ଉଚ୍ଚ ଶିକ୍ଷା ବିଭାଗର କର୍ମଚାରୀଙ୍କ ପାଇଁ ସରକାର ନିୟମକୁ କଡ଼ାକଡ଼ି କରିଛନ୍ତି । କର୍ମଚାରୀଙ୍କୁ ସମୟାନୁବର୍ତ୍ତିତା କରିବାକୁ ସରକାର ବାୟୋମେଟ୍ରିକ୍କୁ ବାଧ୍ୟତାମୂଳକ କରିଛନ୍ତି । ଯଦି କୌଣସି କର୍ମଚାରୀ ବାୟୋମେଟ୍ରିକ୍ରେ ଆଙ୍ଗୁଳି ଚିହ୍ନ ବା ପଞ୍ଚ ଇନ୍ ଓ ପଞ୍ଚ ଆଉଟ୍ ନ କରନ୍ତି ତାହା ହେଲେ ତାଙ୍କର ସେଦିନ ଛୁଟି ବୋଲି ବିବେଚନା କରାଯିବ । ଏ ନେଇ ଆଜି ଉଚ୍ଚ ଶିକ୍ଷା ବିଭାଗ ପକ୍ଷରୁ ନୋଟିସ୍ ଜାରି କରାଯାଇଛି । ଉଚ୍ଚ ଶିକ୍ଷା ବିଭାଗର କର୍ମଚାରୀଙ୍କ ପାଇଁ ଦିନକୁ ସାଢ଼େ ୭ ଘଣ୍ଟା ଡ୍ୟୁଟି ସମୟ ବାଧ୍ୟତାମୂଳକ କରାଯାଇଛି । ୧୦ଟାରୁ ୬ଟା ପର୍ଯ୍ୟନ୍ତ ଅଫିସ ସମୟ ରଖାଯାଇଥିବାବେଳେ ଆସିବା ସମୟ ୩୦ ମିନିଟ କୋହଳ କରାଯାଇଛି । ସେହିପରି ସାଢ଼େ ୧୦ଟାରୁ ୧୧ଟା ମଧ୍ୟରେ ଆସିଲେ ବିଳମ୍ବ ଉପସ୍ଥାନ ହେବ । ଗୋଟିଏ ମାସର ୩ଟି ବିଳମ୍ବ ଉପସ୍ଥାନ ହେଲେ ତାହା ଗୋଟିଏ ଦିନ ଛୁଟିରେ ଗଣାଯିବ…
Author: Samikhsya Bureau
ସୋସିଆଲ ମିଡ଼ିଆର ଅପବ୍ୟବହାର ନେଇ ସୁପ୍ରିମ୍କୋର୍ଟ କ୍ଷୁବ୍ଧ ହୋଇଛନ୍ତି । ଅପବ୍ୟବହାର ରୋକିବା ପାଇଁ ଗାଇଡ୍ ଲାଇନ୍ କରିବାକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମ୍କୋର୍ଟ । ତିନି ସପ୍ତାହ ମଧ୍ୟରେ ସତ୍ୟପାଠ ଦାଖଲ ପାଇଁ କେନ୍ଦ୍ରକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମ୍କୋର୍ଟ । ଗାଇଡ୍ ଲାଇନ୍ ପାଇଁ ନିର୍ଦ୍ଦିଷ୍ଟ କେତେ ଦିନ ନେବେ ସେନେଇ ସତ୍ୟପାଠ ଦାଖଲ ପାଇଁ ସୁପ୍ରିମ୍କୋର୍ଟ ନିର୍ଦ୍ଦେଶ ଦେଇଥିବାବେଳେ ଅପବ୍ୟବହାରୀଙ୍କ ଉପରେ ଅଙ୍କୁଶ ସମ୍ପର୍କରେ କୋର୍ଟ ମତ ଦେଇ କହିଛନ୍ତି ଯେ, ଏବେ ଆମେ ଆଉ କହିପାରିବାନି ଯେ କିଏ ଅପବ୍ୟବହାରର ଜନକ । ଟେକ୍ନୋଲୋଜି ଯଦି ବାର୍ତ୍ତା ପହଞ୍ଚାଇ ପାରୁଛି, ବନ୍ଦ କାହିଁକି କରିପାରିବନି ବୋଲି କହିଛନ୍ତି କୋର୍ଟ ।
ବିବାଦୀୟ ଧର୍ମଗୁରୁ ଜାକିର ନାଏକଙ୍କୁ ପଳାତକ ଘୋଷଣା କରିବା ପାଇଁ ଇଡି ପକ୍ଷରୁ ଆବେଦନ କରାଯାଇଛି । ଅର୍ଥ ହେରଫେର ମାମଲାରେ ସମ୍ପୃକ୍ତ ଜାକିରକୁ ପଳାତକ ଘୋଷଣା କରିବା ପାଇଁ ସୋମବାର ଆବେଦନ କରାଯାଇଛି । ନୂତନ ଆତଙ୍କୀ ନିରୋଧୀ ନିୟମ ଅନୁଯାୟୀ ଜାକିରକୁ ପଳାତକ ଘୋଷଣା କରିବା ପାଇଁ ଆବେଦନରେ ଉଲ୍ଲେଖ କରାଯାଇଛି । ଏହା ସହିତ ଇଡି ପକ୍ଷରୁ ସମସ୍ତ ଆବଶ୍ୟକୀୟ ଦସ୍ତାବିଜ ପ୍ରଦାନ କରାଯାଇଥିବା ବେଳେ ଏହା ଉପରେ 30 ତାରିଖରେ ବିଚାର କରାଯିବ ବୋଲି ଜଣା ପଡିଛି । ନାଏକଙ୍କର 50 କୋଟିରୁ ଉର୍ଦ୍ଧ୍ବ ଟଙ୍କାର ସମ୍ପତ୍ତି ମୁମ୍ବାଇ ଏବଂ ପୁନେର ବିଭିନ୍ନ ସ୍ଥାନରେ ରହିଛି । 2016ରେ ଏନ୍ଆଇଏ ପକ୍ଷରୁ ଜାକିରଙ୍କ ବିପକ୍ଷରେ ମାମଲା ରୁଜୁ କରାଯିବା ପରଠାରୁ ସେ ମାଲେସିଆରେ ଅବସ୍ଥାନ କରୁଛନ୍ତି ।
ବିଜେପୁର ଉପନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇସାରିଛି । ଆସନ୍ତା ଅକ୍ଟୋବର ୨୧ ତାରିଖରେ ଏହି ଆସନ ପାଇଁ ନିର୍ବାଚନ ଅନୁଷ୍ଠିତ ହେବ । ଏନେଇ ସବୁ ଦଳ ସଜବାଜ ହେଲେଣି । ବିଜେପୁର ଆସନ ପାଇଁ ପ୍ରଭାସ ସିଂ ଆଶାୟୀ ରହିଥିବା ଜଣାଇଛନ୍ତି । ଏନେଇ ଦଳର ସୁପ୍ରିମୋ ତଥା ମୁଖ୍ୟମନ୍ତ୍ର ନବୀନ ପଟ୍ଟନାୟକଙ୍କୁ ଅବଗତ କରିଥିବାର କହିଛନ୍ତି ପ୍ରଭାସ ସିଂ । ଦଳ ପାଇଁ କାମ କରୁଛନ୍ତି ଓ ଟିକେଟ ଆଶାୟୀ ହେବା ସ୍ବାଭାବିକ ବୋଲି କହିବା ସହିତ ୨୦୧୪ରୁ ୨୦୧୯ ପର୍ଯ୍ୟନ୍ତ ବରଗଡ଼ର ସାଂସଦ ରହିଥିଲେ ପ୍ରଭାସ ସିଂ ।
ଛତିଶଗଡ଼ କାଙ୍କେର ଜିଲ୍ଲାରେ ମାଓ ହମ୍ଲା । ଏକ ଡିଜେଲ୍ ଟ୍ୟାଙ୍କର ବିସ୍ଫୋରଣ କଲେ ମାଓବାଦୀ । ବିସ୍ଫୋରଣରେ ୨ ଜଣ ସାଧାରଣ ଲୋକଙ୍କ ମୃତ୍ୟୁ ସୂଚନା । ବିସ୍ଫୋରଣ ଘଟିଥିବା ଟ୍ୟାଙ୍କରଟି ରେଲ୍ଓ୍ବେ କାମରେ ଲାଗିଥିଲା । ଏବେବି ମାଓବାଦୀ ଓ ପୋଲିସ୍ ମଧ୍ୟରେ ଗୁଳି ବିନିମୟ ଚାଲିଥିବା ସୂଚନା ।
ରାଜ୍ୟରେ ସାପ କାମୁଡାର ଆତଙ୍କ ଦେଖିବାକୁ ମିଳିଛି । ଗତକାଲି ସାପ କାମୁଡାରେ ରାଜ୍ୟରେ 6 ଜଣଙ୍କର ପ୍ରାଣହାନି ଘଟିଥିବା ବେଳେ ଆଜି ସକାଳୁ ଆହୁରି ଦୁଇ ଜଣଙ୍କର ପ୍ରାଣହାନି ଘଟିଛି । ଦୁଇ ମୃତକଙ୍କୁ ରାଜଲକ୍ଷ୍ମୀ ମଲ୍ଲିକ ଓ ପୁଅ ଆଦିତ୍ୟ ବୋଲି ଚିହ୍ନଟ କରାଯାଇଛି । କନ୍ଧମାଳ ଜିଲ୍ଲା କଞ୍ଜାମେଣ୍ଡି ପଞ୍ଚାୟତ ଟପାର ଗାଁର ମା’ ରାଜଲକ୍ଷ୍ମୀ ଓ 8 ବର୍ଷର ପୁଅ ଆଦିତ୍ୟ ଶୋଇଥିବାବେଳେ ଏକ ବିଷାକ୍ତ ସାପ କାମୁଡ଼ିଥିଲା । ସେମାନଙ୍କୁ ପ୍ରଥମେ ନୂଆଗାଁ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ପ୍ରଥମେ ପୁଅର ମୃତ୍ୟୁ ହୋଇଥିଲା । ଏହା ପରେ ମା’ଙ୍କୁ ସଙ୍କଟାପନ୍ନ ଅବସ୍ଥାରେ ଫୁଲବାଣୀ ମେଡ଼ିକାଲ ସ୍ଥାନାନ୍ତର କରାଯାଇଥିଲା ମାତ୍ର ସେଠାରେ ସେ ପ୍ରାଣ ହରାଇଥିଲେ ।
କୁଖ୍ୟାତ ନିଶା ବେପାରୀ ସବୀର୍ ଖାନ୍କୁ ଗିରଫ କରିଛି ସମ୍ବଲପୁର ପୋଲିସ୍ । ମଙ୍ଗଳବାର ଦିନ ପୋଲିସ୍ ସକାଳେ ସବୀର୍କୁ ଗିରଫ କରିବା ସହିତ ତା ନିକଟରୁ ଗୋଟିଏ ବନ୍ଧୁକ ଏବଂ କିଛି ଜୀବନ୍ତ ଗୁଳି ଜବତ କରିଛି । ସମ୍ବଲପୁର ପୋଲିସ୍ ପକ୍ଷରୁ ମିଳିଥିବା ସୂଚନା ଅନୁଯାୟୀ ସବୀର ନାମରେ ବିଭିନ୍ନ ଥାନାରେ 15ରୁ ଅଧିକ ମାମଲା ରହିଛି ।
କେଦାର ମିଶ୍ର ହ୍ୟୁଷ୍ଟନ୍ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଲେ ସବୁ ଭଲ ଅଛି ! କେବଳ ଓଡ଼ିଆରେ କହିଲେ ନି ଭାରତର ସବୁ ଭାଷାରେ ସେହି ସମାନ କଥା କହିଲେ । ହ୍ୟୁଷ୍ଟନ୍ ସହରରେ ଯେଉଁମାନେ ପ୍ରଧାନମନ୍ତ୍ରୀଙ୍କୁ ସମ୍ବର୍ଦ୍ଧନା ଦେବାକୁ ଆସିଥିଲେ, ସେମାନେ ସମସ୍ତେ ବହୁତ ଖୁସି । କାରଣ ପ୍ରଧାନମନ୍ତ୍ରୀ କହିଲେ ଭାରତରେ ସବୁ କିଛି ଠିକ୍ଠାକ୍ ଅଛି । ତେବେ ଭାରତରେ ସବୁ ଠିକ୍ ଠାକ୍ ଅଛି କି ନାହିଁ , ସେକଥା ଜାଣିବା ପାଇଁ ଆମେରିକାରେ ରହୁଥିବା ଗ୍ରୀନ୍କାର୍ଡଧାରୀଙ୍କର କୌଣସି ଆଗ୍ରହ ନାହିଁ । କାରଣ ସେମାନଙ୍କୁ ବ୍ୟାଗ୍ ଧରି ବଜାରକୁ ପିଆଜ କିଣିବାକୁ ଯିବାକୁ ପଡେ ନାହିଁ । କିମ୍ବା ପେଟ୍ରୋଲ ପମ୍ପ୍ ଆଗରେ ନିଜ ମୋଟରସାଇକେଲ୍ ଧରି ତେଲ ପକାଇବାକୁ ଅପେକ୍ଷା କରିବାକୁ ପଡେ ନାହିଁ । ଆମେରିକାର ରହୁଥିବା ପ୍ରବାସୀ ଭାରତୀୟଙ୍କୁ ଘୃଣା ଜନିତ ଅପରାଧ ବା ସାମ୍ପ୍ରଦାୟିକତାର ଶିକାର ହେବାକୁ ପଡେ…
ଜମ୍ମୁ କାଶ୍ମୀରରେ ଅବସ୍ଥା ସାଧାରଣ ନଥିଲେ ମଧ୍ୟ ଶାନ୍ତିପୂର୍ଣ୍ଣ ରହିଛି ବୋଲି ଜମ୍ମୁ କାଶ୍ମୀର ପୋଲିସ୍ ମୁଖ୍ୟ ଦିଲବାଗ ସିଂ ପ୍ରକାଶ କରିଛନ୍ତି । ମଙ୍ଗଳବାର ଦିନ ଏକ ସାମ୍ବାଦିକ ସମ୍ମିଳନୀରେ ଦିଲବାଗ ସିଂ କହିଛନ୍ତି, ରାଜ୍ୟରେ ଅବସ୍ଥା ଶାନ୍ତିପୂର୍ଣ୍ଣ ରହିଛି । ଅଗଷ୍ଟ 5 ତାରିଖରୁ ଧାରା 370 ଉଚ୍ଛେଦ ପରେ 3 ହଜାରରୁ ଅଧିକ ଯୁବକଙ୍କୁ ହାଜତରେ ରଖାଯାଇଛି । ଏହି ଯୁବକ ମାନଙ୍କୁ ଗିରଫ କରାଯାଇନାହିଁ ବରଂ ଶାନ୍ତି ଶୃଙ୍ଖଳା ରକ୍ଷା ନିମନ୍ତେ ଅଟକ ରଖାଯାଇଛି ବୋଲି ଦିଲବାଗ ସିଂ ପ୍ରକାଶ କରିଛନ୍ତି । ଗିରଫ ଯୁବକ ମାନଙ୍କୁ ଧୀରେ ଧୀରେ ଛଡାଯାଉଛି ଏବଂ ଆସନ୍ତା 3ରୁ 4 ଦିନ ମଧ୍ୟରେ ସମସ୍ତଙ୍କୁ ମୁକ୍ତ କରାଯିବ ବୋଲି ସିଂ ସୂଚନା ଦେଇଛନ୍ତି । କାଶ୍ମୀର ଉପତ୍ୟାକାରେ ସାଧାରଣ ଜନତା ଶାନ୍ତିପୂର୍ଣ୍ଣ ଉପାୟ ଆପଣେଇବା ପସନ୍ଦ କରିଛନ୍ତି ତେଣୁ କାଶ୍ମୀର ଉପତ୍ୟାକାରେ ଶାନ୍ତି ପ୍ରତ୍ୟାବର୍ତ୍ତନ କରିବ ବୋଲି କହିଛନ୍ତି…
କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅଞ୍ଚଳରେ ଜଣେ ଯୁବତୀଙ୍କୁ ଛୁରି ଦେଖାଇ ଗଣଦୁଷ୍କର୍ମ ଘଟଣାର ଅନୁଧ୍ୟାନ କରିବାକୁ ଆଜି ମହିଳା କମିଶନ ଅଧ୍ୟକ୍ଷା ମିନତୀ ବେହେରା ଘଟଣାସ୍ଥଳକୁ ଯିବେ ବୋଲି ଜଣାପଡିଛି । ଅନ୍ୟପକ୍ଷରେ ଏହି ଘଟଣାରେ ସମ୍ପୃକ୍ତି ଅଭିଯୋଗରେ 3 ଜଣଙ୍କୁ ପୋଲିସ୍ ଗିରଫ କରିଥିବା ଜଣାପଡିଛି । ଜୁନାଗଡ଼-ଭବାନୀପାଟଣାର 26 ନମ୍ବର ଜାତୀୟ ରାଜପଥ କଡ଼ ଜାରିଙ୍ଗ ଜଙ୍ଗଲରେ ଏହି ଘଟଣା ଘଟିଥିବା ପୀଡ଼ିତା ଗତକାଲି ଥାନାରେ ଏତଲା ଦେଇଥିଲେ। ଗତ 14 ତାରିଖରେ ଏହି ଘଟଣା ଘଟିଥିବା ପୀଡ଼ିତା କହିଛନ୍ତି । ଗଣଦୁଷ୍କର୍ମର ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବାପରେ ମହିଳା କମିଶନ ଅଧ୍ୟକ୍ଷା ଘଟଣାକୁ ଗୁରୁତର ସହ ନେଇ ତଦନ୍ତ ପାଇଁ ଯିବେ ବୋଲି ଜଣାପଡିଛି ।
ସମ୍ବଲପୁର ଜିଲ୍ଲା ଯୁଯୁମରା ଥାନା ଅନ୍ତର୍ଗତ ଭଣ୍ଡାରୀମାଳ ଗାଁରେ ହୋଇଛି ଦୁଇ ଦୁଇଟି ହତ୍ୟାକାଣ୍ଡ । ମଦ୍ୟପାନକୁ ନେଇ ଝଗଡା ପରେ ଗାଁରେ ଚାରି ଜଣ ଭାଇଙ୍କୁ ଗୋଡ଼ାଇ ଗୋଡ଼ାଇ ହଣାଯାଇଛି । ଏଥିରେ ଦୁଇ ଭାଇଙ୍କ ମୃତ୍ୟୁ ହୋଇଥିବାବେଳେ ଆଉ ଦୁଇ ଭାଇ ଆହତ ହୋଇଛନ୍ତି । ମୃତକମାନେ ହେଲେ ଶକ୍ତିଭୂଷଣ କୁମୁରା ଓ ଅରବିନ୍ଦ କୁମୁରା । ଆହତମାନେ ହେଲେ ବିଭୂତି ଭୂଷଣ କୁମରା ଓ ସମ୍ପର୍କୀୟ ଭାଇ ନନ୍ଦଲାଲ ଭୁଏ। ସେମାନଙ୍କୁ ବୁର୍ଲା ମେଡ଼ିକାଲରେ ଭର୍ତ୍ତି କରାଯାଇଛି । ପାରିବାରିକ କହଳ ଓ କମେଣ୍ଟ ମରାକୁ କେନ୍ଦ୍ର କରି ହତ୍ୟାକାଣ୍ଡ ହୋଇଥିବା ଏସ୍ପି କନୱର ବିଶାଲ ସିଂହ କହିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ମୁଖ୍ୟ ଅଭିଯୁକ୍ତକୁ ଅଟକ ରଖିଛି । ଏହା ସହିତ ଅନ୍ୟମାନଙ୍କୁ ଧରିବାକୁ ଚଢ଼ାଉ କରାଯାଉଛି । ପାରିବାରିକ କଳହରୁ ହତ୍ୟାକାଣ୍ଡ ହୋଇଥିବା ଅନୁମାନ କରାଯାଉଛି । ଘଟଣାର ତଦନ୍ତ ପାଇଁ 4ଟି…
ଭିଜିଲାନ୍ସ ଜାଲରେ ସରକାରୀ ଯନ୍ତ୍ରୀ । ଆୟବହିର୍ଭୂତ ସମ୍ପତ୍ତି ଠୂଳ ଅଭିଯୋଗ ମାମଲାରେ ବଲାଙ୍ଗୀରର ପାଟଣାଗଡ ପୂର୍ତ୍ତ ବିଭାଗର ସହକାରୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢାଉ । ସହକାରୀ ନିର୍ବାହୀ ଯନ୍ତ୍ରୀ କିଶୋର ପାତ୍ରଙ୍କ ଘରେ ମଙ୍ଗଳବାର ସକାଳୁ ଚଢାଉ କରାଯାଇଥିଲା । ଏକାଥରେ ପାଟଣାଗଡର ବାସଭବନ ସମେତ 4ଟି ସ୍ଥାନରେ ଚଢାଉ କରାଯାଇଥିଲା ।
ପ୍ରଦୂଷଣ ସାର୍ଟିଫିକେଟ୍ ନିୟମରେ କୋହଳ କରିଥିବା ରାଜ୍ୟ ସରକାର ପୁନର୍ବାର ଏହି ନିୟମକୁ କଡାକଡି କରିଛନ୍ତି । ନୂତନ ମୋଟରଯାନ ଆଇନ ଲାଗୁ ହେବା ପରେ ରାଜ୍ୟ ସରକାର ଏହାକୁ କଡାକଡି ଭାବରେ ଲାଗୁ କରିଥିଲେ । ମାତ୍ର ଏହି ନିୟମକୁ ସାଧାରଣ ଜନତାଙ୍କ ପକ୍ଷରୁ ବିରୋଧ କରାଯିବା ପରେ ସରକାରଙ୍କ ପକ୍ଷରୁ ଏହି ନିୟମକୁ ତିନି ମାସ ପାଇଁ କୋହଳ କରାଯାଇଥିଲା । ମାତ୍ର ମାନବାଧିକାର କମିଶନଙ୍କ ପକ୍ଷରୁ ଏହାକୁ ବିରୋଧ କରାଯିବା ପରେ ସୋମବାର ପୁନର୍ବାର ଏହି ନିୟମ ଲାଗୁ କରିବାର ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ଏହି ନିୟମ ଲାଗୁ ହେବା ପରେ ଆସନ୍ତା ଅକ୍ବୋବର 1 ତାରିଖରୁ ପୁନର୍ବାର ଏହି ନିୟମ କଡାକଡି ଭାବରେ ପାଳନ ହେବ ।
ନନ୍ଦନକାନନରେ ଥିବା ଏକମାତ୍ର ନୀଳିଗିର ଲଙ୍ଗୁର ପ୍ରାଣ ହରାଇଛି । ମୃତ ମାଈ ନୀଳଗିରି ଲଙ୍ଗୁରଟି କିଛିଦିନ ଧରି ଅସୁସ୍ଥ ରହିଥିଲା । ମୃତ ଲଙ୍ଗୁରର ରକ୍ତ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଛି । ନିକଟରେ ହରପିସ୍ ପାଇଁ ୪ଟି ହାତୀଙ୍କ ମୃତ୍ୟୁ ହୋଇଥିବାବେଳେ ଏବେ ଏକମାତ୍ର ଲଙ୍ଗୁରର ମୃତ୍ୟ ହେବା ଖବରଟି ନନ୍ଦନକାନନରେ ଶନିଦଶା ପଡ଼ିବା ପରି ଲାଗୁଛି ।
କେନ୍ଦ୍ରୀୟ ଯୋଜନାକୁ ରାଜ୍ୟ ସରକାରଙ୍କ ନାଁ ଲେଖି କାର୍ଯ୍ୟକାରୀ କରିବାର ଅଭିଯୋ କରିଛି ବିଜେପି । ପ୍ରଧାନମନ୍ତ୍ରୀଙ୍କ ଫଟୋ ବଦଳାଇ ମୁଖ୍ୟମନ୍ତ୍ରୀଙ୍କ ଫଟୋ ସ୍ଥାନିତ ଅଭିଯୋଗ କରିଛି ବିଜେପି । ରାଜ୍ୟସରକାରଙ୍କ କେନ୍ଦ୍ରୀୟ ଯୋଜନାକୁ ହାଇଜାକ୍ ପ୍ରତିବାଦରେ ୨୭ରେ ପ୍ରତି ବ୍ଲକ୍ରେ ଗଣଧାରଣା ଦେବ ବୋଲି ଆଜି ରାଜ୍ୟ ବିଜେପି ସଭାପତି ବସନ୍ତ ପଣ୍ଡା କହିଛନ୍ତି । ରାଜ୍ୟପାଳଙ୍କୁ ଭେଟି ସ୍ମାରକ ପତ୍ର ଦେବ ବିଜେପି ବୋଲି କହିଛନ୍ତି ବସନ୍ତ ପଣ୍ଡା ।
ହାଇକୋର୍ଟ ସୋମବାର ଦୁଇ ଦୁଇଟି ନିର୍ବାଚନ ଅନିୟମିତତା ମାମଲାକୁ ଗ୍ରହଣ କରିଛନ୍ତି । ଲକ୍ଷ୍ମୀପୁର ଓ ସାନଖେମୁଣ୍ଡି ବିଧାନସଭା ଆସନ ନିର୍ବାଚନରେ ଅନିୟମିତତା ହୋଇଥିବା ନେଇ ଆବେଦନ ହୋଇଛି । ଯାହାର ଶୁଣାଣୀ କରିବାକୁ ହାଇକୋର୍ଟ ସହମତି ପ୍ରକାଶ କରିବା ସହିତ ପ୍ରତିପକ୍ଷଙ୍କୁ ନିଜର ପକ୍ଷ ରଖିବାକୁ ନିର୍ଦ୍ଦେଶ ଦେଇଛନ୍ତି । ଲକ୍ଷ୍ମୀପୁର ବିଧାନସଭା ଆସନରୁ ଲଢ଼ି ପରାଜିତ ହୋଇଥିବା କୈଳାଶ ଚନ୍ଦ୍ର କୁଲେସିକା ନିର୍ବାଚନ ଅନିୟମତିତା ଅଭିଯୋଗ ଆଣିଛନ୍ତି । ଯାହାକୁ କୋର୍ଟ ଗ୍ରହଣ କରି ପ୍ରତିପକ୍ଷ ବିଧାୟକ ପ୍ରଭୁ ଜାନି ଓ ଅନ୍ୟମାନଙ୍କୁ ପକ୍ଷ ରଖିବାକୁ ନିର୍ଦ୍ଦେଶ ଦେଇଛନ୍ତି । ଆସନ୍ତା ୨୯ ତାରିଖରେ ମାମଲାର ପରବର୍ତ୍ତୀ ଶୁଣାଣୀ ହେବ । ମାମଲାର ପକ୍ଷଭୁକ୍ତ ଥିବାରୁ ନୋଟିସ୍ ଜାରି କରିଛନ୍ତି କୋର୍ଟ । ସେହିପରି ସାନଖେମୁଣ୍ଡି ବିଧାନସଭା ନିର୍ବାଚନରେ ଅନିୟମିତତା ହୋଇଥିବା ନେଇ ନନ୍ଦିନୀ ଦେବୀ ଆବେଦନ କରିଛନ୍ତି । ତାଙ୍କ ଆବେଦନକୁ କୋର୍ଟ ଗ୍ରହଣ କରିବା ସହିତ…
ରାଜଧାନୀରେ ପୁଣି ଡ୍ୟାନ୍ସ ବାର୍ ଖୋଲିବାକୁଯାଉଛି । ସୋମବାର ମିଳିଥିବା ସୂଚନା ଅନୁଯାୟୀ 7ଟି ଡ୍ୟାନ୍ସବାରକୁ ଅବକାରୀ ବିଭାଗର ଅନୁମତି ପ୍ରଦାନ କରିଛି । ଡ୍ୟାନ୍ସବାରକୁ ଅନୁମତି ପ୍ରଦାନ କରାଯାଇଥିଲେ ମଧ୍ୟ ଅବକାରୀ ବିଭାଗ ପକ୍ଷରୁ କିଛି କଟକଣା ଜାରି କରାଯାଇଛି । ଡ୍ୟାନ୍ସବାରରେ ଉଦ୍ଦୀପନା ସୃଷ୍ଟିକାରୀ ଏବଂ ଅର୍ଦ୍ଧନଗ୍ନ ପୋଷାକ ପିନ୍ଧିବା ଊପରେ କଟକଣା ଜାରି କରାଯାଇଛି । ଡ୍ୟାନ୍ସ ବାର୍ରେ ବସିବା ସମୟରେ ଟଙ୍କା ଉଡାଇବା ଉପରେ ମଧ୍ୟ କଟକଣା ଜାରି କରାଯାଇଛି । ମ୍ୟାନେଜରଙ୍କୁ ଦିଆଯିବ ଡ୍ୟାନ୍ସରଙ୍କ ପୁରସ୍କାର ରାଶି । କଡ଼ାକଡ଼ି ପାଳନ ହେବ ଧୂମ୍ରପାନ ନିେଷଧ । ୧୦ ୧୨ ଫୁଟ୍ରେ ଡ୍ୟାନ୍ସ ଫ୍ଲୋର ରହିବ । ଡ୍ୟାନ୍ସରଙ୍କ ନିକଟକୁ ଗ୍ରାହ ଯାଇପାରିବେ ନାହିଁ । ମହିଳା ଡ୍ୟାନ୍ସରଙ୍କୁ ଆଧାର, ଫଟୋ ଓ ସମ୍ମତି ପତ୍ର, ମେଡ଼ିକାଲ୍ ଫିଟିନେସ୍ ଦେବାକୁ ପଡ଼ିବ । ଡ୍ୟାନ୍ସ ସମୟରେ ଆଇକାର୍ଡ ଝୁଲାଇବେ ଡ୍ୟାନ୍ସର । ଡ୍ୟାନ୍ସର ମାଗଣା…
ଗଣିତଜ୍ଞ ଶକୁନ୍ତଳା ଦେବୀ ବାୟୋପିକ୍ର ଷ୍ଟାରକାଷ୍ଟରେ ଯୋଗ ଦେଇଛନ୍ତି ସାନ୍ୟା ମଲହୋତ୍ରା । ଏହି ଚଳଚିତ୍ରରେ ବିଦ୍ୟା ବାଲାନ୍ ଶକୁନ୍ତଳା ଦେବୀ ଚରିତ୍ରରେ ନଜର ଆସିବାକୁ ଯାଉଥିବା ବେଳେ ଶକୁନ୍ତଳା ଦେବୀଙ୍କ ଝିଅ ଅନୁପମା ବାନାର୍ଜୀଙ୍କ ଚରିତ୍ରରେ ନଜର ଆସିବେ ସାନ୍ୟା ମଲହୋତ୍ରା । ଏକ ସପ୍ତାହ ପୂର୍ବରୁ ବିଦ୍ୟା ବାଲାନ୍ ଏହି ଫିଲ୍ମର ପ୍ରଥମ ପୋଷ୍ଟର ରିଲିଜ୍ କରିଥିବା ବେଳେ ଏହି ଫିଲ୍ମରେ କାମ କରିବା ନେଇ ସାନ୍ୟା ମଲହୋତ୍ରା ଘୋଷଣା କରିଛନ୍ତି । ଏହା ସହିତ ପ୍ରଥମ ଥର ପାଇଁ ବିଦ୍ୟା ବାଲାନଙ୍କ ସହ କାମ କରିବାକୁ ନେଇ ଉତ୍ସାହିତ ଥିବା ପ୍ରକାଶ କରିଛନ୍ତି ଏହି ବଧାଇ ହୋ ଅଭିନେତ୍ରୀ । ଅନୁ ମେନନ ଏହି ଫିଲ୍ମର ନିର୍ଦ୍ଦେଶନା ଦେଉଥିବା ବେଳେ 2020ରେ ଏହି ଫିଲ୍ମଟି ରିଲିଜ୍ ହେବାକୁ ଯାଉଛି ।
ବାଣପୁର ଥାନା ଅନ୍ତର୍ଗତ ଦୀକ୍ଷିତପଡା ଗ୍ରାମର ଶାଳିଆ ନଦୀ ତଟରୁ ଅଜଣା ଶବ ମିଳିଛି । ପୋଲିସ୍ ଶବକୁ ଉଚ୍ଛେଦ କରି ବ୍ୟବଚ୍ଛେଦ ପାଇଁ ପଠାଇଛି । ଏହି ଶବଟି ଜଣେ ମହିଳାଙ୍କ ବୋଲି ଅନୁମାନ କରାଯାଇଥିବାବେଳେ ୩୦ ବର୍ଷ ବୟସ୍କା ବୋଲି ପୋଲିସ୍ ଅନୁମାନ କରୁଛି । ଚଳିତ ବର୍ଷ ଉକ୍ତ ସ୍ଥାନରେ ଏହା ଦ୍ବିତୀୟ ଘଟଣା ହୋଇଥିବାରୁ ଏହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି । ଶବଟି ସମ୍ପର୍କରେ କିଛି ଜଣାପଡିନଥିବାବେଳେ ପୋଲିସ୍ ଏହାର ଅନୁସନ୍ଧାନ କରୁଛି ।