଛନ୍ତି ଯେ ଜାତୀୟ ସ୍ତରରେ ଗଠିତ ମେଣ୍ଟ ସୁଦୃଢ଼। ବୈଠକ ଶେଷ ହେବା ପରେ ଆମ୍ବେଦକର କହିଛନ୍ତି ଯେ ବିଜେପି ବିରୋଧରେ ଲଢ଼ିବା ପାଇଁ ଗଠିତ ଜାତୀୟ ସ୍ତରର ମେଣ୍ଟରେ ଆଉକିଛି ବାକି ନାହିଁ ଏବଂ ଏହା ଶେଷ ହୋଇଛି। ସମାଜବାଦୀ ପାର୍ଟିର ଅଖିଳେଶ ଯାଦବ ହିଁ ବାକି…

ନୂଆଦିଲ୍ଲୀ: ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡଭାନୀଙ୍କୁ କେନ୍ଦ୍ର ସରକାର ଭାରତ ରତ୍ନ ପ୍ରଦାନ କରିବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍ କରି ଏହି ସୂଚନା ଦେଇଛନ୍ତି। ଆଡଭାନୀ ବିଜେପିର ସବୁଠାରୁ ପୁରୁଣା ଓ ସବୁଠାରୁ ବଡ଼ ନେତା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍ କରି କହିଛନ୍ତି, ଲାଲକୃଷ୍ଣ ଆଡଭାନୀଙ୍କୁ ଭାରତ ରତ୍ନ ପ୍ରଦାନ କରାଯିବ। ସେ କହିଛନ୍ତି, ଲାଲକୃଷ୍ଣ ଆଡଭାନୀଙ୍କୁ ଭାରତ ରତ୍ନ ପ୍ରଦାନ କରାଯିବ ବୋଲି ସୂଚନା ଦେଇ ମୁଁ ବହୁତ ଖୁସି। ଏହି ସମ୍ମାନ ମିଳିଥିବାରୁ ମୁଁ ମଧ୍ୟ ତାଙ୍କ ସହ କଥା ହୋଇ ଅଭିନନ୍ଦନ ଜଣାଇଥିଲି। ପ୍ରଧାନମନ୍ତ୍ରୀ ମୋଦୀ ଫୋନ କରି ଅଭିନନ୍ଦନ ଜଣାଇଛନ୍ତି ଦେଶର ସର୍ବୋଚ୍ଚ ସମ୍ମାନରେ ସମ୍ମାନିତ ହୋଇଥିବାରୁ ପ୍ରଧାନମନ୍ତ୍ରୀ ମୋଦୀ ଆଡଭାନୀଙ୍କୁ ଫୋନରେ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟୁଇଟ୍ କରି କହିଛନ୍ତି, ଲାଲକୃଷ୍ଣ ଆଡଭାନୀଙ୍କୁ ଭାରତ ରତ୍ନ ପ୍ରଦାନ କରାଯିବ ବୋଲି କହି ମୁଁ ବହୁତ ଖୁସି। ମୁଁ…

ବାଣପୁର (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଚୋରି ଘଟଣା ସାମ୍ନାକୁ ଆସିଛି। ଘରେ କେହି ନଥିବା ବେଳେ ଲକ୍ଷାଧିକ ଟଙ୍କାର ସୁନା ଗହଣା ଚୋରି କରି ଦୁର୍ବୁତ୍ତମାନେ ଫେରାର ହୋଇଯାଇଛନ୍ତି। ସୂଚନା ମୁତାବକ ବାଣପୁର ଏନଏସି କୁମାରାଙ୍ଗ ଛକ ସ୍ଥିତ ମନୋଜ ନରେନ୍ଦ୍ରସିଂହ ନିକଟରେ ନାଚୁଣୀ ହରିପୁର ଗ୍ରାମରେ ଏକ ବ୍ରତୋପନୟନ କାର୍ଯ୍ୟରେ ଘରେ ତାଲା ପକାଇ ଯାଇଥିଲେ। ତେବେ ଘରେ ଫେରି ଦେଖିବାକୁ ପାଇଥିଲେକି ଘର ତାଲା ଭଙ୍ଗାଯାଇଛି। ଏବଂ ଦୁର୍ବୃତ୍ତମାନେ ପ୍ରାୟ ଦୁଇ ଲକ୍ଷ ଟଙ୍କାର ସୁନାଗହଣା ଏବଂ ନଗଦ ଟଙ୍କା ଲୁଟି ନେଇଛନ୍ତି। ଅଭିଯୋଗ ପାଇ ପୋଲିସ କେସ ନମ୍ବର ୬୪/୨୪ ରେ ମାମଲା ରୁଜୁ କରି ସାଇଣ୍ଟିଫିକ ଟିମ ସହାୟତାରେ ତଦନ୍ତ ଜାରି ରଖିଥିବାର ଆଇଆଇସି ରମେଶ କୁମାର ଦେବତ୍ତା କହିଛନ୍ତି।

ନୂଆଦିଲ୍ଲୀ: ଶ୍ରୀ କଲ୍‌କି ଧାମର ଶିଳାନ୍ୟାସ ପାଇଁ ଆଚାର୍ଯ୍ୟ ପ୍ରମୋଦ କ୍ରିଷ୍ଣନ୍‌ଙ୍କ ନିମନ୍ତ୍ରଣ ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କୁ ଧନ୍ୟବାଦ ଦେଇଛନ୍ତି। ଫେବ୍ରୁଆରୀ ୧୯ରେ ଏହି କାର୍ଯ୍ୟକ୍ରମ ହେବ। ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି: https://twitter.com/narendramodi/status/1753069736085377216?ref_src=twsrc%5Etfw%7Ctwcamp%5Etweetembed%7Ctwterm%5E1753069736085377216%7Ctwgr%5Ef5b83be5a2ecc2d3b8cf1e8de73b53d18bf3f32f%7Ctwcon%5Es1_&ref_url=https%3A%2F%2Fpib.gov.in%2FPressReleasePage.aspx%3FPRID%3D2001727 ‘ଆସ୍ଥା ଏବଂ ଭକ୍ତି ସହ ଜଡ଼ିତ ଏହି ପବିତ୍ର ଅବସରରେ ଭାଗ ନେବା ମୋ ପାଇଁ ସୌଭାଗ୍ୟର କଥା । ନିମନ୍ତ୍ରଣ ପାଇଁ ଆଚାର୍ଯ୍ୟ ପ୍ରମୋଦ ଜୀଙ୍କୁ ହୃଦୟରୁ ଧନ୍ୟବାଦ।’

ନୂଆଦିଲ୍ଲୀ: ଦେଶରେ ଦେଖାଦେଇଥିବା ଖାଦ୍ୟ ମହଙ୍ଗାକୁ ନିୟନ୍ତ୍ରଣ କରିବାକୁ କେନ୍ଦ୍ର ସରକାର କେତେକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିଛନ୍ତି । ଚାଉଳ ଓ ଅଟା ଭଳି ଅତ୍ୟାବଶ୍ୟକ ସାମଗ୍ରୀର ମୂଲ୍ୟକୁ ନିୟନ୍ତ୍ରଣରେ ରଖିବା ଏବଂ କଳାବଜାରୀ ଆଦିକୁ ରୋକିବାକୁ ଏଭଳି ପଦକ୍ଷେପ ଗ୍ରହଣ କରାଯାଇଛି । କେନ୍ଦ୍ର ସରକାରଙ୍କ ନିଷ୍ପତ୍ତି ଅନୁସାରେ ଧାନ ଓ ଚାଉଳ ବ୍ୟବସାୟୀ ଏହାର ପାଇକାରୀ ଓ ଖୁଚୁରା ବିକ୍ରେତା, ବିଗ୍‌ଚେନ ରିଟେଲର, ମିଲର୍ସ ଓ ପ୍ରସେସରମାନଙ୍କୁ ସେମାନଙ୍କ ପାଖରେ ଥିବା ସାମଗ୍ରୀର ଷ୍ଟକ (ମହଜୁଦ) ପରିମାଣ ବାଧ୍ୟତାମୂଳକ ଭାବେ ପ୍ରଦର୍ଶନ କରିବାକୁ ପଡିବ । ଏହାର ଅର୍ଥ ସେମାନଙ୍କ ପାଖରେ ଯେତେ ଚାଉଳ ଓ ଧାନ ଥିବ ତାହା ସେମାନେ ଦର୍ଶାଇବେ ଏବଂ ତା’ଠାରୁ ଅଧିକ ରଖିଲେ ତାହା ଦଣ୍ଡନୀୟ ଅପରାଧ ଭାବେ ଗଣ୍ୟ ହେବ । ଦେଶର ସବୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ପାଇଁ ଏହି ନିୟମ ଅନ୍ୟାଦେଶ ପର୍ଯ୍ୟନ୍ତ ବଳବତ୍ତର ରହିବ…

ଭୁବନେଶ୍ଵର: କୋଇଲା ପରିବହନ ଖର୍ଚ୍ଚ ହ୍ରାସ କରିବା ପାଇଁ ପିଟ୍-ହେଡ୍‌ରେ ତାପଜ ବିଦ୍ୟୁତ୍ ପ୍ଲାଣ୍ଟ ସ୍ଥାପନକୁ ପ୍ରୋତ୍ସାହିତ କରିବା ପାଇଁ ପ୍ରଧାନମନ୍ତ୍ରୀଙ୍କ ସ୍ୱପ୍ନକୁ ଆଗକୁ ବଢ଼ାଇବା ପାଇଁ କୋଇଲା ମନ୍ତ୍ରଣାଳୟ କୋଇଲା କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ ଦ୍ୱାରା ତାପଜ ଶକ୍ତି କେନ୍ଦ୍ର ସ୍ଥାପନ କରିବାକୁ ଯୋଜନା କରିଛି। କେନ୍ଦ୍ର ସରକାର ସରକାର ଏନଏଲସିଆଇଏଲ୍ ମାଧ୍ୟମରେ ତଲାବିରାଠାରେ ୩ x ୮୦୦ ମେଗାୱାଟ ଅଲଟ୍ରା ସୁପର କ୍ରିଟିକାଲ ଥର୍ମାଲ ପାୱାର ପ୍ଲାଣ୍ଟ ସ୍ଥାପନ କରିବାକୁ ଅନୁମୋଦନ କରିଛନ୍ତି। ଏନଏଲସିଆଇଏଲକୁ ୨୩ ନିୟୁତ ଟନ୍‌ (ଏମଟି) ପିକ୍ ରେଟେଡ୍ କ୍ଷମତା ବିଶିଷ୍ଟ ମୋଟ ୫୫୩ ନିୟୁତ ଟନ୍ ଖଣିଜ ଭଣ୍ଡାର ଥିବା ତଲାବିରା କୋଇଲା ଖଣି ଆବଣ୍ଟନ କରାଯାଇଛି। କାର୍ଯ୍ୟକ୍ଷମ ହେବା ପରେ ଏହି ପିଟ୍ ହେଡ୍ ପ୍ଲାଣ୍ଟ ୟୁନିଟ୍ ପିଛା ୩.୬୫ ଟଙ୍କା (୨.୪୦ ଟଙ୍କା ନିର୍ଦ୍ଧାରିତ ମୂଲ୍ୟ ଏବଂ ୧.୨୫ ଟଙ୍କା ପରିବର୍ତ୍ତନଶୀଳ ମୂଲ୍ୟ) (ପ୍ରାୟ) ମୂଲ୍ୟରେ ବିଦ୍ୟୁତ୍ ଉତ୍ପାଦନ କରିବ…

ଭୁବନେଶ୍ବର: ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦୀଙ୍କର ଆଜି ଭାରତୀୟ ପ୍ରବନ୍ଧ ସଂସ୍ଥାନ (ଆଇଆଇଏମ୍), ସମ୍ବଲପୁର ଗସ୍ତ ପରିପ୍ରେକ୍ଷୀରେ ଏକ ରାଜ୍ୟସ୍ତରୀୟ ବୈଠକ ଲୋକସେବା ଭବନଠାରେ ମୁଖ୍ୟ ଶାସନ ସଚିବ ଶ୍ରୀ ପ୍ରଦୀପ କୁମାର ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ପ୍ରଧାନମନ୍ତ୍ରୀଙ୍କ ଗସ୍ତ କାର୍ଯ୍ୟକ୍ରମକୁ ଉପଯୁକ୍ତ ସୁରକ୍ଷା ବ୍ୟବସ୍ଥା ସହ ଆନୁଷଙ୍ଗିକ ପ୍ରସ୍ତୁତି ସଂପର୍କରେ ସେ ସଂପୃକ୍ତ କର୍ତ୍ତୃପକ୍ଷ, ଜିଲ୍ଲାପାଳ ଏବଂ ଅଧିକାରୀମାନଙ୍କୁ ଆବଶ୍ୟକ ନିର୍ଦ୍ଦେଶ ଓ ପରାମର୍ଶ ଦେଇଛନ୍ତି। ପ୍ରାପ୍ତ ସୂଚନା ଅନୁସାରେ ପ୍ରଧାନମନ୍ତ୍ରୀ ଆଜି ପୂର୍ବାହ୍ନରେ ନୂଆଦିଲ୍ଲୀ ବିମାନ ବନ୍ଦରରୁ ସ୍ୱତନ୍ତ୍ର ବାୟୁସେନା ବିମାନ ଯୋଗେ ଓଡ଼ିଶା ଅଭିମୁଖେ ଯାତ୍ରା କରି ଅପରାହ୍ନରେ ଝାରସୁଗୁଡ଼ା ବିମାନ ବନ୍ଦରରେ ଓହ୍ଲାଇ ସେଠାରୁ ସ୍ୱତନ୍ତ୍ର ହେଲିକପ୍ଟର ଯୋଗେ ସମ୍ବଲପୁରସ୍ଥିତ ଅସ୍ଥାୟୀ ହେଲିପ୍ୟାଡରେ ପହଞ୍ଚି ଆଇଆଇଏମ୍ କ୍ୟାମ୍ପସରେ ପହଞ୍ଚିବେ। ସେଠାରେ ଆଇଆଇଏମ୍ , ସମ୍ବଲପୁର କ୍ୟାମ୍ପସର ଲୋକାର୍ପଣ ଓ ଅନ୍ୟ ବିଭିନ୍ନ ପ୍ରକଳ୍ପର ଉଦ୍ଘାଟନ ଓ ଶିଳାନ୍ୟାସ କାଯ୍ୟକ୍ରମ ପରେପରେ ସେ ସ୍ଥାନୀୟ ‘ରେମେଡ୍’ପଡିଆ…

କଟକ: ଶିକ୍ଷକ ଓ ଶିକ୍ଷାକର୍ମଚାରୀମାନଙ୍କର ଭିନ୍ନ ଭିନ୍ନ ସମସ୍ୟା ନେଇ ହଜାର ହଜାର ଶିକ୍ଷକ, ଅଭିଭାବକ, ପୁରାତନ ଛାତ୍ର ଓ ପରିଚାଳନା କମିଟି ସଦସ୍ୟ ମାନଙ୍କ ସହ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ (ଓଷ୍ଟା) ଆଜି ଜିଲ୍ଲା ସ୍ତରରେ ଏବଂ ୭ ତାରିଖରେ ରାଜଧାନୀର ରାଜରାସ୍ତାକୁ ଓହ୍ଲାଇବ ବୋଲି ଓଡ଼ିଶାର ସମସ୍ତ ଜିଲ୍ଲାକୁ ନେଇ ଅନୁଷ୍ଠିତ ଆଭାଷୀ ବୈଠକ ମାଧ୍ୟମରେ ସାଧାରଣ ସଂପାଦକ ରଞ୍ଜନ କୁମାର ଦାଶ ସୂଚନା ପ୍ରଦାନ କରିଛନ୍ତି। ଏହି ଆଲୋଚନାରେ ସମସ୍ତ ଜିଲ୍ଲାର ଜିଲ୍ଲା ସଂପାଦକ, ରାଜ୍ୟ କାର୍ଯ୍ୟକାରୀ କମିଟିର ସଦସ୍ୟ, ବ୍ଲକ୍ ସଂପାଦକ, ବ୍ଲକ୍ ସଭାପତି ଓ ରାଜ୍ୟ ପଦାଧିକାରୀ ନିଜ ନିଜର ମତାମତ ପ୍ରଦାନ କରି ନିଜ ନିଜ ଜିଲ୍ଲାରେ ଏହାକୁ ସଫଳ କରିବେ ବୋଲି ଦୃଢ଼ମତ ଉପସ୍ଥାପନ କରିଥିଲେ। ଅବସର ନେଉଥିବା ଶିକ୍ଷକମାନଙ୍କୁ ପେନସନ୍ ପ୍ରଦାନ, ଅବସରକାଳୀନ ସୁବିଧା, ଚାକିରୀ ସର୍ତ୍ତାବଳୀ, ସପ୍ତମ ବେତନ ଓ ନୂତନ ବିଦ୍ୟାଳୟକୁ ଅନୁଦାନ ପ୍ରଦାନ…

ନୂଆଦିଲ୍ଲୀ: ବଜେଟ ଅଧିବେଶନର ତୃତୀୟ ଦିନ ଫେବ୍ରୁଆରି ୨ରେ ରାଜ୍ୟସଭାରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ଏକ ବୟାନରେ ହସଖୁସି ଦେଖିବାକୁ ମିଳିଥିଲା। କର୍ଣ୍ଣାଟକ କଂଗ୍ରେସ ସାଂସଦ ଡିକେ ସୁରେଶ ଦକ୍ଷିଣରେ ଅଲଗା ଅଲଗା ରାଜ୍ୟକୁ ମିଶାଇ ଏକ ଅଲଗା ଦେଶ ଗଠନ କରିବା ନେଇ ଦେଇଥିବା ବୟାନକୁ ନେଇ ଖଡଗେ ଖାରଜ କରିଛନ୍ତି। ଖଡଗେ କହିଛନ୍ତି ଯଦି କେହି ଦେଶକୁ ଭାଙ୍ଗିବା କଥା କହୁଛନ୍ତି ତେବେ ଆମେ ଏହାକୁ କେବେବି ବରଦାସ୍ତ କରିବୁ ନାହିଁ। ସେ କୌଣସି ଦଳର ହୁଅନ୍ତୁ ନା କାହିଁକି। ମୁଁ ନିଜେ କହିବି ଯେ କନ୍ୟାକୁମାରୀଠାରୁ ଆରମ୍ଭ କରି କାଶ୍ମୀର ପର୍ଯ୍ୟନ୍ତ ଆମେ ଏକ ଏବଂ ଗୋଟିଏ ରହିବୁ। ଏହାବ୍ୟତୀତ ସେ ଲୋକସଭା ନିର୍ବାଚନର ସମ୍ଭାବନାକୁ ନେଇ କଟାକ୍ଷ କରିଛନ୍ତି। ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଖଡଗେ କହିଛନ୍ତି, ସଂଖ୍ୟାଗରିଷ୍ଠତା ଆପଣଙ୍କର। ପୂର୍ବରୁ ୩୩୦ ସାଂସଦ ଥିବାବେଳେ ଏବେ ୪୦୦ ଅତିକ୍ରମ କରିବାର ସ୍ଲୋଗାନ ଦିଆଯାଉଛି। ଏହାପରେ ରାଜ୍ୟସଭାରେ…

ନୂଆଦିଲ୍ଲୀ: ପଶ୍ଚିମ ବଙ୍ଗରେ ଟିଏମସି ଇଣ୍ଡି ମେଣ୍ଟରୁ ଓହରିବାର କିଛିଦିନ ପରେ ତୃଣମୂଳ କଂଗ୍ରେସ ସୁପ୍ରିମୋ ମମତା ବାନାର୍ଜୀ କଂଗ୍ରେସକୁ ତୀବ୍ର ସମାଲୋଚନା କରିଛନ୍ତି। ଆଗାମୀ ସାଧାରଣ ନିର୍ବାଚନରେ କଂଗ୍ରେସ ୪୦ଟି ଆସନ ହାସଲ କରିବାରେ ସକ୍ଷମ ହେବ କି ନାହିଁ ସେ ନେଇ ତାଙ୍କର ସନ୍ଦେହ ରହିଛି ବୋଲି ମମତା ବାନାର୍ଜୀ କହିଛନ୍ତି। ପଶ୍ଚିମବଙ୍ଗର ମୁର୍ଶିଦାବାଦରେ ଏକ ଜନସମାବେଶକୁ ସମ୍ବୋଧିତ କରି ମମତା ବାନାର୍ଜୀ କହିଛନ୍ତି, ମୁଁ ଜାଣେ ନାହିଁ କଂଗ୍ରେସ ୩୦୦ରୁ ୪୦ଟି ଆସନ ଜିତିବେ କି ନାହିଁ । ଏଭଳି ଅହଂକାର କାହିଁକି ? ତୁମେ ବଙ୍ଗଳା ଆସିଛ, ଆମେ ଇଣ୍ଡି ମେଣ୍ଟର ଅଂଶ । ଅତି କମରେ ଆଖଖମକୁ ସୂଚନା ଦେବା କଥା । ରାହୁଲଙ୍କ ବଙ୍ଗଳା ଗସ୍ତ ସମ୍ପର୍କରେ ପ୍ରଶାସନ ପକ୍ଷରୁ ମୁଁ ଜାଣିବାକୁ ପାଇଥିଲି । କଂଗ୍ରେସର ସାହସ ଥିଲେ ବାରଣାସୀରେ ବିଜେପିକୁ ପରାସ୍ତ କରନ୍ତୁ । କଂଗ୍ରେସ ପୂର୍ବରୁ ଜିତିଥିବା ସ୍ଥାନରେ…

ପାଟନା: ବିହାରରେ ଏନଡିଏ ସରକାର ଗଠନ ପରେ ପୂର୍ବତନ ଜେଡିୟୁ ରାଷ୍ଟ୍ରୀୟ ସଭାପତି ଲଲନ ସିଂ ନୂଆଦିଲ୍ଲୀରେ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିଛନ୍ତି। ଏହି ବୈଠକ ବିଷୟରେ ଲଲନ ସିଂ ମଧ୍ୟ ଏକ ଫଟୋ ପୋଷ୍ଟ କରିଛନ୍ତି। ପ୍ରକାଶ ଥାଉ ଯେ, ଲଲନ୍ ସିଂ ଗ୍ରାଣ୍ଡ ଆଲାଇନ୍ସ ସରକାର ସମୟରେ ପିଏମ ମୋଦୀଙ୍କ ଉପରେ କ୍ରମାଗତ ଆକ୍ରମଣ କରିଆସୁଥିଲେ। ସେ ଏ ସମ୍ପର୍କରେ ଅନେକ ଗମ୍ଭୀର ଅଭିଯୋଗ ମଧ୍ୟ କରିଥିଲେ। ଏହା ବ୍ୟତୀତ ସଂସଦରେ ବିଜେପି ନେତାଙ୍କ ସହ ମଧ୍ୟ ତୀବ୍ର ବିବାଦ ଲାଗି ରହିଥିଲା। ଏହି ବୈଠକ ସମ୍ପର୍କରେ ଲଲାନ ସିଂ X ରେ ଲେଖିଛନ୍ତି ଯେ, ଦିଲ୍ଲୀର ସଂସଦ ଭବନରେ ତାଙ୍କ କାର୍ଯ୍ୟାଳୟରେ ଦେଶର ପ୍ରସିଦ୍ଧ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୀଙ୍କୁ ସୁଜନମୂଳକ ସାକ୍ଷାତ କରିଥିଲି। ଏହି ସାକ୍ଷାତକୁ ନେଇ ଅନେକ ଆଲୋଚନା ଆରମ୍ଭ ହୋଇଛି। ଗୋଟିଏ ପଟେ ବିହାରରେ କ୍ୟାବିନେଟ ସମ୍ପ୍ରସାରଣ ଉପରେ ଆଲୋଚନା ହେଉଛି ଏବଂ ଅନ୍ୟ…

ନୂଆଦିଲ୍ଲୀ: ୪ ବର୍ଷ ପରେ ନାଗରିକତା ସଂଶୋଧନ ଆଇନ (ସିଏଏ) କାର୍ଯ୍ୟକାରୀ କରିବା ପାଇଁ ପ୍ରସ୍ତୁତି ଶେଷ ହୋଇଛି। କେନ୍ଦ୍ର ଗୃହ ମନ୍ତ୍ରାଳୟ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ସିଏଏକୁ କାର୍ଯ୍ୟକାରୀ କରିବା ପାଇଁ ଏହି ନିୟମ ପ୍ରସ୍ତୁତ କରାଯାଇଛି। ଏହାର ବିଜ୍ଞପ୍ତି ଯେ କୌଣସି ସମୟରେ ଜାରି ହୋଇପାରେ। ଏହି ଆଇନ ଏକାଥରକେ ସମଗ୍ର ଦେଶରେ ଲାଗୁ ହେବ। ନାଗରିକତା ପାଇଁ ଅନଲାଇନରେ ଆବେଦନ କରିପାରିବେ। ଏହାଦ୍ୱାରା ପାଖାପାଖି ୯୦ ହଜାର ପରିବାର ପାଇଁ ନାଗରିକତାର ଦ୍ୱାର ଖୋଲିବ। ସିଏଏରେ ପାକିସ୍ତାନ, ଆଫଗାନିସ୍ତାନ ଓ ବାଂଲାଦେଶରୁ ନିର୍ଯାତିତ ଧାର୍ମିକ ସଂଖ୍ୟାଲଘୁ ହିନ୍ଦୁ, ଶିଖ, ଜୈନ, ବୌଦ୍ଧ, ପାର୍ସୀ ଓ ଖ୍ରୀଷ୍ଟିଆନଙ୍କୁ ନାଗରିକତା ପ୍ରଦାନ କରାଯିବ। ୨୦୧୪ ଡିସେମ୍ବର ୩୧ ପୂର୍ବରୁ ଭାରତ ଗସ୍ତରେ ଆସିଥିବା ଲୋକଙ୍କ ପାଇଁ ଏହି ବ୍ୟବସ୍ଥା ଲାଗୁ ହେବ। ତେବେ ନିୟମ ପ୍ରଣୟନରେ ବିଳମ୍ବ ହେଉଥିବାରୁ ଏହି ସମୟସୀମାରେ ପରିବର୍ତ୍ତନ କରାଯାଇପାରେ ବୋଲି ସୂତ୍ରରୁ ଜଣାପଡ଼ିଛି।…

ମେଷ ରାଶି- ରାଜନୈତିକ ବ୍ୟକ୍ତିମାନେ ସଫଳତାର ଯୋଗ ରହିଛି। ସହଭାଗିତାରେ ନୂତନ ପ୍ରସ୍ତାବ ଗ୍ରହଣ କରାଯିବ । ରୋଜଗାର ବୃଦ୍ଧି ପାଇବ। ଉପହାର ଗ୍ରହଣ କରିବେ । ବ୍ୟବସାୟ ଯାତ୍ରା ସଫଳ ହେବ। ଶତ୍ରୁମାନେ ସକ୍ରିୟ ରହିବେ । ଅହଂକାର ଦୂର କରନ୍ତୁ । ମନୋବଳ ବୃଦ୍ଧି ଚାପକୁ ହ୍ରାସ କରିବ । ବୃଷ ରାଶି-  ଅପଚୟ ଖର୍ଚ୍ଚ ହେବ। ଦୁଷ୍ଟ ଲୋକମାନେ କ୍ଷତି ଘଟାଇ ପାରନ୍ତି। ବିବାଦକୁ ପ୍ରୋତ୍ସାହିତ କରନ୍ତୁ ନାହିଁ । ଚିନ୍ତା ଏବଂ ଟେନସନ ରହିବ । ବ୍ୟବସାୟ ଯୋଜନା କାର୍ଯ୍ୟକାରୀ ହେବ ନାହିଁ । ପରିବାର ଚିନ୍ତିତ ହେବେ । ଆୟଠାରୁ ବ୍ୟୟ ଅଧିକ ହେବ। ଅପରିଚିତ ବ୍ୟକ୍ତିଙ୍କ ଉପରେ ବିଶ୍ୱାସ କରିବା ଦ୍ୱାରା କ୍ଷତି ହୋଇପାରେ । ମିଥୁନ ରାଶି- ବକେୟା ପୁନରୁଦ୍ଧାର ପାଇଁ ପ୍ରୟାସ ସଫଳ ହେବ । ଯାତ୍ରା ସଫଳ ହେବ। ରୋଜଗାର ବୃଦ୍ଧି ପାଇବ । ବିପଦ କାମ କରନ୍ତୁ ନାହିଁ । ନିଶାକୁ…

ଖୋର୍ଦ୍ଧା: ଆଜି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଦୁଇ ଜଣ ସିଡ଼ିଏମଓ ଙ୍କ ପଦୋନ୍ନତି ନିର୍ଦ୍ଦେଶନାମା ଜାରି ହୋଇଛି। ତନ୍ମଧ୍ୟରୁ ଖୋର୍ଦ୍ଧା ସିଡ଼ିଏମଓ ଡା ଆର୍ତ୍ତବନ୍ଧୁ ନାୟକ ଅନ୍ୟତମ ଅଟନ୍ତି। ଡା ନାୟକଙ୍କ ଓଡ଼ିଶା ନର୍ସିଙ୍ଗ ବିଭାଗର ନିର୍ଦ୍ଦେଶକ ଭାବେ ପଦୋନ୍ନତି ହୋଇଛି। ଡ଼ିସେମ୍ବର ୨୦୨୧ ରେ ଡା ନାୟକ ଖୋର୍ଦ୍ଧା ସିଡ଼ିଏମଓ ଭାବେ ଯୋଗଦେବାପରେ ଜିଲ୍ଲାର ସ୍ୱାସ୍ଥ୍ୟ କ୍ଷେତ୍ରରେ ଦୃତଗତିରେ ସୁଧାର ଆସିଛି। ବିଶେଷତଃ ଜିଲ୍ଲାର ଏକାଧିକ ମେଡିକାଲରେ ଡାକ୍ତରଙ୍କ ଅଭାବ ସମସ୍ୟାକୁ ହୃଦୟଙ୍ଗମ କରିବା ସହ ସରକାରଙ୍କ ସହ ଯୋଗସୁତ୍ର ରକ୍ଷାକରି ଏହାକୁ ଦୂର କରିବାରେ ଡା ନାୟକ ସଫଳ ହୋଇପାରିଛନ୍ତି। ସାଧାରଣତଃ ଦେଖିବାକୁ ଗଲେ ସିଡ଼ିଏମଓ ଡା ନାୟକଙ୍କ ସମୟରେ ଜିଲ୍ଲା ସ୍ୱାସ୍ଥ୍ୟକ୍ଷେତ୍ରରେ ଏକାଧିକ ସଫଳତା ପାଇଛି। ରାଜ୍ୟ ଓ ଜାତୀୟ ସ୍ତରରେ ଖୋର୍ଦ୍ଧା ଜିଲ୍ଲା ପୁରସ୍କୃତ ମଧ୍ୟ ହୋଇଛି। ବିଭିନ୍ନ ସିଏଚସି ରେ ଅଚାନକ ପରିଦର୍ଶନ ହେଉ ଅବା ଜନ ଅଭିଯୋଗ ଶୁଣାଣି…

ଭୁବନେଶ୍ଵର: ବହୁମୁଖୀ ଯୋଗାଯୋଗ ସୁବିଧା ପ୍ରଦାନ ଏବଂ ଦକ୍ଷତା ବୃଦ୍ଧି କରି ଲଜିଷ୍ଟିକ୍ ଖର୍ଚ୍ଚ ହ୍ରାସ କରିବା ପାଇଁ ପିଏମ୍ ଗତିଶକ୍ତି ଜାତୀୟ ମାଷ୍ଟର ପ୍ଲାନର ନୀତି ଅନୁରୂପ, କୋଇଲା ମନ୍ତ୍ରଣାଳୟ କୋଇଲାର ଦକ୍ଷ ଉତ୍ତୋଳନକୁ ଅଧିକ ତ୍ୱରାନ୍ୱିତ କରିବା ପାଇଁ ବ୍ୟାପକ ଭିତ୍ତିଭୂମି ସମ୍ପ୍ରସାରଣ କରିଛି। କୋଇଲା ଉତ୍ପାଦନ କ୍ଷେତ୍ରରେ ରେଳ ନେଟୱର୍କକୁ ବଢ଼ାଇବା ଉଦ୍ଦେଶ୍ୟରେ ସିଆଇଏଲ, ଆଇଆର୍ସିଓଏନ୍ ଏବଂ ଓଡ଼ିଶା ସରକାରଙ୍କ ଯୌଥ ଉଦ୍ୟୋଗ ‘‘ମହାନଦୀ କୋଲ୍ ରେଲ୍ ଲିମିଟେଡ୍’’ ଗଠିତ ହୋଇଛି। ଅତିରିକ୍ତ ରେଳ ଲାଇନ୍ ବିଛାଇବା, ବର୍ତ୍ତମାନର ରେଳ ଲାଇନର ଦୋହରୀକରଣ, ରେଳ-ଓଭର-ରେଲ (ଆରଓଆର), ୱାଇ-କର୍ଭସ ଇତ୍ୟାଦି ପାଇଁ ସିଆଇଏଲ୍ ଗୁରୁତ୍ୱପୂର୍ଣ୍ଣ ରେଳ ଭିତ୍ତିଭୂମି ପ୍ରକଳ୍ପ ପାଇଁ ପାଣ୍ଠି ପ୍ରଦାନ କରିଛି। ବିଭିନ୍ନ ସହାୟକ ସଂସ୍ଥାରେ ସିଆଇଏଲ୍ ପ୍ରଥମ ମାଇଲ୍ ସଂଯୋଗ (ଏଫ୍ଏମ୍ସି) ପ୍ରକଳ୍ପ ନିର୍ମାଣ କରି ପିଟ୍-ହେଡ୍ରୁ ରେଳ ଲୋଡିଂ ପଏଣ୍ଟ୍ ପର୍ଯ୍ୟନ୍ତ ଯାନ୍ତ୍ରିକ କୋଇଲା ପରିବହନ ଭିତ୍ତିଭୂମି ସ୍ଥାପନ କରିବାକୁ ଯୋଜନା କରିଛି।…

ଖୋର୍ଦ୍ଧା: ସୂଚନା ଅଧିକାର ଆଇନରେ ତଥ୍ୟ ମାଗି ମାଡ ଖାଇଲେ ଯୁବକ ଆଉ ମାଡ ମାରିଲେ ଖୋଦ ସରପଂଚଙ୍କ ସ୍ବାମୀ। ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକର ଶଗଡଭଙ୍ଗା ପଚାଂୟତରୁ ଏହିଭଳି ସାଙ୍ଘାତିକ ଅଭିଯୋଗ ଆସିଛି। ସୂଚନା ଅନୁଯାୟୀ ଗତ ୧୬ ତାରିଖରେ ପଂଚାୟତରେ ଚାଲିଥିବା ଆମ ଓଡିଶା ନବୀନ ଓଡିଶା କାର୍ଯ୍ୟ ସମ୍ପର୍କରେ ସେହି ଗ୍ରାମର ସନ୍ତୋଷ କୁମାର ବେହେରା ତଥ୍ୟ ମାଗିଥିଲେ। ତେବେ ସୂଚନା ଅଧିକାର ଆଇନରେ କାହିଁକି ତଥ୍ୟ ମାଗିଛୁ କହି ଗତକାଲି ରାତିରେ ସନ୍ତୋଷଙ୍କୁ ସରପଞ୍ଚଙ୍କ ସ୍ୱାମୀ ଦୁର୍ଗା ଚରଣ ସ୍ୱାଇଁ ମାଡ଼ ମାରିଥିବା ଆଜି ସନ୍ତୋଷଙ୍କ ବାପା ଜଙ୍କିଆ ଥାନା ଅନ୍ତର୍ଗତ ସିକୋ ଫାଣ୍ଡିରେ ଅଭିଯୋଗ କରିଛନ୍ତି। ସରପଞ୍ଚଙ୍କ ସ୍ୱାମୀ ସନ୍ତୋଷଙ୍କ ସାର୍ଟ ଚିରି ଛାତିକୁ ଆକ୍ରମଣ କରିଥିବାରୁ ସେ ଅସୁସ୍ଥ ହୋଇ ପ୍ରଥମେ ବୋତଳମା ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର ଭର୍ତ୍ତି ହୋଇଥିଲେ, କିନ୍ତୁ ସେଠାରୁ ତାଙ୍କୁ ଚିକିତ୍ସା କରୁଥିବା ଡାକ୍ତର ଖୋର୍ଦ୍ଧା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ…

ଛତ୍ରପୁର: ଗଞ୍ଜାମ ଜିଲ୍ଲା ତାମ୍ପରାଠାରେ ବିଶ୍ଵ ଆଦ୍ରଭୂମି ଦିବସ ପାଳିତ ହୋଇଯାଇଛି। କେଏନସିଏଫ, ଜାପାନଙ୍କ ସହାୟତାରେ ଉକ୍ତ ଦିବସ ତାମ୍ପରା ରାମଶର ସାଇଟ ଠାରେ ପାଳନ କରାଯାଇଛି। ଏଥିରେ ସ୍ଥାନୀୟ ଅଞ୍ଚଳର ମହିଳା, ମତ୍ସ୍ୟଜୀବୀ, ଚାଷୀ ଓ ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ। ପ୍ରଥମେ ତାମ୍ପରା କୂଳ ପରିଦର୍ଶନ କରି ପ୍ଲାଷ୍ଟିକ ଆବର୍ଜନା ସଂଗ୍ରହ କରାଯାଇଥିଲା। ଏହି ଅବସରରେ ତାମ୍ପରା ହ୍ରଦର ଗୁରୁତ୍ଵ ଉପରେ ପଲ୍ଲୀଶ୍ରୀର ସମ୍ପାଦକ ଦୂର୍ଗା ପ୍ରସାଦ ଦାଶ ଆଲୋଚନା କରିଥିଲେ। ପରିଶେଷରେ ଛାତ୍ରଛାତ୍ରୀ ମାନଙ୍କ ମଧ୍ୟରେ ଚିତ୍ରାଙ୍କନ ଓ ମହିଳା ମା’ ମାନଙ୍କ ମଧ୍ୟରେ ଝୋଟି ପ୍ରତିଯୋଗୀତା କରାଯାଇଥିଲା। ଏଥିରେ ଅଂଶଗ୍ରହଣ କରିଥିବା ସମସ୍ତ ସଦସ୍ୟମାନେ ଜୈବ ବିବିଧତାକୁ ସୁରକ୍ଷା ଦେବା ଓ ଆଦ୍ରଭୂମିକୁ ପ୍ଲାଷ୍ଟିକ ଠାରୁ ଦୂରେଇ ରଖିବା ପାଇଁ ଏକ ଶପଥ ପାଠ କରାଯାଇଥିଲା। ଏହି କାର୍ଯ୍ୟକ୍ରମରେ ପଲ୍ଲୀଶ୍ରୀ ଅନୁଷ୍ଠାନ ପକ୍ଷରୁ ଜିତେନ୍ଦ୍ରିୟ ନାୟକ ଧନ୍ୟବାଦ ଅର୍ପଣ କରିଥିଲେ। ପଲ୍ଲୀଶ୍ରୀ ଅନୁଷ୍ଠାନର ପ୍ରଫୁଲ୍ଲ କୁମାର ସାହୁ,…