ଲୋକସଭା ନିର୍ବାଚନରେ ଐତିହାସିକ ବିଜୟ ପରେ ଏବେ ନରେନ୍ଦ୍ର ମୋଦୀଙ୍କ ଶପଥ ସମାରୋହ ପାଇଁ ପ୍ରସ୍ତୁତି ଜୋରଦାର ଚାଲିଛି। ଏଥରର ଶପଥ ସମାରୋହ ପୂର୍ବାପେକ୍ଷା ଅଧିକ ଭବ୍ୟ ହେବ ବୋଲି ଜଣାପଡିଛି। ଏବେ ଏହି ଶପଥ ଗ୍ରହଣ ସମାରୋହରେ କେଉଁ କେଉଁ ଅତିଥି ଯୋଗ ଦେବେ ତାର ନାମ ମଧ୍ୟ ସାମ୍ନାକୁ ଆସିଗଲାଣି। Bimstec (ଭିମ୍ଷ୍ଟେକ୍)ର ପ୍ରମୁଖମାନଙ୍କୁ ଏହି ଶପଥ ଗ୍ରହଣ ଉତ୍ସବରେ ଯୋଗଦେବା ପାଇଁ ନିମନ୍ତ୍ରଣ ରହିଛି। ଭୂଟାନ, ନେପାଳ, ମିଆଁମାର, ବାଂଲାଦେଶ, ଶ୍ରୀଲଙ୍କା, ଥାଇଲାଣ୍ଡକୁ ଏହି ଶପଥ ଗ୍ରହଣ ଉତ୍ସବରେ ଯୋଗଦେବା ପାଇଁ ନିମନ୍ତ୍ରଣ ଦିଆଯାଇଛି। ନରେନ୍ଦ୍ର ମୋଦୀ ମଇ ୩୦ ସନ୍ଧ୍ୟା ୭ଟାରେ ରାଷ୍ଟ୍ରପତି ଭବନରେ ପ୍ରଧାନମନ୍ତ୍ରୀ ପଦର ଶପଥ ନେବେ। ତାଙ୍କ ସହିତ ଅନେକ କ୍ୟାବିନେଟ୍ ମନ୍ତ୍ରୀ ମଧ୍ୟ ଶପଥ ନେବେ। ମାତ୍ର ମନ୍ତ୍ରିମଣ୍ଡଳରେ କିଏ ସାମିଲ ହେବ, ତାହା ଏ ପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ। ଗତ ଥର ନରେନ୍ଦ୍ର ମୋଦୀ ୨୦୧୪ ମେ…
Author: Samikhsya Bureau
ଲୋକସଭା ନିର୍ବାଚନରେ କଂଗ୍ରେସର ନୈରାଶ୍ୟଜନକ ପ୍ରଦର୍ଶନ ପରେ ଦଳରୁ ଇସ୍ତଫା ଦେବା କାର୍ଯ୍ୟକ୍ରମ ଜାରି ରହିଛି। ଆଜି ପଞ୍ଜାବ କଂଗ୍ରେସର ଅଧ୍ୟକ୍ଷ ସୁନୀଲ୍ ଜାଖଡ୍ ଓ ପ୍ରଭାରୀ ଆଶା କୁମାରୀ ଇସ୍ତଫା ଦେଇଛନ୍ତି। ଅନ୍ୟ ରାଜ୍ୟଗୁଡ଼ିକ ତୁଳନାରେ ପଞ୍ଜାବରେ କଂଗ୍ରେସ ଭଲ ପ୍ରଦର୍ଶନ କରିଥିଲା। କିନ୍ତୁ ସୁନୀଲ୍ ଜାଖଡ୍ ଗୁରୁଦାସପୁର ଆସନରୁ ବିଜେପି ନେତା ଅଭିନେତା ସନ୍ନି ଦେଓଲଙ୍କଠାରୁ ପରାଜୟ ଗ୍ରହଣ କରିଛନ୍ତି। ପଞ୍ଜାବର ୧୩ଟି ଲୋକସଭା ଆସନରୁ କଂଗ୍ରେସ ୮ଟି ଆସନ ଜିତିଛି। ଆଜି ସକାଳେ ଝାରଖଣ୍ଡର କଂଗ୍ରେସ ଅଧ୍ୟକ୍ଷ ଅଜୟ କୁମାର ଦଳରୁ ଇସ୍ତଫା ଦେଇଥିଲେ। ଏହା ପୂର୍ବରୁ ଉତ୍ତର ପ୍ରଦେଶ କଂଗ୍ରେସ ଅଧ୍ୟକ୍ଷ ରାଜ ବବର୍ ଓ ଆମେଠିର ଜିଲ୍ଲାଧ୍ୟକ୍ଷ ଯୋଗେନ୍ଦ୍ର ସମେତ କେତେକ ନେତାମାନେ ଦଳର ପରାଜୟ କାରଣକୁ ନିଜ ଉପରେ ନେଇ ନିଜ ପଦରୁ ଇସ୍ତଫା ଦେଇଛନ୍ତି। ଓଡ଼ିଶାର କଂଗ୍ରେସ ସମିତି ଅଧ୍ୟକ୍ଷ ନିରଞ୍ଜନ ପଟ୍ଟନାୟକ, ଓଡ଼ିଶା କଂଗ୍ରେସର ପ୍ରଚାର କମିଟି ଅଧ୍ୟକ୍ଷ ଭକ୍ତ ଚରଣ…
ଦୁଇ ଅଗ୍ରଣୀ ଡାଏରୀ କମ୍ପାନୀ ଅମୁଲ୍ ଓ ମଦର ଡାଏରୀ କ୍ଷୀରରେ ମୂଲ୍ୟ ବୃଦ୍ଧି କରିଥିବାବେଳେ ଏବେ ଏହି ଡାଏରୀ ଇଣ୍ଡଷ୍ଟ୍ରିରେ ଏଣ୍ଟ୍ରି କରିଛି ପତଞ୍ଜଳି ଡାଏରୀ। ସୋମବାର ଦିନ ଯୋଗଗୁରୁ ରାମଦେବ ପତଞ୍ଜଳିର ଟୋନଡ୍ ମିଲ୍କକୁ ବଜାର ପ୍ରବେଶ କରାଇଛନ୍ତି, ଯାହା ଅମୁଲ୍ ଓ ମଦର ଡାଏରୀ କ୍ଷୀରଠାରୁ ୪ଟଙ୍କା ଶସ୍ତା ଅଛି। ଏହି କ୍ଷୀର ମୂଲ୍ୟ ୪୦ଟଙ୍କା ରହିଛି। ଦିଲ୍ଲୀ ଏନ୍ସିଆର୍, ରାଜସ୍ଥାନ ସହ ହରିୟାଣା ଓ ମହାରାଷ୍ଟ୍ରର କିଛି ଅଞ୍ଚଳରେ ଏହା ମେ ୨୮ ତାରିଖରୁ ଉପଲବ୍ଧ ହେବ। ଏହି ଅବସରରେ ରାମଦେବ ଗଣମାଧ୍ୟମକୁ ପତଞ୍ଜଳି ବହୁତ ଶୀଘ୍ର ବଜାରକୁ ହର୍ବାଲ୍ କ୍ଷୀର ଆଣିବାର ଯୋଜନା କରୁଛି ବୋଲି କହିଥିଲେ। ପତଞ୍ଜଳିର ନୂଆ ‘ଟୋନ୍ଡ ମିଲକ୍’ର ବଜାର ପ୍ରବେଶ ଅବସରରେ ଯୋଗଗୁରୁ ବାବା ରାମଦେବ ବିଜେପିର ବୃହତ୍ ବିଜୟକୁ ଉଚ୍ଛ୍ବସିତ ପ୍ରଶଂସା କରିଛନ୍ତି । ବିଜେପିର ବିପୁଳ ବିଜୟକୁ ପ୍ରଶଂସା କରି ଭୋଟ୍ଗଣତି ଦିବସ ମେ ୨୩କୁ ମୋଦି…
୧୭ତମ ଲୋକସଭାର ପ୍ରଥମ ଅଧିବେଶନ୍ ଆସନ୍ତା ଜୁନ୍ ୬ରୁ ଜୁନ୍ ୧୫ ପର୍ଯ୍ୟନ୍ତ ହେବାକୁ ନେଇ ସମ୍ଭାବନା ରହିଛି। ମିଳିଥିବା ସୂଚନା ଅନୁସାରେ ମଇ ୩୧ରେ ହେବାକୁ ଥିବା କ୍ୟାବିନେଟ୍ରେ ପ୍ରଥମ ବୈଠକରେ ଏନେଇ ତାରିଖ ଘୋଷଣା କରାଯାଇପାରେ। ମଇ ୩୦ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦ୍ବିତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ପଦ ପାଇଁ ଶପଥ ଗ୍ରହଣ କରିବେ। ରାଷ୍ଟ୍ରପତି ରାମନାଥ କୋବିନ୍ଦ ଜୁନ୍ ୬ ତାରିଖରେ ସଂସଦର ଦୁଇ ଗୃହର ସଂଯୁକ୍ତ ବୈଠକକୁ ସମ୍ବୋଧିତ କରିବେ। ଅଧିବେଶନର ପ୍ରଥମ ଦିନରେ ଲୋକସଭାରେ ଅସ୍ଥାୟୀ ବାଚସ୍ପତି ନିଯୁକ୍ତି କରାଯାଇପାରେ। ଅସ୍ଥାୟୀ ବାଚସ୍ପତି ନବ ନିର୍ବାଚିତ ସାଂସଦଙ୍କୁ ପଦ ଓ ଗୋପନୀୟତାର ଶପଥ କରାଇବା। ଜୁନ୍ ୧୦ ତାରିଖରେ ବାଚସ୍ପତି ନିର୍ବାଚନ ହେବା ନେଇ ସମ୍ଭାବନା ରହିଛି। ଲୋକସଭା ଅଧ୍ୟକ୍ଷଙ୍କ ନିଯୁକ୍ତି ପରେ ସଂସଦର ଦୁଇ ଗୃହରେ ରାଷ୍ଟ୍ରପତି ଅଭିଭାଷଣ ରଖିବେ। ରାଷ୍ଟ୍ରପତି ଭବନ ତରଫରୁ ପ୍ରକାଶିତ ବିଜ୍ଞପ୍ତି ଅନୁସାରେ,…
ସମୀକ୍ଷା ବ୍ୟୁରୋ କ୍ରିକେଟରେ ଶତକ ବା ଦ୍ବିଶତକ ହାସଲ କରିବା ଏକ ନିଆରା ଅନୁଭୂତି । ବିଶ୍ବକପ୍ରେ ଏହି ମାଇଲଖୁଣ୍ଟର ଗୁରୁତ୍ବ ଆହୁରି ବଢିଯାଇଥାଏ। ବିଶ୍ବକପ୍ରେ ସର୍ବାଧିକ ରନ୍ ସ୍କୋର ହୋଇଥିବା ୫ ଶ୍ରେଷ୍ଠ ଇନିଂସ ସମ୍ପର୍କରେ ଏକ ଆଲୋଚନା। ଏହି ଶ୍ରେଷ୍ଠ ୫ ସ୍କୋର ତାଲିକାରେ ଦୁଇଟି ଦ୍ବିଶତକ ରହିଥିବା ବେଳେ ଏକାଧିକ ଶତକ ରହିଛି। ମାର୍ଟିନ୍ ଗପ୍ଟିଲ୍ ଏବଂ କ୍ରିସ୍ ଗେଲ୍ ଦ୍ବିଶତକ ହାସଲ କରିଛନ୍ତି । ମାର୍ଟିନ ଗପ୍ଟିଲ୍: ୨୩୭* ବନାମ ୱେଷ୍ଟଇଣ୍ଡିଜ୍ (୨୦୧୫) ନ୍ୟୁଜିଲାଣ୍ଡ୍ ପ୍ରାରମ୍ଭିକ ବ୍ୟାଟସମ୍ୟାନ୍ ମାର୍ଟିନ ଗପ୍ଟିଲ୍ଙ୍କ ୨୩୭ ରନ୍ର ଅପରାଜିତ ପାଳି ଦିନିକିଆ କ୍ରିକେଟ୍ ଇତିହାସରେ ଦ୍ବିତୀୟ ସର୍ବୋଚ୍ଚ ମାତ୍ର ବିଶ୍ବକପ୍ରେ ଏହା ସର୍ବାଧିକ। ରୋହିତ ଶର୍ମାଙ୍କ ୨୬୪ ରନ୍ (ବନାମ ଶ୍ରୀଲଙ୍କା, କୋଲକାତା, ୨୦୧୪) ଶୀର୍ଷରେ ରହିଛି। କିନ୍ତୁ ଗପ୍ଟିଲଙ୍କ ୨୩୭* ରନ୍ ବିଶ୍ବକପ୍ ଇତିହାସରେ ସର୍ବୋଚ୍ଚ ବ୍ୟକ୍ତିଗତ ସ୍କୋର୍ ହୋଇରହିଛି। ଗତ ୨୦୧୫ ବିଶ୍ବକପ୍ରେ ୱେଲିଂଟନ୍ରେ ଖେଳାଯାଇଥିବା ୱେଷ୍ଟଇଣ୍ଡିଜ୍…
ଆସନ୍ତା ବୁଧବାର ଦିନ ଅନୁଷ୍ଠିତ ହେବ ନବୀନଙ୍କ ଶପଥ ଗ୍ରହଣ ସମାରୋହ । ଏଥିନେଇ ରାଜଭବନ ତରଫରୁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି । ରାଜ୍ୟରେ ୫ମ ଥର ପାଇଁ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ରୂପେ ଶପଥ ଗ୍ରହଣ ନେବେ । ଏଥି ସହିତ ବିଜେଡ଼ି ସରକାରର ନୂଆ ମନ୍ତ୍ରିମଣ୍ଡଳ ମଧ୍ୟ ଶପଥ ଗ୍ରହଣ କରିବେ । ୨୯ ତାରିଖ ସାଢ ୧୦ଟା ବେଳେ ଏହି ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ । ରାଜଭବନ ପରିସରରେ ନ ହୋଇ ପ୍ରଦର୍ଶନୀ ପଡ଼ିଆରେ ଏହା ଅନୁଷ୍ଠିତ ହେବ । ତେବେ ଏହି ଶପଥ ଗ୍ରହଣ ସମାରୋହକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ କରାଯାଇଛି । ମୋଦିଙ୍କ ସମେତ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ମଧ୍ୟ ନିମନ୍ତ୍ରଣ ଜଣାଇଛି ବିଜେଡ଼ି । ଏହି ଉତ୍ସବକୁ ଓଡ଼ିଶାର ସବୁ ସାଂସଦ ଓ ବିଧାୟକଙ୍କ ସମେତ ମହିଳା, ଚାଷୀ ଓ କେନ୍ଦୁପତ୍ର ତୋଳାଳି ସଂଗଠନ ସମେତ ବିଭିନ୍ନ…
ବଲିଉଡ ସୁପରଷ୍ଟାର ଅଜୟ ଦେବଗନଙ୍କ ବାପା ତଥା ପ୍ରସିଦ୍ଧ ଆକ୍ସନ ଡିରେକ୍ଟର ବିରୁ ଦେବଗନଙ୍କର ଆଜି ଦେହାନ୍ତ ହୋଇଯାଇଛି। ଗତ କିଛି ଦିନ ହେବ ସେ ଅସୁସ୍ଥ ଥିଲେ। ସ୍ଥାନୀୟ ସାଣ୍ଟା କ୍ଲସ୍ ହସ୍ପିଟାଲରେ ତାଙ୍କର ମୃତ୍ୟୁ ହୋଇଛି। ମୃତ୍ୟୁବେଳକୁ ତାଙ୍କୁ ୮୫ ବର୍ଷ ହୋଇଥିଲା । ପଞ୍ଜାବର ଅମୃତସରରେ ଜନ୍ମିତ ବିରୁ ଦେବଗନ୍ ୮୦ରୁ ଅଧିକ ଫିଲ୍ମରେ ଆକ୍ସନ ନିର୍ଦ୍ଦେଶନା ଦେଇଛନ୍ତି । ଏହା ବ୍ୟତୀତ ସେ ‘ହିନ୍ଦୁସ୍ତାନ କା କସମ୍’ ରେ ନିର୍ଦ୍ଦେଶନା ମଧ୍ୟ ଦେଇଛନ୍ତି। ଏଥିସହ ବିରୁ ଅଭିନେତା ଭାବେ କିଛି ଫିଲ୍ମରେ କାମ କରିଛନ୍ତି। ଫିଲ୍ମ ‘କ୍ରାନ୍ତି’, ‘ସୌରଭ’, ‘ସିଂହାସନ’ରେ ସେ ତାଙ୍କ ଅଭିନୟର ଯାଦୁ ଦେଖାଇଛନ୍ତି। ତାଙ୍କ ଆକ୍ସନ ନିର୍ଦ୍ଦେଶିତ ଫିଲ୍ମଗୁଡ଼ିକ ମଧ୍ୟରେ ରହିଛି ‘ଲାଲ୍ ବାଦଶାହା’, ’ଜାନ୍’, ‘ହକିକତ୍’, ’ଦିଲ୍ଓ୍ବାଲେ,’ ‘ଜିଗର୍’, ‘ଖୁନ୍ ଭରି ମାଁଗ୍’ ‘ମିଷ୍ଟର ଇଣ୍ଡିଆ’, ’ହମିତ୍ଓ୍ବାଲା’ ପରି ସିନେମା । ଅଜୟ ଦେବଗନ୍ ଓ କରିସ୍ମା କପୁର୍ଙ୍କ ଅଭିନୀତ…
ବଲିଉଡ଼ ଅଭିନେତ୍ରୀ କରୀନା କପୁର ଖାନ ଖୁବଶୀଘ୍ର ଛୋଟ ପରଦାରେ ନଜର ଆସିବାକୁ ଯାଉଛନ୍ତି। ଜି-ଟିଭିର ଲୋକପ୍ରିୟ ଡାନ୍ସ ରିୟାଲିଟି ଶୋ ‘ଡାନ୍ସ ଇଣ୍ଡିଆ ଡାନ୍ସ ସିଜନ୍-୭’ରେ କରୀନାଙ୍କୁ ବିଚାରପତି ଭାବେ ଦେଖିବାକୁ ମିଳିବ। ସୂଚନା ଅନୁସାରେ, କରୀନାଙ୍କ ସହ ନୃତ୍ୟ ପ୍ରଶିକ୍ଷକ ବସ୍କୋ ମାର୍ଟିସ ଓ ର୍ୟାପର୍ ରଫ୍ତାର୍ ମଧ୍ୟ ଏହି ଶୋ’ରେ ବିଚାରପତି ଭାବେ ନଜର ଆସିବେ। ଜି-ଟିଭି ପକ୍ଷରୁ ନିଜ ଅଫିସିଆଲ୍ ସୋସିଆଲ ମିଡିଆ ପେଜରେ ଏହି ଶୋ’ର ଏକ ପ୍ରମୋ ଭିଡିଓ ଶେୟାର କରାଯାଇଛି। ଏହି ପ୍ରମୋରେ କରୀନା ଗୀତ ଗାଇବା ସହ ନୃତ୍ୟ ମଧ୍ୟ କରିଛନ୍ତି। ବସ୍କୋ ମାର୍ଟିସ ଓ ରଫ୍ତାର୍ ମଧ୍ୟ କରୀନାଙ୍କ ସହ ଡାନ୍ସ କରୁଥିବା ଦେଖିବାକୁ ମିଳିଛି । ପୂର୍ବରୁ ଅନେକ ଅଭିନେତ୍ରୀ ମାନେ ଛୋଟପରଦାରେ ନଜର ଆସିଛନ୍ତି । ବଲିଉଡ୍ ଅଭିନେତ୍ରୀ ମାଧୁରୀ ଦୀକ୍ଷିତ୍ଙ୍କୁ ‘ଝଲକ୍ ଦିଖଲ୍ ଜା’ରେ ବିଚାରପତି ଭାବେ ଦେଖିବାକୁ ମିଳିଥିବାବେଳେ ‘ସୁପର୍ଡ୍ୟାନ୍ସର’ରେ ଅଭିନେତ୍ରୀ ଶିଳ୍ପା…
ଶୁକ୍ରବାର ଫ୍ରାନ୍ସର ଦକ୍ଷିଣପୂର୍ବ ଭାଗ ଲିଓନ୍ର ପ୍ରେସିଡେନ୍ସିଆଲ୍ ଷ୍ଟ୍ରିଟ୍ରେ ଏକ ପାର୍ସଲ ବୋମା ବିସ୍ଫୋରଣ ଘଟିଥିଲା । ଏହି ମାମଲାରେ ପୋଲିସ୍ ପକ୍ଷରୁ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି । ବିସ୍ଫୋରଣରେ 13ରୁ ଅଧିକ ବ୍ୟକ୍ତି ଆହତ ହୋଇଥିଲେ । ଅଭିଯୁକ୍ତର କେଉଁ ଆତଙ୍କୀ ସଙ୍ଗଠନ ସହିତ ସମ୍ବନ୍ଧ ରହିଛି ସେ ନେଇ ଅନୁସନ୍ଧାନ ଜାରି ରହିଛି ବୋଲି ଫ୍ରାନ୍ସ ଗୃହ ମନ୍ତ୍ରାଳୟର ମନ୍ତ୍ରୀ କ୍ରୀଷ୍ଟୋଫେ କାଷ୍ଟାନର ସୂଚନା ଦେଇଛନ୍ତି । ଟ୍ବିଟ୍ଟର ଜରିଆରେ କାଷ୍ଟାନର ଗିରଫର ସୂଚନା ଦେଇଥିବା ବେଳେ ଅଭିଯୁକ୍ତଙ୍କ ପରିଚୟ ଏବଂ ଗିରଫ ସ୍ଥାନ ଗୋପନ ରଖାଯାଇଛି । କୌଣସି ଆତଙ୍କୀ ସଙ୍ଗଠନ ଏନେଇ ନିଜକୁ ଦାୟୀ କରି ନଥିବା ବେଳେ ଅପରାଧୀଙ୍କ ବିପକ୍ଷରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରାଷ୍ଟ୍ରପତି ମାକ୍ରନ୍ ସୂଚନା ଦେଇଛନ୍ତି ।
ଆସନ୍ତା ମେ ୩୦ ତାରିଖରେ ଭାରତୀୟ ବଜାରରେ ଲଞ୍ଚ ହେବାକୁ ଯାଉଛି ଏପ୍ରିଲିଆ ଷ୍ଟର୍ମ ୧୨୫ । ଏହି ସ୍କୁଟରର ମୂଲ୍ୟ ୬୫ ହଜାର ଟଙ୍କା ରହିଥିବା ବେଳେ ଆଜିଠାରୁ ଏହାର ଅଗ୍ରୀମ ବୁକିଂ ଆରମ୍ଭ ହୋଇଛି । ୫୦୦ରୁ ୫ ହଜାର ଟଙ୍କା ମଧ୍ୟରେ ଅଗ୍ରୀମ ପେମେଣ୍ଟ ଜରିଆରେ ଏହି ବୁକିଂ କରାଯାଉଛି । ଏଥିରେ ୧୨୪.୯ ସିସିର ଇଞ୍ଜିନ୍ ରହିଥିବା ବେଳେ , ୯.୬ ଏଫ୍ପିଏସ୍ ଏବଂ ୯.୯ ଏମ ଏମ୍ ଟର୍କର କ୍ଷମତା ରହିଛି । ୨୦୧୮ ଅଟୋ ଏକ୍ସ ପୋରେ ପ୍ରଥମ ଥର ଏହି ସ୍କୁଟର ପ୍ରଦର୍ଶିତ ହୋଇଥିବା ବେଳେ ଭାରତୀୟ ବଜାରକୁ ନଜରରେ ରଖି ଏହି ସ୍କୁଟରର ମୂଲ୍ୟ ପୂର୍ବ ମଡେଲ ଅପେକ୍ଷା କମ୍ ରହିଛି । ଏପ୍ରିଲିଆ ଏସ୍ଆାର ୧୨୫ର ମୂଲ୍ୟ ୭୨୯୨୮ ରହିଥିବା ବେଳେ ଏହି ମଡେଲର ମୂଲ୍ୟ ୭୯୨୮ଟଙ୍କା କମ୍ ରହିଛି । ବାଇକ୍ରେ କମ୍ବୋ ବ୍ରେକ୍ ସିଷ୍ଟମ୍ (କମ୍ବୋ…
ରାଷ୍ଟ୍ରୀୟ ପୁରସ୍କାର ବିଜେତା ଫିଲ୍ମ ନିର୍ମାତା ସୁଧୀର ମିଶ୍ରା ବଲିଉଡ୍ ଅଭିନେତା ନଓ୍ବାଉଦ୍ଦିନ ସିଦ୍ଧିକିଙ୍କ ସହ ଏକ ଫିଲ୍ମ କରିବାକୁ ଯାଉଛନ୍ତି । ସୁଧୀର ମିଶ୍ରାଙ୍କ ଏହି ଫିଲ୍ମଟି ଉପନ୍ୟାସ ‘ସିରିୟସ୍ ମ୍ୟାନ୍’ ଉପରେ ଆଧାରିତ୍ । ଏଥିରେ ନଓ୍ବାଉଦ୍ଦିନ୍ ମୁଖ୍ୟ ଭୂମିକାରେ ନଜର ଆସିବେ । ପୂର୍ବରୁ ସୁଧୀର ମିଶ୍ରା ନଓ୍ବାଜଙ୍କ ସହ କାମ କରିବାକୁ ନେଇ ଇଚ୍ଛୁକ ରହିଥିଲେ । ୨୦୧୦ରେ ଆସିଥିବା ମନୁ ଯୋଶେଫ୍ଙ୍କ ଏହି ଉପନ୍ୟାସ କାହାଣୀରେ ଜାତି ତଥା ଲିଙ୍ଗଗତ ସଂଘର୍ଷ ଉପରେ ଆଧାରିତ । ଦଳିତ ସମ୍ପ୍ରଦାୟର ଏକ ପିତା ଓ ପୁତ୍ରର କାହାଣୀକୁ ନିଆଯାଇଛି । ସୁଧୀର ମିଶ୍ରା କହିଛନ୍ତି ଯେ, ଏହି ଫିଲ୍ମରେ ନଓ୍ବାଜଙ୍କ ଚରିତ୍ର ମାଧ୍ୟମରେ ଜଣେ ରାଗୀ ବ୍ୟକ୍ତି ଭିତରେ ଥିବା ନରମ ଛବିକୁ ଦେଖାଯିବ । ହଜାରେ ଖ୍ବାହିସୋଁ ଏସୀ, ଚମେଲି, ଇନ୍କାର ପରି ଫିଲ୍ମ ପାଇଁ ସୁଧୀର ମିଶ୍ର ବେଶ୍ ଲୋକପ୍ରିୟ ।
ଆମେରିକାର ଓକ୍ଲାହୋମା ସହରରେ ଏକ ଶକ୍ତିଶାଳୀ ଟର୍ଣ୍ଣାଡୋ ଏହାର ତାଣ୍ଡବ ଦେଖାଇଛି। ଏହି ଟର୍ଣ୍ଣାଡୋରେ ୨ଜଣଙ୍କର ମୃତ୍ୟୁ ଘଟିଥିବା ବେଳେ ୨୯ ଜଣ ଆହତ ହୋଇଛନ୍ତି। ଏହି ତାଣ୍ଡବରେ ଏକ ମୋଟେଲ ଏବଂ ଏକ ମୋବାଇଲ ହୋମ ପାର୍କ ସମ୍ପୂର୍ଣ୍ଣ ଭୁଷୁଡି ପଡିଥିଲା। ଇଏଫ୍ ୩ ଶ୍ରେଣୀର ଏହି ଟର୍ଣ୍ଣାଡୋରେ ୨୧୯-୨୬୬ କିମି ବେଗରେ ପବନ ବହିଥିଲା। ଏହାପରେ ଟୁଲ୍ସା ସହରକୁ ଆଉ ଏକ ଟର୍ଣ୍ଣାଡୋ ଆସିଥିଲା ଯେଉଁଥିରେ ୧୬୦କିମି ବେଗରେ ପବନ ବୋହିଥିଲା।୨୯ ଜଣ ଆହତଙ୍କ ମଧ୍ୟରେ ଅନେକଙ୍କ ଅବସ୍ଥା ସଙ୍କଟାପନ୍ନ ରହିଛି। ମୋଟେଲଟି ଭୁଷୁଡି ପଡି ଥିବାରୁ ମୃତକ ଏବଂ ଆହତଙ୍କ ସଂଖ୍ୟାରେ ବୃଦ୍ଧି ଘଟି ପାରେ ବୋଲି ଅନୁମାନ କରାଯାଉଛି।
ବ୍ରାଜିଲ୍ର ଏକ ଜେଲ୍ରେ କଏଦୀଙ୍କ ମଧ୍ୟରେ ସଂଘର୍ଷ ଘଟି ୧୫ ଜଣ କଏଦୀଙ୍କ ମୃତ୍ୟୁ ଘଟିଛି । ରବିବାର ବ୍ରାଜିଲ୍ର ଉତ୍ତରରେ ରହିଥିବା ମାନାଉସ୍ରେ ଏକ ଜେଲ୍ରେ ଏହି ସଂଘର୍ଷ ଘଟିଥିଲା । ରବିବାର ରାତି ୧୧ଟା ସମୟରେ କଏଦୀଙ୍କ ମଧ୍ୟରେ ଏହି ସଂଘର୍ଷ ଘଟିଥିଲା । ପୂର୍ବରୁ ଏକାଧିକ ଥର ସଂଘର୍ଷ ଘଟିଥିବା ନେଇ କହିଛନ୍ତି କଲୋନେଲ୍ ଭିନିସିଅସ୍ ଆଲ୍ମେଡିଆ । କଏଦୀଙ୍କ ମଧ୍ୟରେ ଝଗଡାର କାରଣ ସମ୍ପର୍କରେ ଅନୁସନ୍ଧାନ ଚାଲିଥିବା ଜଣାପଡିଛି । ପୂର୍ବରୁ ୨୦୧୭ରେ ଏକ ସଂଘର୍ଷରେ ୫୬ ଜଣ କଏଦୀଙ୍କ ପ୍ରାଣହାନି ଘଟିଥିଲା । ବିଶ୍ବରେ ଜେଲ୍ରେ ରହିଥିବା କଏଦୀଙ୍କ ତାଲିକାରେ ତୃତୀୟ ସ୍ଥାନରେ ରହିଛି । ବ୍ରାଜିଲ୍ରେ କଏଦୀଙ୍କ ସଂଖ୍ୟା ୭ ଲକ୍ଷ ୨୬ହଜାର ୭୧୨ ରହିଥିବା ବେଳେ ଜେଲ୍ର କଏଦୀ କ୍ଷମତା ୩ଲକ୍ଷ ୬୮ ହଜାର ୪୯ ରହିଛି । ମାତ୍ରାଧିକ କଏଦୀ ରହିବା ଯୋଗୁଁ ସର୍ବଦା ସଂଘର୍ଷ ଘଟିଥାଏ ।
ସପ୍ତଦଶ ଲୋକସଭା ନିର୍ବାଚନରେ ମହିଳା ସାଂସଦଙ୍କ ସଂଖ୍ୟା ବୃଦ୍ଧି ପାଇଥିବା ନେଇ ଏକ ରିପୋର୍ଟ ପ୍ରକାଶ ପାଇଛି । ୫୪୨ ଟି ଆସନରୁ ବିଜେପି ନେତୃତ୍ବାଧୀନ ଏନ୍ଡିଏ ମେଣ୍ଟ ୩୫୩ଆସନ ହାସଲ କରି ସ୍ପଷ୍ଟ ବହୁମତ ହାସଲ କରିଛି । ସଂସଦରୁ ମିଳିଥିବା ତଥ୍ୟ ଅନୁଯାୟୀ ମହିଳା ସାଂସଦଙ୍କ ସଂଖ୍ୟା ୭୫କୁ ବୃଦ୍ଧି ପାଇଛି । ୨୦୧୪ରେ ଏହି ସଂଖ୍ୟା ୨୭ ରହିଥିଲା । ୨୦୧୪ରେ ମାତ୍ର ୫ ପ୍ରତିଶତ ମହିଳା ସାଂସଦ ରହିଥିବା ବେଳେ ୨୦୧୯ରେ ଏହା ୧୪ ପ୍ରତିଶତକୁ ବୃଦ୍ଧି ପାଇଛି । ଏହି ସଂଖ୍ୟା ସନ୍ତୋଷ ଜନକ ହୋଇଥିଲେ ମଧ୍ୟ ଅନ୍ୟ ରାଷ୍ଟ୍ର ତୁଳନାରେ ପ୍ରଭାବହୀନ ମନେ ହେଉଛି । ଯୁକ୍ତରାଷ୍ଟ୍ର ଆମେରିକାରେ ୩୨ ପ୍ରତିଶତ ମହିଳା ନିର୍ବାଚିତ ହୋଇଥିବା ବେଳେ ପଡୋଶୀ ରାଷ୍ଟ୍ର ବାଂଲାଦେଶରେ ଏହି ସଂଖ୍ୟା ୨୧ ପ୍ରତିଶତ ରହିଛି । ଚଳିତ ବର୍ଷ ବିଜେପିର ୩୦୩ ସାଂସଦ ନିର୍ବାଚିତ ହୋଇଥିବା ବେଳେ କଂଗ୍ରେସର…
ଚଳିତ ନିର୍ବାଚନରେ ବିଜେଡିକୁ ପୁଣିଥରେ ସଫଳତା ମିଳିଛି। ପଞ୍ଚମଥର ପାଇଁ ବିଜେଡି ସୁପ୍ରିମୋ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି। ୨୯ ତାରିଖ ବୁଧବାର ଦିନ ନବୀନ ପଟ୍ଟନାୟକ ଓଡ଼ିଶାର ମୁଖ୍ୟମନ୍ତ୍ରୀ ଭାବେ ଶପଥ ନେବେ। ଚଳିତ ଥରକୁ ମିଶାଇଲେ ସେ କ୍ରମାଗତ ଭାବେ ପଞ୍ଚମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେବେ। ଏଥରକ ରାଜଭବନରେ ଶପଥ ଗ୍ରହଣ ଉତ୍ସବ ନ ହୋଇ ଭୁବନେଶ୍ୱର ପ୍ରଦର୍ଶନୀ ପଡ଼ିଆରେ ଏହି ଶପଥ ସମାରୋହ ଅନୁଷ୍ଠିତ ହେବ। ସୂଚନାଯୋଗ୍ୟ, ଚଳିତ ନିର୍ବାଚନରେ ନବୀନ ଏକକାଳୀନ ହିଞ୍ଜିଳି ଓ ବିଜେପୁର ବିଧାନସଭା ଆସନରୁ ପ୍ରାର୍ଥୀ ହୋଇଥିଲେ। ସେଠାରୁ ବୃହତ୍ ଭୋଟ୍ ବ୍ୟବଧାନରେ ସେ ବିଜୟୀ ହୋଇଥିଲେ।
ଉତ୍ତର ପ୍ରଦେଶର ଜନୈକ ବିଏସ୍ପି ସାଂସଦଙ୍କୁ ଗିରଫଦାରୀରୁ ସୁରକ୍ଷା ଦେବା ପାଇଁ ମନା କରିଛନ୍ତି ସୁପ୍ରିମ୍କୋର୍ଟ। ନବ ନିର୍ବାଚିତ ସାଂସଦଙ୍କୁ ଗିରଫ କରାଯାଇପାରିବ ବୋଲି ନିଜ ରାୟରେ ପ୍ରକାଶ କରିଛନ୍ତି ସୁପ୍ରିମକୋର୍ଟ। ସୋମବାର ମୁଖ୍ୟ ବିଚାରପତି ରଞ୍ଜନ ଗୋଗୋଇ ଏବଂ ଅନିରୁଦ୍ଧ ବୋଷଙ୍କ ଖଣ୍ଡପୀଠ ଏହି ଆଦେଶ ଦେଇଛନ୍ତି। ସୂଚନା ଅନୁଯାୟୀ ଘୋଷି ନିର୍ବାଚନ ମଣ୍ଡଳୀର ସାଂସଦ ଅତୁଲ ରାୟଙ୍କ ବିରୋଧରେ ଜଣେ କଲେଜ ଛାତ୍ରୀଙ୍କୁ ବଳାତ୍କାର କରିଥିବାର ଅଭିଯୋଗ ଆସିଥିଲା। ଏହି ମାମଲାରେ ଆଗୁଆ ଜାମିନ ପାଇଁ ରାୟ କୋର୍ଟଙ୍କ ଦ୍ବାରସ୍ଥ ହୋଇଥିଲେ ମଧ୍ୟ କୋର୍ଟ ଏହାକୁ ଖାରଜ କରି ଦେଇଥିଲେ। ମେ୧ ତାରିଖରେ ରାୟଙ୍କ ବିପକ୍ଷରେ ଏହି ମାମଲା ରୁଜୁ କରାଯାଇଥିଲା। ମେ ୮ ତାରିଖରେ ୟୁପି ଉଚ୍ଚ ନ୍ୟାୟାଳୟ ମଧ୍ୟ ରାୟଙ୍କ ଜାମିନ ଆବେଦନକୁ ଖାରଜ କରିଥିଲେ। ନିଜ ଘରକୁ ନେଇ ବଳାତ୍କାର କରିଥିବାର ଅଭିଯୋଗ ଆଣିଥିଲେ ଯୁବତୀ ଜଣକ।
ସିକିମ୍ କ୍ରାନ୍ତିକାରୀ ମୋର୍ଚ୍ଚାର ସଭାପତି ପ୍ରେମ୍ ସିଂ ତମାଙ୍ଗ ବା ପିସି ଗୋଲେ ସିକ୍କିମ୍ର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ମେ ୨୭ତାରିଖରେ ସିକ୍କିମ୍ର ପଲଜୋର୍ ଷ୍ଟାଡିୟମ୍ରେ ଶପଥ ଗ୍ରହଣ କରିଛନ୍ତି ପିସି ଗୋଲେ। ରାଜ୍ୟପାଳ ଗଙ୍ଗା ପ୍ରସାଦ ପଲ୍ଜୋର ଷ୍ଟାଡିୟମ୍ରେ ଅନୁଷ୍ଠିତ ଶପଥ ଗ୍ରହଣ କାର୍ଯ୍ୟକ୍ରମରେ ଗୋଲେଙ୍କୁ ପଦ ଏବଂ ଗୋପନୀୟତାର ଶପଥ ପାଠ କରାଇଥିଲେ। ଉଲ୍ଲେଖଯୋଗ୍ୟ ଯେ, ଗୋଲେ ବର୍ତ୍ତମାନ ବିଧାନସଭାର ସଦସ୍ୟ ନାହାନ୍ତି। ଚଳିତ ନିର୍ବାଚନରେ ଗୋଲେ ପ୍ରତିଦ୍ବନ୍ଦିତା କରିନଥିଲେ। ଶତାଧିକ ଦଳୀୟ କର୍ମୀଙ୍କ ଉପସ୍ଥିତିରେ ଗୋଲେ ଶପଥ ଗ୍ରହଣ କରିଥିଲେ। ସିକ୍କିମ୍ ଡେମୋକ୍ରାଟିକ୍ ଫ୍ରଣ୍ଟର ମୁଖ୍ୟମନ୍ତ୍ରୀ ପଓ୍ବନ୍ କୁମାର ଚାମ୍ଲିଙ୍ଗଙ୍କୁ ପରାସ୍ତ କରି ସରକାର ଗଠନ କରିଛି ସିକିମ୍ କ୍ରାନ୍ତିକାରୀ ମୋର୍ଚ୍ଚା। ୩୨ ଆସନ ବିଶିଷ୍ଟ ସିକ୍କିମ୍ ବିଧାନସଭାରୁ ଏସ୍ଡିଏଫ୍ ୧୫ଟି ଆସନ ହାସଲ କରିଥିବା ବେଳେ କ୍ରାନ୍ତିକାରୀ ମୋର୍ଚ୍ଚା ୧୭ଟି ଆସନ ସହିତ ସରକାର ଗଠନ କରିଛନ୍ତି।
ଚଳିତ ଲୋକସଭା ନିର୍ବାଚନରେ ଦେଶର ସବୁଠୁ ପୁରୁଣା ରାଜନୈତିକ ଦଳ ‘କଂଗ୍ରେସ’ର ଖରାପ ପ୍ରଦର୍ଶନ କରିଛି। ରାହୁଲ ଗାନ୍ଧିଙ୍କ ନେତୃତ୍ବାଧୀନ କଂଗ୍ରେସ ସମଗ୍ର ଦେଶରେ ୫୨ଟି ସିଟ୍ ଆସନ ଜିତିଛି। ଦଳର ଏପରି ବିପର୍ଯ୍ୟୟ ପରେ ଦଳରୁ ଇସ୍ତଫା ଦେବାରେ ଲାଗିଛନ୍ତି। ଆଜି ଝାରଖଣ୍ଡର ପାର୍ଟି ଅଧ୍ୟକ୍ଷ ଅଜୟ କୁମାର ଇସ୍ତଫା ଦେଇଛନ୍ତି। ଝାରଖଣ୍ଡରେ କଂଗ୍ରେସ ଗୋଟିଏ ଆସନ ଜିତିଛି।ଏହା ପୂର୍ବରୁ ଉତ୍ତର ପ୍ରଦେଶ କଂଗ୍ରେସ ଅଧ୍ୟକ୍ଷ ରାଜ ବବର୍ ଓ ଆମେଠିର ଜିଲ୍ଲାଧ୍ୟକ୍ଷ ଯୋଗେନ୍ଦ୍ର ସମେତ କେତେକ ନେତାମାନେ ଦଳର ପରାଜୟ କାରଣକୁ ନିଜ ଉପରେ ନେଇ ନିଜ ପଦରୁ ଇସ୍ତଫା ଦେଇଛନ୍ତି। ଏଠାରେ କେବଳ ରାୟବେରଲୀରୁ ହିଁ ଗୋଟିଏ ଆସନ କଂଗ୍ରେସରୁ ଜିତିଥିବାବେଳେ ରାହୁଲ ତାଙ୍କର ପାରମ୍ପରିକ ଆସନ ଅମେଠିରୁ ହାରିଯାଇଛନ୍ତି। ଓଡ଼ିଶାର କଂଗ୍ରେସ ସମିତି ଅଧ୍ୟକ୍ଷ ନିରଞ୍ଜନ ପଟ୍ଟନାୟକ, ଓଡ଼ିଶା କଂଗ୍ରେସର ପ୍ରଚାର କମିଟି ଅଧ୍ୟକ୍ଷ ଭକ୍ତ ଚରଣ ଦାସ ଓ କର୍ଣ୍ଣାଟକ କଂଗ୍ରେସ ପ୍ରଚାର ଅଧ୍ୟକ୍ଷ…
କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ପକ୍ଷରୁ ଆଜି ପୂର୍ବତନ କୋଲକାତା କମିଶନର ରାଜୀବ କୁମାରଙ୍କୁ ସମନ ଜାରି କରାଯାଇଛି। ଗତକାଲି କୋଲକାତାର ପୂର୍ବତନ କମିଶନରଙ୍କ ନାମରେ ସିବିଆଇ ପକ୍ଷରୁ ଲୁକ୍ ଆଉଟ୍ ନୋଟିସ୍ ଜାରି କରାଯାଇଥିବା ବେଳେ ଆଜି ସମନ ଜାରି କରାଯାଇଛି। ୧୯୮୯ ବ୍ୟାଚ୍ର ଆଇପିଏସ୍ ଅଫିସର ରାଜୀବ କୁମାର ୨୫୦୦ କୋଟି ଟଙ୍କାର ଶାରଦା ଚିଟ୍ଫଣ୍ଡ ମାମଲାରେ ସମ୍ପୃକ୍ତ ଥିବାର ଅଭିଯୋଗ ଉଠିଥିଲା। ଏହି ମାମଲାକୁ ନେଇ ସୋମବାର କୋଲକାତାର ସିବିଆଇ ମୁଖ୍ୟାଳୟରେ ହାଜର ହେବା ପାଇଁ ନିର୍ଦ୍ଦେଶ ଦିଆଯାଇଛି। ଲୁଡୋନ୍ ଷ୍ଟ୍ରିଟ୍ରେ କୁମାରଙ୍କ ବାସଭବନରେ ସେ ନଥିବାରୁ ଏହି ସମନ ଜାରି କରାଯାଇଛି। ପୂର୍ବରୁ ସ୍ବତନ୍ତ୍ର ତଦନ୍ତକାରୀ ଦଳ ଏହି ମାମଲାର ତଦନ୍ତ କରିଥିବା ବେଳେ ବର୍ତ୍ତମାନ ମାମଲ ସିବିଆଇ ନିକଟରେ ରହିଛି। ପୂର୍ବରୁ ସୁପ୍ରିମକୋର୍ଟ ରାଜୀବ କୁମାରଙ୍କ ଗିରଫଦାରୀ ଉପରେ ଅଙ୍କୁଶ ଲଗାଇଥିଲେ ମାତ୍ର ଏହି ସୁରକ୍ଷା ଉଠାଇନେବା ପରେ ଗିରଫଦାରୀର ଆଶଙ୍କା ଉପୁଜିଥିଲା। ମାମଲାକୁ…
ହାଓ୍ବାଡାରୁ ମୁମ୍ବାଇ ଅଭିମୁଖେ ଯାଉଥିବା ହାଓ୍ବାଡା ମୁମ୍ବାଇ ଏଲ୍ଟିଟିଇର ଗୋଟିଏ ବଗିରେ ଅଗ୍ନିକାଣ୍ଡ ଘଟିଛି। ଝାଡ଼ଖଣ୍ଡର ଲୋଟାପାହାଡ଼-ଚକ୍ରଧରପୁର ଷ୍ଟେସନ ମଝିରେ ଏହି ଅଗ୍ନିକାଣ୍ଡ ଘଟିଥିଲା। ଯାତ୍ରୀମାନେ ନିଜ ଜୀବନ ବଞ୍ଚାଇବାକୁ ଟ୍ରେନ୍ରୁ ଡେଇଁପଡ଼ିଥିବାବେଳେ ସମସ୍ତେ ସୁରକ୍ଷିତ ଅଛନ୍ତି। ଅଗ୍ନିଶମ ଅଧିକାରୀଙ୍କ ଦ୍ବାରା ନିଆଁ ଆୟତ୍ତ କରାଯାଇଛି। ଏଥିରେ କେହି ଯାତ୍ରୀ ମୃତାହତ ହୋଇନଥିବାର ସୂଚନା ରହିଛି। ଯାନ୍ତ୍ରିକ ତ୍ରୁଟି କାରଣରୁ ଏପରି ଅଗ୍ନିକାଣ୍ଡ ହୋଇଛି ବୋଲି ପ୍ରାଥମିକ ସୂଚନାରୁ ଜଣାପଡିଛି। ପ୍ରାୟ ଘଣ୍ଟାଏ ପରେ ସ୍ଥିତି ସ୍ବାଭାବିକ ହୋଇଥିବାବେଳେ ଗନ୍ତବ୍ୟ ମାର୍ଗରେ ଟ୍ରେନ୍ଟି ଚାଲିଛି।
ବୃହତ ବିଜୟ ସହିତ କ୍ଷମତାକୁ ପ୍ରତ୍ୟାବର୍ତ୍ତନ କରିଥିବା ବେଳେ ପ୍ରଥମ ଥର ପାଇଁ ବାରଣାସୀ ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ଗସ୍ତ ସମୟରେ ମୋଦି ବାରଣାସୀର ଜନତାଙ୍କୁ ନିର୍ବାଚନରେ ବୃହତ ବିଜୟ ପାଇଁ ଧନ୍ୟବାଦ ଜଣାଇବା ସହିତ କାଶୀ ବିଶ୍ବନାଥଙ୍କ ଦର୍ଶନ କରିଥିଲେ। ପ୍ରଧାନମନ୍ତ୍ରୀଙ୍କ ଏହି ଗସ୍ତ ସମୟରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ତାଙ୍କ ସହିତ ଯୋଗ ଦେଇଥିଲେ। ଶପଥ ଗ୍ରହଣର ତିନି ଦିନ ପୂର୍ବରୁ ବାରଣାସୀ ଗସ୍ତ କରିଥିବା ମୋଦି କ୍ରମାଗତ ଦ୍ବିତୀୟ ଥର ପାଇଁ ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହୋଇଛନ୍ତି। କାଶୀ ବିଶ୍ଵନାଥ ମନ୍ଦିରକୁ ମୋଦି ଏକ କାର୍ରେ ଯାତ୍ରା କରିଥିଲେ। କାଶୀ ବିଶ୍ବନାଥ ମନ୍ଦିର ପରିସରରେ ଏକ ଏଲ୍ଇଡି ସ୍କ୍ରିନ୍ ଲଗା ଯାଇଥିଲା ଯାହାଦ୍ବାରା ମୋଦିଙ୍କ ପୂଜା କରିବା ସମୟର ଦୃଶ୍ୟର ଲାଇଭ୍ ଷ୍ଟ୍ରିମିଂ କରାଯାଇଥିଲା। କାଶୀ ବିଶ୍ବନାଥଙ୍କ ଦର୍ଶନ ପରେ ମୋଦି ବିଜେପି…
