କ୍ରିକେଟ ବିଶ୍ବକପ୍-୨୦୧୯ ଚାଲିଥିବା ବେଳେ ବିରାଟ କୋହଲିଙ୍କ ନେତୃତ୍ବାଧୀନ ଭାରତୀୟ ଦଳ ଲଣ୍ଡନରେ ଭାରତୀୟ ଉଚ୍ଚାୟୁକ୍ତଙ୍କୁ ଭେଟିଛି। ଉଚ୍ଚାୟୁକ୍ତଙ୍କ ଲଣ୍ଡନ ସ୍ଥିତ ବାସଭବନରେ ଖେଳାଳି ଭେଟିଥିଲେ। ରବିବାର ଅଷ୍ଟ୍ରେଲିଆ ବିପକ୍ଷ ମ୍ୟାଚ୍ ପୂର୍ବରୁ ଖେଳାଳି ମାନେ ଉଚ୍ଚାୟୁକ୍ତଙ୍କୁ ଭେଟିଛନ୍ତି। ଭାରତୀୟ ଅଧିନାୟକ ବିରାଟ କୋହଲି, କୋଚ ରବି ଶାସ୍ତ୍ରୀଙ୍କ ସମେତ ସମସ୍ତ ଖେଳାଳି ଓ ସପୋର୍ଟ ଷ୍ଟାଫ୍ ଉଚ୍ଚାୟୁକ୍ତ ଋଚି ଘନଶ୍ୟାମଙ୍କୁ ତାଙ୍କ ବାସଭବନରେ ଭେଟିଛନ୍ତି। ବିସିସିଆଇର ଅଫିସିଆଲ ଟ୍ବିଟ୍ଟର ଆକାଉଣ୍ଟରୁ ଖେଳାଳି ମାନେ ଯୋଗ ଦେଇଥିବା ନେଇ ଏକ ଫଟୋ ପୋଷ୍ଟ କରାଯାଇଥିଲା। ଭାରତୀୟ ଦଳ ପ୍ରଥମ ମୁକାବିଲାରେ ଦକ୍ଷିଣ ଆଫ୍ରିକାକୁ ୬ ଓ୍ବିକେଟରେ ପରାସ୍ତ କରିଥିବା ବେଳେ ଓଭାଲରେ ରବିବାର ପୂର୍ବତନ ବିଶ୍ବଚାମ୍ପିୟନ୍ ଅଷ୍ଟ୍ରେଲିଆର ମୁକାବିଲା କରିବ।
Author: Samikhsya Bureau
ଡିଜିଟାଲ ଚ୍ୟାନେଲ ମାଲିକ ରାଘବ ବହଲଙ୍କ ବିରୋଧରେ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଚାର୍ଜସିଟ୍ ଦାୟର କରାଯାଇଛି। ଦ କ୍ବିଣ୍ଟ ଏବଂ ନେଟଓ୍ବର୍କ ୧୮ର ପ୍ରତିଷ୍ଠାତା ରାଘବ ବହଲଙ୍କ ନାମରେ ଆୟକର ବିଭାଗ ପକ୍ଷରୁ କରାଯାଇଥିବା ଅଭିଯୋଗ ଅନୁଯାୟୀ ଇଡି ପକ୍ଷରୁ ଏହି ଚାର୍ଜସିଟ୍ ଦାଖଲ କରାଯାଇଛି। ଲଣ୍ଡନରେ ରହିଥିବା ରାଘବଙ୍କ ୨.୪୫ କୋଟି ମୂଲ୍ୟର ଘର ସମ୍ପର୍କରେ ତଥ୍ୟ ଲୁଚାଇ ଥିବାରୁ ଏହି ଚାର୍ଜ ସିଟ୍ ଦାଖଲ କରାଯାଇଛି। ଗତ ସପ୍ତାହରେ ବହଲ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଏକ ଚିଠି ଲେଖିଥିଲେ। ସମସ୍ତ ଆୟକର ଠିକ୍ ସମୟରେ ପ୍ରଦାନ କରୁଥିଲେ ମଧ୍ୟ ମୋ ବିରୋଧରେ ଷଡଯନ୍ତ୍ର କରାଯାଉଛି ବୋଲି ସେ ଏହି ଚିଠିରେ ଉଲ୍ଲେଖ କରିଥିଲେ। ଆୟକର ବିଭାଗକୁ ୨୦୧୯ରେ ଏହି ମାମଲା ନେଇ ନିଜର ସ୍ପଷ୍ଟୀକରଣ ଦେଇଥିବା ପ୍ରକାଶ କରିଛନ୍ତି ବହଲ। ଏଡିଟର୍ସ ଗିଲ୍ଡ ଅଫ ଇଣ୍ଡିଆ ଏହାକୁ ନେଇ ଅସନ୍ତୋଷ ମଧ୍ୟ ପ୍ରକାଶ କରିଛି। ଆୟକର ବିଭାଗ ଚଢାଉ…
ବଲିଉଡ୍ ନାୟିକା ଡିମ୍ପଲ୍ କପାଡ଼ିଆ ଶନିବାର ୬୨ ବର୍ଷରେ ପାଦ ଥାପିଛନ୍ତି। ୧୯୫୭ ଜୁନ୍ ୮ରେ ସେ ମୁମ୍ବାଇଠାରେ ଜନ୍ମ ଗ୍ରହଣ କରିଥିଲେ। ତାଙ୍କୁ ୧୬ ବର୍ଷ ବୟସ ହୋଇଥିବାବେଳେ ରାଜକପୁର ଡିମ୍ପଲଙ୍କୁ ଫିଲ୍ମ ‘ବବି‘ ମାଧ୍ୟମରେ ବଲିଉଡ୍ରେ ଡେବ୍ୟୁ କରିବାର ସୁଯୋଗ ଦେଇଥିଲେ। ଡିମ୍ପଲ୍ କାପାଡ଼ିଆ ୪ ଦଶକ ଧରି ଲମ୍ବା କ୍ୟାରିଅର୍ରେ ପାଖାପାଖି ୭୫ଟି ଫିଲ୍ମରେ ଅଭିନୟ କରିଛନ୍ତି। ଡିମ୍ପଲଙ୍କ ଅଭିନୀତ ଫିଲ୍ମଗୁଡ଼ିକ ମଧ୍ୟରେ ରହିଛି – ଅର୍ଜୁନ୍, ଏତବାର୍, କାଶ, ରାମଲଖନ, ବିସ୍ ସାଲ୍ ବାଦ୍ ବଣ୍ଟବାରା, ପ୍ରହାର, ଅଜୁବା, ନରସ୍ମିହା, ଗାର୍ଦ୍ଦିଶ୍, କ୍ରାନ୍ତିବୀର, ଦିଲ୍ ଚାହାତା ହୈ, ଦବଙ୍ଗ୍, କକଟେଲ୍, ପଟିଆଲା ହାଉସ୍, ‘ଫାଇଡିଙ୍ଗ୍ ଫନି’, ‘ଦବଙ୍ଗ୍ -୩’, ‘ଓ୍ବେଲକମ୍ ବ୍ୟାକ୍’ ଆଦିରେ ନଜର ଆସିଛନ୍ତି। ସୁପରଷ୍ଟାର ରାଜେଶ ଖାନ୍ନା ଡିମ୍ପଲଙ୍କୁ ବିବାହ କରିବା ପାଇଁ ପ୍ରସ୍ତାବ ଦେଇଥିଲେ। ରାଜେଶଙ୍କ ବୟସ ସେତେବେଳେ ୩୧ ଥିଲା। ସେ ଡିମ୍ପଲଙ୍କଠାରୁ ୧୫ ବର୍ଷ ବୟସ ବଡ଼ଥିଲେ। ତେବେ…
ଆଜି କ୍ରିକେଟ ବିଶ୍ବକପ୍ ୨୦୧୯ରେ ଦୁଇଟି ମ୍ୟାଚ୍ ଦେଖିବାକୁ ମିଳିବ। ଘରୋଇ ଇଂଲଣ୍ଡ ବାଂଲାଦେଶର ସମ୍ମୁଖୀନ ହେଉଥିବା ବେଳେ ନ୍ୟୁଜିଲ୍ୟାଣ୍ଡ ଦଳ ଆଫଗାନିସ୍ତାନର ମୁକାବିଲା କରିବ। ପ୍ରଥମ ମ୍ୟାଚ୍ରେ ଘରୋଇ ଇଂଲଣ୍ଡ ବାଂଲାଦେଶର ମୁକାବିଲା କରିବ। ପୂର୍ବରୁ ଦୁଇଟି ବିଶ୍ବକପ୍ ମ୍ୟାଚ୍ରେ ବାଂଲାଦେଶ ଠାରୁ ପରାଜିତ ହୋଇଥିବା ଇଂଲଣ୍ଡ ଏହି ମ୍ୟାଚ୍ରେ ଅଲୋଡା ହ୍ୟାଟ୍ରିକ୍ରୁ ବଞ୍ଚିବାକୁ ଚେଷ୍ଟା କରିବ। ବାଂଲାଦେଶ ପ୍ରଥମ ମ୍ୟାଚ୍ରେ ଦକ୍ଷିଣ ଆଫ୍ରିକାକୁ ପରାସ୍ତ କରିଥିବା ବେଳେ ଦ୍ବିତୀୟ ମ୍ୟାଚ୍ରେ ଅଳ୍ପକେ ବିଜୟରୁ ବଞ୍ଚିତ ହୋଇଥିଲା। ଇଂଲଣ୍ଡର ବ୍ୟାଟିଂ ଉଭୟ ମ୍ୟାଚ୍ରେ ସଫଳ ହୋଇଥିଲେ ମଧ୍ୟ ପାକିସ୍ତାନ ବିପକ୍ଷ ମ୍ୟାଚ୍ରେ ଏହାର ଦୁର୍ବଳ ବୋଲିଂ ଦଳର ପରାଜୟର କାରଣ ସାଜିଥିଲା। ଘରୋଇ ପରିବେଶରେ ଇଂଲଣ୍ଡ ଫେବ୍ରିଟ୍ ରହିଥିବା ବେଳେ ଇଂଲଣ୍ଡର ପ୍ରଦର୍ଶନ ଜାସନ୍ ରୟ, ବଟଲର, ରୁଟ୍ ଏବଂ ଜୋଫ୍ରା ଆର୍ଚରଙ୍କ ଉପରେ ନିର୍ଭରଶୀଳ ରହିବ। ସେହିପରି ବାଂଲାଦେଶ ଖେଳାଳି ମହମ୍ମଦୁଲ୍ଳା, ସାକିବ୍ ଏବଂ ତାମିମ୍ ଇକ୍ବାଲ୍ଙ୍କ ଉପରେ…
ବିଜେପି ମହାସଚିବ ରାମ ମାଧବ ବିଜେପି କଂଗ୍ରେସର ରେକର୍ଡ ଭାଙ୍ଗି ୨୦୪୭ ପର୍ଯ୍ୟନ୍ତ ଶାସନ କ୍ଷମତାରେ ରହିବ ବୋଲି କହିଛନ୍ତି। ଭାରତରେ ଦୀର୍ଘକାଳ ଧରି ରାଜନୈତିକ କ୍ଷମତାରେ ରହିଥିବା ଦଳ ଭିତରେ ରହିଛି କଂଗ୍ରେସ। କଂଗ୍ରେସ ୧୯୫୦ରୁ ୧୯୭୭ ଯାଏଁ କ୍ରମାଗତ ଭାବରେ କେନ୍ଦ୍ରରେ ସରକାର ଗଢିଥିଲା। ଆଉ ଏହି ରେକର୍ଡକୁ ନରେନ୍ଦ୍ର ମୋଦିଙ୍କ ନେତୃତ୍ବାଧୀନ ଭାରତୀୟ ଜନତା ପାର୍ଟି ଭଙ୍ଗ କରିବ ବୋଲି କହିଛନ୍ତି ରାମ ମାଧବ। ତ୍ରିପୁରାର ରାଜଧାନୀ ଅଗରତଲା ଠାରେ ଶୁକ୍ରବାର ଆୟୋଜିତ ଏକ ଦଳୀୟ କାର୍ଯ୍ୟକ୍ରମରେ ରାମ ମାଧବ କହିଛନ୍ତି, ଭାରତ ସ୍ୱଧୀନତାର ୧୦୦ତମ ବାର୍ଷିକ ଉତ୍ସବ ପାଳନ କରିବା ପର୍ଯ୍ୟନ୍ତ ବିଜେପି କ୍ଷମତାରେ ରହିବ ବୋଲି କହିବା ସହିତ ଆଗାମୀ ୩ ବର୍ଷରେ ନୂତନ ଭାବରେ ଭାରତ ନିର୍ମାଣ ହେବ। ମୋଦିଙ୍କ ନେତୃତ୍ୱରେ କେନ୍ଦ୍ରରେ ବର୍ତ୍ତମାନ ସରକାରଙ୍କ ନୀତି ବଳରେ ଦେଶ ବିକାଶ ପଥରେ ଆଗଉଛି ବୋଲି କହିଛନ୍ତି ରାମ ମାଧବ।
ବେଲଜିୟମ୍ ଓ୍ବିଙ୍ଗର ଏଡେନ୍ ହାଜାର୍ଡ ଚେଲ୍ସୀ ଛାଡି ରିଅଲ ମାଦ୍ରିଦ୍ରେ ଯୋଗ ଦେବେ। ଚେଲ୍ସୀ ଛାଡୁଥିବା ହାଜାର୍ଡଙ୍କୁ ରେକର୍ଡ ୧୦୦ ମିଲିୟନ୍ ୟୁରୋ ମୂଲ୍ୟରେ କ୍ରୟ କରୁଛି ରିଅଲ୍ ମାଦ୍ରିଦ୍। ସମାନ ମୂଲ୍ୟରେ ୨୦୧୩ରେ ଗେରାଥ ବେଲଙ୍କୁ କିଣିଥିଲା ରିଅଲ୍ ମାଦ୍ରିଦ୍। ୨୦୧୩ରେ ଟଟ୍ଟେନହାମ୍ ଛାଡିଥିବା ବେଲ୍ ମାଦ୍ରିଦ୍ ସହିତ ଯୋଗ ଦେଇଥିଲେ। ଏହା ସହିତ ହାଜାର୍ଡ ଆସନ୍ତା ୫ ବର୍ଷ ପାଇଁ ମାଦ୍ରିଦ୍ ସହିତ ଚୁକ୍ତି କରିଛନ୍ତି। ମାଦ୍ରିଦ୍ ଏବଂ ଚେଲ୍ସୀ ଏହି ବିନିମୟ ପାଇଁ ରାଜି ହୋଇଥିବା ବେଳେ ୩୦ଜୁନ୍ ୨୦୨୪ ପର୍ଯ୍ୟନ୍ତ ମାଦ୍ରିଦ୍ ସହିତ ହାଜାର୍ଡଙ୍କ ଚୁକ୍ତି ବଳବତ୍ତର ରହିବ। ଏକ ଟ୍ବିଟ୍ରେ ଚେଲ୍ସୀ ଦଳକୁ ଧନ୍ୟବାଦ ଜଣାଇଛନ୍ତି ହାଜାର୍ଡ। ଗତ ସାତ ବର୍ଷ ଧରି ହାଜାର୍ଡ ଚେଲ୍ସୀ ପାଇଁ ଖେଳୁଥିଲେ।
ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନାସାର ଚନ୍ଦ୍ର ମିଶନକୁ ସମାଲୋଚନା କରିଛନ୍ତି। ମଙ୍ଗଳକୁ ମାନବ ପ୍ରେରଣ ପୂର୍ବରୁ ପୁନର୍ବାର ଚନ୍ଦ୍ରକୁ ଫେରିବାର ନିଷ୍ପତ୍ତିକୁ ସମାଲୋଚନା କରିଛନ୍ତି ଟ୍ରମ୍ପ। ଏହି ମିଶନକୁ ସ୍ବୟଂ ଟ୍ରମ୍ପଙ୍କ ଅଧ୍ୟକ୍ଷତାରେ ଦେଢ ବର୍ଷ ପୂର୍ବରୁ ସ୍ବୀକୃତି ମିଳିଥିଲା। ଚନ୍ଦ୍ରକୁ ଆମେରିକା ୫୦ ବର୍ଷ ପୂର୍ବରୁ ଯାନ ଏବଂ ମାନବ ପଠାଇ ସାରିଛି। ତେଣୁ ପୁନର୍ବାର ଏହି ମିଶନର କୌଣସି ଯଥାର୍ଥତା ନାହିଁ ବୋଲି ଟ୍ରମ୍ପ କହିଛନ୍ତି। ୟୁରୋପ ଗସ୍ତରୁ ଫେରିବା ପରେ ଏହି ମନ୍ତବ୍ୟ ଦେଇଛନ୍ତି ଟ୍ରମ୍ପ। ବିଜ୍ଞାନ ସର୍ବଦା ଆଗକୁ ବଢିବା ଉଚିତ୍ ମାତ୍ର ନାସା ୫୦ ବର୍ଷ ପଛକୁ ଫେରିବାକୁ ଚାହୁଁଛି ଯାହାକି ଗ୍ରହଣୀୟ ନୁହେଁ ବୋଲି ଟ୍ରମ୍ପ ଏୟାର ଫୋର୍ସ ଓ୍ବାନ୍ ପକ୍ଷରୁ ଟ୍ବିଟ୍ କରିଛନ୍ତି।
ଡିଫେଣ୍ଡିଂ ଚାମ୍ପିୟନ୍ ରାଫେଲ ନାଦାଲ ନିଜର ନିକଟକତମ ପ୍ରତିଦ୍ବନ୍ଦୀ ରୋଜର ଫେଡେରରଙ୍କୁ ପରାସ୍ତ କରି ରୋଲାଣ୍ଡ ଗ୍ୟାରସ୍ ଫାଇନାଲ୍ରେ ପ୍ରବେଶ କରିଛନ୍ତି। ୧୧ ଥର ଫ୍ରେଞ୍ଚ ଓପନ ଟାଇଟଲ ଜିତିଥିବା ନାଦାଲ ୨୦ ଗ୍ରାଣ୍ଡସ୍ଲାମ ବିଜେତା ଫେଡେରରଙ୍କୁ ୬-୩, ୬-୪ ଏବଂ ୬-୨ ସେଟରେ ପରାସ୍ତ କରି ଫାଇନାଲରେ ପ୍ରବେଶ କରିଛନ୍ତି। ଫେଡେରରଙ୍କ ବିପକ୍ଷରେ ମ୍ୟାଚ୍ ଅତ୍ୟନ୍ତ କଷ୍ଟ ସାଧ୍ୟ ରହିଥିଲା ବୋଲି ୩୩ ବର୍ଷୀୟ ନାଦାଲ ପ୍ରକାଶ କରିଛନ୍ତି। ପ୍ରଥମ ଦୁଇ ସେଟ୍ରେ ଫେଡେରର ୨-୦ ଅଗ୍ରଣୀରୁ ଆରମ୍ଭ କରିଥିଲେ ମଧ୍ୟ କ୍ଲେ କୋର୍ଟର ବାଦଶାହା ନାଦାଲ ୩୭ ବର୍ଷୀୟ ଫେଡେରରଙ୍କୁ ଅନାୟାସରେ ପରାସ୍ତ କରିଥିଲେ। ଏହି ମ୍ୟାଚ୍ ପରେ ନାଦାଲଙ୍କୁ ପ୍ରଶଂସା କରିଛନ୍ତି ଫେଡେରର। କ୍ଲେ କୋର୍ଟରେ ନାଦାଲଙ୍କ ଡିଫେଣ୍ଡିଂ ଅତ୍ୟନ୍ତ ଚମତ୍କାର ରହିଥିଲା ଫଳରେ ମ୍ୟାଚ୍ରେ ପ୍ରତ୍ୟାବର୍ତ୍ତନର ସୁଯୋଗ ମିଳିନଥିଲା ବୋଲି ଫେଡେରର ପ୍ରକାଶ କରିଛନ୍ତି।
ପାକିସ୍ତାନରେ ଏକ ବୋମା ବିସ୍ଫୋରଣରେ ତିନି ସେନା ଅଫିସର ନିହତ ହୋଇଛନ୍ତି। ରାସ୍ତା ଦାଢରେ ଏକ ବୋମା ବିସ୍ଫୋରଣରେ ଏକ ମିଲିଟାରୀ ଗାଡି ଉଡିଯିବାରୁ ତିନି ଅଫିସରଙ୍କ ସମେତ ଜଣେ ସୈନ୍ୟ ନିହତ ହୋଇଛନ୍ତି। ଆଫଗାନିସ୍ତାନ ସୀମାରେ ରହିଥିବା ଉତ୍ତର ଓ୍ବଜିରିସ୍ତାନରେ ଏହି ବିସ୍ଫୋରଣ ଘଟିଥିଲା। ଶୁକ୍ରବାର ଏକ ମିଲିଟାରୀ ଗାଡିକୁ ଲକ୍ଷ୍ୟ କରି ଏହି ଆଇଡି ବିସ୍ଫୋରଣ କରାଯାଇଥିଲା। ଓ୍ବଜିରିସ୍ତାନର ଖରକମର ଅଞ୍ଚଳରେ ଏହି ଆଇଡି ବିସ୍ଫୋରଣ ଘଟି ତିନି ସେନାଧିକାରୀଙ୍କ ସମେତ ଜଣେ ସୈନ୍ୟ ନିହତ ହୋଇଥିଲେ। ଏହି ଘଟଣାରେୋ ଅନ୍ୟ ୪ ଜଣ ସୈନ୍ୟ ଆହତ ହୋଇଛନ୍ତି। ନିହତ ହୋଇଥିବା ସେନାଧିକାରୀଙ୍କ ମଧ୍ୟରେ ରହିଛନ୍ତି ଲ୍ୟୁଟନାଣ୍ଟ କଲୋନେଲ ରଶିଦ କରିମ୍ ବେଗ୍, ମେଜର ମୋଇଜ୍ ମକସୁଦ୍ ବେଗ୍, କ୍ୟାପ୍ଟେନ୍ ଆରିଫ୍ ଉଲ୍ଳା ଏବଂ ଲାନ୍ସ ହାବିଲଦାର ଜାହିର। ଏହି ଆକ୍ରମଣ ପାଇଁ କୌଣସି ଆତଙ୍କୀ ସଙ୍ଗଠନ ନିଜକୁ ଦାୟୀ କରି ନାହାନ୍ତି। ବିଗତ ଏକ ମାସ ମଧ୍ୟରେ…
କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ବ୍ୟକ୍ତିଗତ ସଚିବ ଭାବରେ ଆଇଏଏସ୍ ସଙ୍କେତ କୁମାର ନିଯୁକ୍ତି ପାଇଛନ୍ତି। ସଙ୍କେତ କୁମାରଙ୍କ ନିଯୁକ୍ତିକୁ ବିଭାଗୀୟ ଅଧିକାରୀ ମଞ୍ଜୁରୀ ଦେଇଛନ୍ତି। ଗୃହ ମନ୍ତ୍ରାଳୟ ପକ୍ଷରୁ ଜାରି କରାଯାଇଥିବା ବିଜ୍ଞପ୍ତି ଅନୁଯାୟୀ, ତୁରନ୍ତ ଏହି ନିଷ୍ପତ୍ତିକୁ କାର୍ଯ୍ୟକାରୀ କରିବାର ଆଦେଶ ଦିଆଯାଇଛି। ଅନ୍ୟ ଆଦେଶ ପ୍ରାପ୍ତ ନହେବା ଯାଏଁ ଏହି ପଦବୀରେ ଅବସ୍ଥାପିତ ରହିବା ପାଇଁ ଏହି ବିଜ୍ଞପ୍ତି ଜରିଆରେ ନିର୍ଦ୍ଦେଶ ଦିଆଯାଇଛି। ଏନ୍ଡିଏ ସରକାରଙ୍କ ପ୍ରଥମ ଥର ଶାସନ ସମୟରେ ମଧ୍ୟ ବ୍ୟକ୍ତିଗତ ସିଚିବ ଭାବରେ କାର୍ଯ୍ୟ କରିଥିଲେ। ପୂର୍ବରୁ ରେଳ ରାଷ୍ଟ୍ରମନ୍ତ୍ରୀ ମନୋଜ ସିହ୍ନାଙ୍କ ବ୍ୟକ୍ତିଗତ ସଚିବ ଭାବରେ କାର୍ଯ୍ୟ କରିଛନ୍ତି ସଙ୍କେତ କୁମାର।
ଜମ୍ମୁ କାଶ୍ମୀରର ଅନନ୍ତନାଗରେ ସୁରକ୍ଷାବଳ ଏବଂ ଆତଙ୍କୀଙ୍କ ମଧ୍ୟରେ ଏକ ଏନକାଉଣ୍ଟର ସଙ୍ଗଠିତ ହୋଇଛି। ଏକ ସର୍ଚ୍ଚ ଅପରେସନ୍ ଚାଲିଥିବା ସମୟରେ ଏହି ଏନ୍କାଉଣ୍ଟର ଘଟିଥିଲା। ଶନିବାର ଦକ୍ଷିଣ କାଶ୍ମୀରର ଭେରିନାଗରେ ଏହି ସର୍ଚ୍ଚ ଅପରେସନ୍ ଚାଲିଥିଲା। ଆତଙ୍କୀ ମାନେ ଲୁଚି ରହିଥିବା ନେଇ ଗୁଇନ୍ଦା ସୂଚନା ମିଳିବା ପରେ ଜମ୍ମୁ କାଶ୍ମୀର ପୋଲିସର ସ୍ପେସିଆଲ୍ ଅପରେସନ୍ ଗ୍ରୁପ୍, ସିଆରପିଏଫ୍ ଏବଂ ରାଷ୍ଟ୍ରୀୟ ରାଇଫଲ୍ସ ପକ୍ଷରୁ ଏକ ମିଳିତ ଅପରେସନ୍ କରାଯାଇଥିଲା। ସର୍ଚ୍ଚ ଅପରେସନ୍ ସମୟରେ ସୁରକ୍ଷା ବଳଙ୍କ ଉପରକୁ ଗୁଳି ଚାଳନା ହେବା ପରେ ପାଲଟା ଗୁଳିଚାଳନା କରାଯାଇଥିଲା। ଘଟଣାସ୍ଥଳରେ ଦୁଇରୁ ତିନି ଆତଙ୍କବାଦୀ ଲୁଚି ରହିଥିବା ନେଇ ସୂଚନା ଦେଇଛି ପୋଲିସ୍।
କେଦାର ମିଶ୍ର ପୁଅ କହୁଛନ୍ତି- ବାପା ବିଜେପି ରେ ଖୁସି ନାହାନ୍ତି। ମିଡ଼ିଆ ଅନୁମାନ କରୁଛି- ବାପା ବୋଧହୁଏ ବିଜେପି ଛାଡ଼ି ନିଜର ପୁରୁଣା ଦଳ ବିଜେଡ଼ି କୁ ଫେରିବେ। ଏପଟେ ବାପା କହିଛନ୍ତି- ମୋତେ ତ ବିଜେଡ଼ି ତଡିଦେବାରୁ ବିଜେପି ସମ୍ମାନ ର ସହ କୋଳେଇ ନେଇଛନ୍ତି। ମୁଁ ବିଜେଡ଼ି କୁ କାଇଁ ଫେରିବି। ଏକଥା ଯେ କହୁଛି, ସେ ମୋ ପୁଅ ନୁହଁ, ସେ ବିଜେଡି ର ଜଣେ ବିଧାୟକ। ଏ ସବୁ କୌଣସି ପାରିବାରିକ ଟିଭି ସିରିଆଲ ର ଡାଇଲଗ ଭଳି ଶୁଭୁନାଇ କି? ଦାମ ବାବୁ ଯେତେବେଳେ ବିଜେପି ରେ ଯୋଗ ଦେଲେ ସେତେବେଳେ ସମବେତ ବିଜେପି କର୍ମୀଙ୍କୁ ପଚାରିଥିଲେ- ଆପଣମାନେ ଖୁସି ତ! ତେବେ ସେ ନିଜେ ଆଜି ଖୁସି ନାହାନ୍ତି ବୋଲି ତାଙ୍କ ପୁଅ କହୁଛନ୍ତି କାହିଁକି? ନିର୍ବାଚନ ପୂର୍ବରୁ ଦାମ ବାବୁ ନିଜକୁ ନବୀନ ପଟ୍ଟନାୟକଙ୍କ ବିକଳ୍ପ ଭାବରେ ଉପସ୍ଥାପନ କରିବାକୁ…
ବିଜେଡି ସୁପ୍ରିମୋ ନବୀନ ପଟ୍ଟନାୟକ ଅନୁଗୁଳ ବିଧାୟକ ରଜନୀକାନ୍ତ ସିଂଙ୍କୁ ଉପବାଚସ୍ପତି ପଦପାଇଁ ବିଜେଡି ପ୍ରାର୍ଥୀ ଭାବେ ମନୋନିତ କରିଛନ୍ତି। ସେହିପରି ସରକାରୀ ଉପମୁଖ୍ୟ ସଚେତକ ଭାବେ ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟଙ୍କୁ ନିଯୁକ୍ତି ଦିଆଯାଇଛି। ବିଜେଡି ତରଫରୁ ପ୍ରକାଶିତ ଏକ ପ୍ରେସ ଇସ୍ତାହାରରେ ଏହି ଦୁଇଜଣଙ୍କ ନାମ ପ୍ରକାଶିତ ହୋଇଛି। ପୂର୍ବରୁ ବିଜେଡି ବାଚସ୍ପତି ଭାବେ ବରିଷ୍ଠ ବିଧାୟକ ସୂର୍ଯ୍ୟନାରାୟଣ ପାତ୍ରଙ୍କୁ ପ୍ରାର୍ଥୀ କରିଥିଲା। ପରେ ସର୍ବସମ୍ମତି କ୍ରମେ ସୂର୍ଯ୍ୟ ପାତ୍ର ବାଚସ୍ପତି ଭାବେ ନିର୍ବାଚିତ ହୋଇଛନ୍ତି। ସେହିପରି ଦଳ ପ୍ରମିଳା ମଲ୍ଲିକଙ୍କୁ ସରକାରୀ ମୁଖ୍ୟ ସଚେତକ ଭାବେ ପୂର୍ବରୁ ନିଯୁକ୍ତି ଦେଇଛନ୍ତି। ଏହାପରେ ଉପବାଚସ୍ପତି ଏବଂ ଉପମୁଖ୍ୟ ସଚେତକ କିଏ ହେବ ସେ ନେଇ ଯେଉଁ କଳ୍ପନାଜଳ୍ପନା ପ୍ରକାଶ ପାଇଥିଲା ତାହାର ଅନ୍ତ ଘଟିଛି। ଆଗାମୀ ବିଧାନସଭାର ଅଧିବେଶନରେ ଉପବାଚ୍ସପତି ନିର୍ବାଚନ ଅନୁଷ୍ଠିତ ହେବ। ସେଥିରେ ବିଜେଡିର ସଂଖ୍ୟା ଅନୁସାରେ ରଜନୀକାନ୍ତ ସିଂ ସର୍ବସମ୍ମତି କ୍ରମେ ଉପବାଚସ୍ପତି ଭାବେ…
ଆସାମର ଜୋରାହାଟରୁ ଅରୁଣାଚଳ ପାଇଁ ଉଡ଼ାଣ ଭରିବା ପରେ ନିଖୋଜ ବାୟୁସେନାର ଏଏନ-୩୨ ବିମାନର ଏପର୍ଯ୍ୟନ୍ତ କୌଣସି ସନ୍ଧାନ ମିଳିନାହିଁ। ବାୟୁସେନା ପକ୍ଷରୁ ସର୍ଚ୍ଚଅପରେସନ ଜାରି ରହିଛି। ଏଥିରେ ୮ ଯବାନ ସମେତ ୧୩ ଜଣ ଥିଲେ। ନିଖୋଜଙ୍କ ମଧ୍ୟରେ ଜଣେ ଓଡ଼ିଆ ପାଇଲ୍ଟ ରହିଛନ୍ତି। ଗଞ୍ଜାମର ଲେଫ୍ଟନାଟ ସୁନୀତ୍ ମହାନ୍ତି ନିଖୋଜ ରହିଛନ୍ତି ବୋଲି ସୂଚନା ମିଳିଛି। ନିଖୋଜ ବିମାନକୁ ଖୋଜିବା ପାଇଁ ଉପଗ୍ରହ ଓ ଅନ୍ୟ ସାଧନର ବ୍ୟବହାର କରାଯାଉଛି। ଏହା ବ୍ୟତୀତ ଏସୟୁ-୩୦, ସି-୧୩୦ଜେ ବିମାନ ମଧ୍ୟ ସର୍ଚ୍ଚ ଅପରେସନକୁ ନିୟୋଜିତ କରାଯାଇଛି।
ପଞ୍ଚମ ଥର ପାଇଁ ନବୀନ ସରକାର କ୍ଷମତାସୀନ ହେବା ପରେ ଗତ ୨୯ ତାରିଖରେ ଅନୁଷ୍ଠିତ ପ୍ରଥମ କ୍ୟାବିନେଟ୍ ବୈଠକରେ କାଳିଆ ଯୋଜନାରେ ୩୨.୩୪ ଲକ୍ଷ ହିତାଧିକାରୀଙ୍କୁ ସୁବିଧା ଦେବାର ପ୍ରସ୍ତାବକୁ ଅନୁମୋଦନ କରାଯାଇଥିଲା। ଏହି ଯୋଜନାରେ ଚାଷୀଙ୍କ ହିତ ପାଇଁ ଅଧିକ ୩୨୩୪ କୋଟି ଟଙ୍କା ଖର୍ଚ୍ଚ କରାଯିବ। ଯୋଜନାରେ ୩୨ ଲକ୍ଷରୁ ଅଧିକ ଭାଗ ଚାଷୀ ଓ ଭୂମିହୀନ ଚାଷୀଙ୍କୁ ଲାଭ ମିଳିବ। ଏହା ସହ ୫୦ ଲକ୍ଷ କ୍ଷୁଦ୍ର ଓ ନାମମାତ୍ର ଚାଷୀ ଉପୃକତ ହୋଇପାରିବେ। ମୋଟ ୭୫ ଲକ୍ଷ ଚାଷୀ ହେବ ଉପକୃତ। ଜୁନ୍ ୪ ତାରିଖରେ କାଳିଆ ଯୋଜନାରେ ଅତିରିକ୍ତ ହିତାଧିକାରୀଙ୍କୁ ରାଜ୍ୟ ସରକାର ମଞ୍ଜୁରି ପ୍ରଦାନ ନେଇ କୃଷି ବିଭାଗ ବିଜ୍ଞପ୍ତି ପ୍ରକାଶ କରିଥିଲେ। ୨୦୧୯-୨୦ରେ ସେହି ତାଲିକାରେ ଅତିରିକ୍ତ ୨.୫ ଲକ୍ଷ କ୍ଷୁଦ୍ର, ନାମମାତ୍ର, ପ୍ରକୃତ ଚାଷୀ, ଭାଗଚାଷୀ ସହିତ ୫ ଲକ୍ଷ ଭୂମିହୀନ ଚାଷୀ ପରିବାରଙ୍କୁ ଯୋଡ଼ା ଯାଇଥିଲା। କୃଷକ…
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦୁଇଦିନିଆ ଦିଲ୍ଲୀ ଗସ୍ତ କରୁଛନ୍ତି। ୧୧ ତାରିଖରେ ମୋଦି ସହ ନବୀନଙ୍କର ସାକ୍ଷାତ କାର୍ଯ୍ୟକ୍ରମ ରହିଛି। ନବୀନ ପ୍ରଧାନମନ୍ତ୍ରୀଙ୍କୁ ରାଜ୍ୟର ବିଭିନ୍ନ ସ୍ବାର୍ଥ ସମ୍ବଳିତ ଦାବି ଜଣାଇବେ। ନବୀନ ପଟ୍ଟନାୟକ ନିତି ଆୟୋଗ ବୈଠକରେ ମଧ୍ୟ ଯୋଗ ଦାନ କରିବେ। ପଞ୍ଚମପାଳ ସରକାର ପରେ ନବୀନ ପଟ୍ଟନାୟକଙ୍କର ଏହା ପ୍ରଥମ ଦିଲ୍ଲୀ ଗସ୍ତ ହୋଇଥିବାବେଳେ ରାଜ୍ୟରେ ବିଜେଡ଼ି ସରକାର ଓ କେନ୍ଦ୍ରର ବିଜେପି ସରକାର ପରେ ମୁଖ୍ୟମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କ ସାକ୍ଷାତକୁ ନେଇ ବେଶ୍ ଚର୍ଚ୍ଚା ରହିଛି।
ଫ୍ରେଞ୍ଚ ଓପନର ମହିଳା ଏକକ ବର୍ଗରେ ଟାଇଟଲ୍ ମୁକାବିଲାରେ ଅବତୀର୍ଣ୍ଣ ହୋଇଛନ୍ତି ବାର୍ଟି-ଭୋଣ୍ଡ୍ରୋସୌଭା । ପୂର୍ବରୁ ଅଷ୍ଟ୍ରେଲିଆର ଆସ୍ଲେଘ୍ ବାର୍ଟି ଫାଇନାଲ୍ରେ ପ୍ରବେଶ କରି ସାରିଥିବା ବେଳେ ବ୍ରିଟେନ୍ର ଜୋହାନା କୋଣ୍ଟାଙ୍କୁ ପରାସ୍ତ କରି ଫାଇନାଲରେ ସ୍ଥାନ ସୁରକ୍ଷିତ କରିଛନ୍ତି ମାର୍କେଟା ଭୋଣ୍ଡ୍ରୋସୌଭା । ଭୋଣ୍ଡ୍ରୋସୌଭା 7-5, 7-6(2) ସେଟ୍ରେ ବ୍ରିଟେନ୍ର ଜୋହାନା କୋଣ୍ଟାଙ୍କୁ ପରାସ୍ତ କରିଛନ୍ତି । ଏହା ସହିତ 2007 ପରେ ପ୍ରଥମ ଟିନ୍ ଏଜର୍ ଖେଳାଳି ଭାବରେ ପ୍ରବେଶ କରିଛନ୍ତି ଏହି 19 ବର୍ଷୀୟ ଖେଳାଳି । ଉଭୟ ,ସେଟ୍ରେ କୋଣ୍ଟା 5-3ର ଅଗ୍ରଣୀ ହାସଲ କରିଥିଲେ ମଧ୍ୟ ପଏଣ୍ଟ ବ୍ରେକ୍ କରି ସିଧାସଳଖ ସେଟ୍ରେ ବିଜୟୀ ହୋଇଥିଲେ ଭୋଣ୍ଡ୍ରୋସୌଭା । ପୂର୍ବରୁ ଏକମାତ୍ର ଖେଳାଳି ଭାବରେ ଆନ୍ନା ଇଭାନୋଭିକ୍ 19 ବର୍ଷ ବୟସରେ ରୋଲାଣ୍ଡ ଗାରସ ଫାଇନାଲ୍ରେ ପ୍ରବେଶ କରିଥିଲେ । ଅନ୍ୟ ସେମିରେ ଆସଲେଘ ବାର୍ଟି 6-7, 6-3, 6-3 ସେଟ୍ରେ ଆମଣ୍ଡା ଆନସିମୋଭାଙ୍କୁ…
ଉତ୍ତର ପ୍ରଦେଶର ବିଭିନ୍ନ ପ୍ରାନ୍ତରେ ଧୂଳିଝଡ ଘଟି ୧୯ ଜଣଙ୍କର ମୃତ୍ୟୁ ଘଟିଥିବା ବେଳେ ୪୮ ଜଣ ଆହତ ହୋଇଛନ୍ତି । ରାଜ୍ୟର ବିଭିନ୍ନ ସ୍ଥାନ ଏହି ଧୂଳି ଝଡ ଦ୍ବାରା କ୍ଷତିଗ୍ରସ୍ତ ହୋଇଥିବା ନେଇ ରାଜ୍ୟ ରିଲିଫ୍ କମିଶନର ସୂଚନା ଦେଇଛନ୍ତି । ମଣିପୁରୀ ଅଞ୍ଚଳ ସର୍ବାଧିକ କ୍ଷତିଗ୍ରସ୍ତ ହୋଇଥିଲା । ମଣିପୁରୀରେ ୬ଜଣଙ୍କ ପ୍ରାଣହାନି ଘଟିଥିବା ବେଳେ ୪୧ ଜଣ ଆହତ ହୋଇଛନ୍ତି । ଏଟାହ ଏବଂ କାଶଗଞ୍ଜରେ ତିନି ଜଣ ଲେଖାଏଁ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ ମୋରାଦାବାଦ, ବଦାଉଁ, ପିଲିଭିତ୍, କନୌଜ, ସମ୍ଭଲ ଏବଂ ଗାଜିଆବାଦରେ ଜଣେ ଲେଖାଏଁ ପ୍ରାଣ ହରାଇଛନ୍ତି । ଆହତ ମାନଙ୍କ ପାଇଁ ସଠିକ୍ ସ୍ବାସ୍ଥ୍ୟ ସେବା ଯୋଗାଇବା ପାଇଁ ଯୋଗୀ ଆଦିତ୍ୟନାଥ ସୂଚନା ଦେଇଛନ୍ତି । ରିଲିଫ୍ କାର୍ଯ୍ୟକୁ ତ୍ବରାନ୍ବିତ କରିବା ପାଇଁ ନିର୍ଦ୍ଦେଶ ମିଳିଥିବା ବିଷୟରେ ସୂଚନା ଦେଇଛନ୍ତି ପ୍ରମୁଖ ସଚିବ ଅବନୀଶ ଅବସ୍ତି । ଏହି ଝଡ…
ଚର୍ଚ୍ଚାରେ ବାପ ପୁଅ ରାଜନୀତି । ବରିଷ୍ଠ ରାଜନେତା ଦାମୋଦର ରାଉତ ଓ ତାଙ୍କ ପୁତ୍ର ସମ୍ବିତ ରାଉତରାୟଙ୍କୁ ନେଇ ନିର୍ବାଚନ ପୂର୍ବରୁ ଚର୍ଚ୍ଚା ଲାଗି ରହିଥିଲା । ବିଜେଡିରୁ ବହିଷ୍କୃତ ହେବା ପରେ ବିଜେପି ଶିବିରରେ ଦାମ ରାଉତ ଯୋଗ ଦେଇ ପରାଜୟ ବରଣ କରିଥିବାବେଳେ ତାଙ୍କ ପୁତ୍ର ସମ୍ବିତ ରାଉତରାୟ ବିଜେଡ଼ିରେ ରହି ବିଧାୟକ ହୋଇଛନ୍ତି । ଏବେ ଏହି ଦୁଇ ବାପ ପୁଅଙ୍କ ମନ୍ତବ୍ୟକୁ ନେଇ ପୁଣି ଥରେ ଚର୍ଚ୍ଚା ହୋଇଛି । ନିକଟରେ ଦାମ ରାଉତଙ୍କ ରାଜନୈତିକ ଭବିଷ୍ୟତକୁ ନେଇ ତାଙ୍କ ପୁତ୍ର ସମ୍ବିତ ଆକଳନ କରିଥିଲେ। ଦାମ ରାଉତ ବିଜେପିରେ ଖୁସିରେ ନାହାନ୍ତି ଏବଂ ସୁପ୍ରିମୋ ଚାହିଁଲେ ସେ ଦଳକୁ ଫେରିବ ବୋଲି ମନ୍ତବ୍ୟ ଦେଇଥିଲେ । ତେବେ ପୁତ୍ରଙ୍କ ଏପରି ମନ୍ତବ୍ୟକୁ ଖଣ୍ଡନ କରିଛନ୍ତି ପିତା ଦାମ ରାଉତ । ଏକଥା ମୋ’ ପୁଅ ନୁହେଁ ବରଂ ବିଜେଡ଼ି ବିଧାୟକ କହିଛନ୍ତି ବୋଲି…
ବ୍ଲକ୍ବ୍ଲଷ୍ଟର ଫିଲ୍ମ ‘ଉରି – ଦ ସର୍ଜିକାଲ୍ ଷ୍ଟ୍ରାଇକ୍’ ଫେମ୍ ଭିକି କୌଶଲ୍ଙ୍କୁ ସାଜିଦ୍ ନାଦିଆଦ୍ଓ୍ବାଲାଙ୍କ ଅପକମିଙ୍ଗ ଫିଲ୍ମ ‘ଏଲ୍ଓଏଲ୍ : ଲ୍ୟାଣ୍ଡ୍ ଅଫ୍ ଲୁଙ୍ଗି’ରେ ନଜର ଆସିବେ। ତେବେ ଏହି ଫିଲ୍ମ ପାଇଁ ନିର୍ମାତାଙ୍କ ପ୍ରଥମ ପସନ୍ଦ ଖିଲାଡି ଷ୍ଟାର୍ ଅକ୍ଷୟ କୁମାର ରହିଥିଲେ। କିନ୍ତୁ ଅକ୍ଷୟଙ୍କୁ ରିପ୍ଲେସ୍ କରିଛନ୍ତି ୟଙ୍ଗ ଆକ୍ଟର ଭିକି। ଅକ୍ଷୟ କୁମାର ସମୟ ଅଭାବରୁ ଏହି ଫିଲ୍ମରୁ ଓହରି ଯାଇଛନ୍ତି। ଏହା ସହିତ ଭିକିଙ୍କ ହାତରେ ରହିଛି ରାକେଶ ଶର୍ମାଙ୍କ ବାୟୋପିକ୍ ‘ସାରେ ଜାହାଁ ସେ ଆଛା’, ସର୍ଦ୍ଦାର ଉଦ୍ଦାମ ସିଂଙ୍କ ଜୀବନୀ ଓ କରନ୍ଙ୍କ ଫିଲ୍ମ ’ତଖ୍ତ’ ପ୍ରମୁଖ। ନିକଟରେ ଭିକି ‘ଟାଇମ୍ ମାଗାଜିନ୍ର ମୋଷ୍ଟ ଡିଜାରବେଲ୍ ମ୍ୟାନ୍’ରେ ଶୀର୍ଷରେ ରହି ଚର୍ଚ୍ଚାରେ ରହିଛନ୍ତି।
କେରଳରେ ନିପା ଆତଙ୍କକୁ ପ୍ରତିହତ କରିବା ପାଇଁ କେରଳ ସ୍ବାସ୍ଥ୍ୟ ବିଭାଗ ପକ୍ଷରୁ ଆପ୍ରାଣ ଉଦ୍ୟମ କରାଯାଉଛି। ଏହି ପ୍ରଚେଷ୍ଟାରେ ଏର୍ଣ୍ଣାକୁଲମ୍ ସରକାରୀ ମେଡିକାଲ କଲେଜ୍ରେ ରାଜ୍ୟର ଦ୍ବିତୀୟ କ୍ୟାମ୍ପ ସ୍ଥାପନ କରାଯାଇଛି। ଏହି କ୍ୟାମ୍ପରେ ଅନ୍ୟୁନ ୩୦ ଜଣ ରୋଗୀଙ୍କୁ ସ୍ବତନ୍ତ୍ର ଓ୍ବାର୍ଡରେ ରଖାଯାଇପାରିବ। ରୋଗୀଙ୍କ ଦାୟିତ୍ବରେ ୭୦ ଜଣ ଡାକ୍ତର ଏବଂ ୧୦୨ ଜଣ ପାରା ମେଡିକାଲ ଷ୍ଟାଫ୍ ଏବଂ ୩୦ ଜଣ ନର୍ସ ନିଯୁକ୍ତ ହୋଇଛନ୍ତି। ସେହିପରି ଜୈବିକ ଆବର୍ଜନାକୁ ନଷ୍ଟ କରିବା ପାଇଁ ମଧ୍ୟ ଏକ ଟିମ୍ ରହିଥିବା ଜଣାପଡିଛି। ନିପା ସଂକ୍ରମଣର ପ୍ରଥମ ଶିକାର ହୋଇଥିବା ଯୁବକ ଜଣକ ବର୍ତ୍ତମାନ ସୁସ୍ଥ ହୋଇଥିବା ନେଇ କୋଚିର ଜିଲ୍ଲାପାଳ ମହମ୍ମଦ ଓ୍ବାଇ ସଫିରୁଲ୍ଲା ସୂଚନା ଦେଇଛନ୍ତି। ବର୍ତ୍ତମାନ ସୁଦ୍ଧା ୩୧୮ ଜଣ ବ୍ୟକ୍ତି ନିପା ସଂସ୍ପର୍ଶରେ ଆସିଥିବା ଜଣାପଡିଥିବା ବେଳେ ସ୍ବାସ୍ଥ୍ୟ ବିଭାଗ ଏହି ଘଟଣାରେ ସମ୍ପୂର୍ଣ୍ଣ ନଜର ରଖିଛି। ୨୪୪ ଜଣଙ୍କୁ ନୀରିକ୍ଷଣରେ ରଖାଯାଇଥିବା…
